Connect with Us

Shqetësimet e Omikronit: BioNTech-u më optimist se Moderna

Shëndeti

Shqetësimet e Omikronit: BioNTech-u më optimist se Moderna

Publikuar

-

/

Shefi i BioNTech-ut, Ugur Sahin pret që vaksina aktuale kundër Covid-19 e prodhuesit nga Mainzi dhe partnerit të saj Pfizer të jetë gjithashtu në gjendje të mbrojë nga rrjedhat e rënda të sëmundjeve me variantin e ri Omikron. Në fund të fundit, Omikron nuk është varianti i parë i koronas që është shfaqur, tha Sahin-i në Mainz përpara dhënies së një çmimi atij dhe gruas së tij.

E gjitha varet nga vaksinimi i tretë

“Ne e konsidojmë të mundur që të vaksinuarit të kenë mbrojtje të konsiderueshme kundër sëmundjeve të rënda të shkaktuara nga Omikron,” tha Sahin për agjencinë e lajmeve Reuters. “Ne besojmë se kjo mbrojtje do të jetë edhe më e theksuar kur njerëzit të marrin vaksinën e tretë”.

Impfstoffentwickler von Biontech mit Zukunftspreis 2021 ausgezeichnet

Më parë, Sahin-i kishte bërë komente të ngjashme në “Wall Street Journal”: askush nuk duhet të humbasë durimin për shkak të Omikronit, ajo që ka rëndësi tani është që t’u japim të gjithëve sa më shpejt që të jetë e mundur vaksinime të treta.

Vaksinë e re BioNTech në zhvillim

Sahin tha për Wall Street Journal se pas vaksinimit, trupi prodhon antitrupa dhe qeliza T që përdoren për mbrojtjen imunitare. Nëse varianti i koronavirusit është më i aftë të pengojë antitrupat, vjen radhe e qelizave T për të mbrojtur kundër përparimit të rëndë të sëmundjes. Është e vështirë të përfytyrohet se një variant mund të neutralizojë dy mekanizmat mbrojtës.

Megjithatë, prodhuesi i vaksinave në Mainz po punon, përveç testeve të vazhdueshme laboratorike për të studiuar variantin e ri të koronas, për zhvillimin e një vaksine të përshtatshme – si masë parandaluese në rast se është e nevojshme. Rezultate të para ende nuk ka, tha shefi i firmës.

Corona Impfstoff Moderna Biontech Pfizer

Shitje paniku pas deklaratave të Modernas

Deklaratat pothuajse të qeta të shefit të BioNTech kontrastojnë ashpër me deklaratat e fundit të Stéphane Bancel. Dje, shefi i grupit farmaceutik amerikan Moderna i trembi bursat botërore me komente skeptike dhe shkaktoi shitje në panik. Investitorët shprehën frikë se Omikron-i do të shkaktonte kufizime të mëtejshme masive në jetën ekonomike. DAX humbi 1.2 për qind në 15,100 pikë.

Banceli i pati thënë gazetës “Financial Times” se për shkak të mutacioneve të shumta të variantit Omikron, shkencëtarët prisnin një “ulje të konsiderueshme” të efektit mbrojtës. “Unë mendoj se do të ketë një pakësim të madh. Por nuk e di se sa, sepse duhet të presim të dhënat. Por të gjithë shkencëtarët me të cilët kam folur janë të mendimit se ‘nuk do të jetë mirë’.

Çështje javësh – apo muajsh

Kompania e tij padyshim që tashmë ka filluar punën për një vaksinë të rishikuar, sipas Bancel. Por ka të ngjarë të kalojnë muaj përpara se prodhuesit të mund të prodhojnë sasi të mjaftueshme të vaksinave të përshtatshme.

Fakt është se vetëm për dy javë, pritet të dihet më shumë për efektivitetin e vaksinave ekzistuese nga të dyja kompanitë – Moderna dhe BioNTech. Sipas drejtorit të Agjencisë Evropiane të Barnave (EMA), Emer Cooke, duhen dy javë për të zbuluar nëse vaksinat aktuale kundër Covid-19 mund të përballojnë variantin e ri të koronavirusit./dw

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

“4-5 persona në ditë vdesin nga mos bërja e vaksinës”/ Ja sa pritet të zgjasë vala e fundit e pandemisë

Publikuar

-

Nga

Nëndrejtori i Insitutit të Shëndetit Publik, Dritan Ulqinaku ka folur lidhur me Covid-19 dhe rritjen e rasteve të personave të infektuar.

Ulqinaku tha se respektimi i masave duhet të ishte një ndërgjegjësim publik dhe se vetëm pasi 60 deri në 70% të jetë vaksinuar, atëherë mund të flasim për optimizmi.

Ndërsa sa i përket debatit nëse kjo mund të jetë vala e fundit e këtij virusi, nëndrejtori i ISHP-së u shpreh se shpresonin për diçka të tillë por gjithsesi duhet të merreshin masat e duhura për çdo lloj situata.



“Mendoj dhe shpresoj të jetë fillimi i fundit, por që është fillimi i valës së fundit, valë e cila parashikohet të zgjasë minimum edhe 10 ditë të tjera, maksimumi uroj mos të zgjasë më shumë se 20 ditë. Por që jemi në pikun e rasteve dhe në pikun e personave të infektuar, dëgjomë vazhdimisht kërkesa dhe ankesa nga të gjitha grupmoshat.

Trendi epidemiologjik qartazi tregon se kemi një mbivendosje të Omicron. Mund të them se rritja e rasteve ka shtuar edhe kërkesën për t’u vaksinuar por në momentin që nuk e tejkalojmë dot shifrën prej 60-70% të të vaksinuarve, do të jemi në qorrsokak. Unë i konsideroj vrasje, pra 4 deri në 5 veta në ditë vdesin nga mos bërja e vaksinës. Nuk ka asnjë lloj rreziku vaksinimi, përkundrazi lufton këtë virus”, tha ai./CNA.al

 

LEXO TE PLOTE

Shëndeti

Studimi: Doza e katërt nuk shmang infeksionin nga Omicron-i

Publikuar

-

Nga

Një grup studiuesish në një spital të Izraelit thanë se gjetjet paraprake të një studimi sugjerojnë se doza e katërt e vaksinës kundër COVID-19-s, nuk ndihmon për të shmangur infeksionin nga varianti Omicron.

Mjekët e spitalit ‘Sheba’ thanë se u kishin dhënë një dozë të katërt të vaksinës Pfizer-BioNtech apo Moderna, 274 punonjësve të shërbimit shëndetësor dhe se kishin zbuluar se megjithëse përforcuesi rriste nivelin e antitrupave, ai nuk e parandalonte përhapjen e Omicron-it.



Izraeli ka ofruar një dozë të katërt të vaksinës për personat mbi 60 vjeç. Ky vend ka qenë ndër të parët që ka vaksinuar popullatën dhe ka ofruar dozën përforcuese.

Autoritetet e Ministrisë së Shëndetësisë thanë se ky informacion do të merret në konsideratë për të vendosur nëse programi i imunizimit të popullatës, do të zgjerohet duke shtuar një tjetër dozë./voa

LEXO TE PLOTE

Shëndeti

Embolia pulmonare, shkaqet dhe rreziqet/ Mjeku shpjegon lidhjen me Covid-19

Publikuar

-

Nga

Dr. Shk. Alfred Nona, mjek kardiolog ka folur sot për embolinë pulmonare, shkaqet dhe rreziqet që sjell.

I ftuar në emisionin “Abc-ja e mëngjesit”, Dr. Nona shpjegoi se embolia pulmonare është një ndër shkaktarët kryesorë për mortalitet dhe me Covid-19, shifrat janë rritur.

Embolia pulmonare mund të rezultojë fatale për shkak të bllokimit të rrjedhës së gjakut, të shkaktuar si rezultat i mpiksjes së gjakut. Dr. Alfredi thekson se trajtimi në kohë zvogëlon ndjeshëm rrezikun e vdekjes. Mjeku theksoi gjithashtu se shumë pacientë me Covid-19 pësojnë emboli pulmonare.

“Sa i përket prognozës, embolia pulmonare ka pasur një mortalitet diku te 11 përqind përpara pandemisë, shifrat janë më të larta tani. Një pjesë e pacientëve, 1/3 e tyre humbin jetën pa arritur në spital ose kur arrijnë dhe nuk është bërë trajtimi akoma,kur nuk ka pasur kohë trajtimi që të veprojë, arrin deri te 15 përqind mortaliteti në global i embolisë pulmonare.



Verifikimi i rasteve është rritur në mënyrë dramatike sepse kapaciteti diagnostikues është shumë herë më i lartë. Mortaliteti ka ardhur në rënie, ka qenë më i lartë 20 vite më përpara por ka rënie. Kur flasim për mpiksje të gjakut, duhet të shkrijmë këtë gjak të mpiksur dhe duhet të përdorim antikoagulantë. Në bazë të klasifikimit me risk të lartë për vdekshmëri, të mesëm ose të ulët japim terapinë.

Një pacient me risk të lartë për mortalitet akut apo brenda 30 ditëve përdorim trombolitët, holluesit e gjakut. Përdorim medikamente të ndryshme në bazë të fillesës së trombozës.”, tha Dr. Alfredi duke shtuar se kirurgjitë janë më të rralla pasi zakonisht terapitë funksionojnë.

Më tej, Dr. Nona shpjegoi se si shkaktohet hipertensioni pulmonar. “Nëse një gjak i mpiksur nuk është shkrirë siç duhet, ai ngushton enët e gjakut dhe fibritizohet. Nuk shkrihet me hollues dhe jep hipertension pulmonar kronik tromboembolik. Ky lloj është i vetmi që mund të shërohet dhe në saj bëhet një ndërhyrje kirurgjikale.

Hipertensioni është i rëndësishëm se i shkurton jetën pacientin nëse nuk trajtohen në mënyrën e duhur. Identifikohet në bazë të një ekokardiograme, me një skaner për të parë nëse ka ngelur gjak i mpiksur dhe nuk është pastruar siç duhet. Atëherë bëhet katerizimi i zemrës së djathtë dhe vendoset nëse duhet bërë ndërhyrje për pastrimin e enëve të gjakut. “, shpjegoi Dr Alfredi Nona.

LEXO TE PLOTE