Connect with Us

Luajti ndaj Interit, ja si u vlerësua Rey Manaj pas ndeshjes

Seria A

Luajti ndaj Interit, ja si u vlerësua Rey Manaj pas ndeshjes

Publikuar

-

/

Rei Manaj sot ka luajtur një ndeshje shumë speciale, pasi është vënë përballë skuadrës së Interit, ku u rrit si futbollist e bëri debutimin në Serinë A. Një tifoz i deklaruar i zikaltërve, sulmuesi i përfaqësueses shqiptare sot u mundua që të ndalte kampionët në fuqi të Italisë, por pa arritur të bënte shumë gjëra ndaj një ekipi që është pretendent për titull, teksa luan me Specian e cila në këtë sezon duket në vështirësi të mëdha.

Dy ishin momentet ku ai ra në sy, për një karton të verdhë në pjesën e parë dhe për një gjuajtje të bukur nga jashtë zonës në pjesën e dytë të duelit. Kjo bëri që për të pas ndeshjes të kishte njëlloj kritika dhe vlerësime.

Portali i “Eurosport” ka vendosur notën 5 për sulmuesin shqiptar. “Bën shumë faulle, është me vonesë, gjithmonë i paraprijnë. Nuk jemi aty ku duhet. Vetëm një gjuajtje e pritur mirë nga Handanoviç”, shkruhet në këtë portal në notat pas ndeshjes.

Ndërkohë, “Tuttomercatoweb” vë theksin te përkushtimi i lojtarit, ndaj i ka vënë notën 6. “Një ndeshje speciale për shqiptarin, luan kundër skuadrës që e bëri të debutonte dhe përplaset gjatë të gjithë ndeshjes. Tregon shumë dëshirë, vë në provë edhe Handanoviç në fund të ndeshjes”, shkruan “TMW” për sulmuesin kuqezi.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Seria A

Goditje e rëndë për Milanin, Kessie largohet duke qarë nga fusha

Publikuar

-

Vazhdojnë lajmet e këqija për trajnerin e Milanit, Stefano Pioli. Pas Ballo-Toure një tjetër lojtar kuqezi është dëmtuar në Kupën e Afrikës.

Këtë herë bëhet fjalë për mesfushorin Franck Kessie. Ai u detyrua të largohej duke qarë nga fusha e blertë në minutën e 30 për shkak të një dëmtimi.



Sipas raportimeve të para, ende nuk dihet me detaje problemi i lojtarit. Ai u dëmtua në brinjë në sfidën ndaj Egjiptit. Në orët në vijim priten edhe vizitat e thelluara mjekësore për mesfushorin e Milanit për të parë shkallën e tij të dëmtimit.

LEXO TE PLOTE

Seria A

E kryer/ Marotta bën një tjetër goditje në merkato, Gosens është i Interit

Publikuar

-

Beppe Marotta mbyll me sukses një tjetër goditje në merkato për skuadrën e Interit. Tashmë është i sigurtë transferimi tek skuadra zikaltër i Robin Gosens dhe sipas asaj që shkruan “La Gazzetta dello Sport”, gjatë ditës së nesërme, gjermani do të jetë zyrtarisht një lojtar i Interit.

Klubi i plotëson dëshirën Simone Inzaghit, që ka disa javë që kërkon një mbrojtës krahu. Detajet e fundit në marrëveshjen mes dy klubeve do të vendosen sot dhe i gjithë operacioni do të kushtojë mes 25 dhe 27 milion eurove bashkë me bonuse.

Lojtari i Atalantës pritet që të vijë në Milano sot ose nesër për vizitat mjekësore dhe do të transferohet te Interi në formë huazimi me të drejtë blerjeje, që do të bëhet e detyrueshme nëse plotësohen disa kushte.



Gosens do të firmosë një kontratë deri në qershor të vitit 2026 dhe do të përfitojë 3 milion euro neto, si dhe do të ketë disa bonuse në bazë të rendimentit në fushë.

Sipas asaj që shkruan e përditshmja italiane, e drejta e blerjes përfundimtare nga ana e Interit do të ndodhë pas 18 muajsh, në qershor të vitit 2023.

LEXO TE PLOTE

Seria A

“S’fitohet respekti me gola, gungaç m**i”: Ultrasit tërbohen me Vlahovic

Publikuar

-

Firence nuk i përjeton mirë këto lëvizje. Në të shkuarën e kanë provuar edhe Roberto Baggio, Federico Bernardeschi dhe Federico Chiesa. Tani të njëjtin fat ka edhe Dusan Vlahovic, i cili është pranë kalimit te Juventusi.

Lajmi i dalë në orët e vona të mbrëmjes së djeshme i ka tërbuar tifozët e Fiorentinës, që rreth stadiumit “Artemio Franchi” kanë shpallur parulla kundër sulmuesit serb.

“Respekti nuk fitohet me gola, Vlahovic, një gungaç m**i”, shkruhet në një prej pankartave të ultrasve të klubit italian, që janë të zhgënjyer nga lajmet që e çojnë sulmuesin e tyre kryesor të bardhezinjtë e Juventusit.



Ajo pankartë nuk është e vetmja për Vlahovic, pasi në një tjetër ultrasit shkruajnë: “Rojet nuk ta shpëtojnë jetën, cigan mbaroi gjithçka edhe për ty”.

Mediat në Itali raportojnë se Vlahovic është drejt Juves për 67 milion euro dhe pritet të nënshkruajë për 5 vite, një kontratë prej të cilës do të përfitojë 7 milion euro në sezon.

LEXO TE PLOTE