Aktualitet
“Dhuna në familje dhe krimet seksuale ndaj fëmijëve”/ Gledis Nano jep alarmin për situatën kriminale
Drejtori i Përgjithshëm i Policisë, Gledis Nano ka raportuar sot në Komisionin Parlamentar të Sigurisë, në lidhje me situatën e kriminalitetit në vend.
Gjatë fjalës së tij, ndërsa bëri edhe bilancin e punës së ish-drejtorit Ardi Veliu, Nano ka dhënë alarmin për dhunën në familje.
Ai theksoi se 16 vrasje kanë ndodhur vetëm nga dhuna në familje.
Po ashtu ai ngriti shqetësimin edhe për krimet seksuale ndaj fëmijëve, ndërsa deklaroi se 67 të mitur rezultojnë të dëmtuar nga dhuna seksuale.
“16% e krimeve, këtë muaj janë nga dhuna në familje.
Shqetësues është edhe fakti që 67 të mitur rezultojnë të dëmtuar nga dhuna seksuale.
Nga këto ngjarje veçojmë krimin e datës 16.10.2011, ku u arrestua Klodian Çalamani, për vrasjen e shtetasit të mitur. Autori rezulton një person me precedente penal”-tha ndër të tjera Gledis Nano./CNA.al
Politikë
“Të ndjehen të lumtur ata që mbajnë çelësat e kashtës”/ Patozi reagon pas protestës
Koordinatori i Bindjes Demokratike Astrit Patozi ka reaguar pas mbajtjes së protestës së sotme në selinë e PD.
Në një postim në rrjetin social Facebook, Patozi jep edhe zgjidhjen e tij politike më të arsyeshme.
Për të, nuk kishte asnjë fitore ngaprotesta e sotme, as nga ata që mbajnë çelësat e kashtës në selinë e pashenjtë, që kutërbon nga era e gazit lotsjellës, ashtu edhe ata të tjerët, që po mburren jo aq të gëzuar se kapën në flagrancë Lulin duke flirtuar me policinë e Edi Ramës.
Postimi i plotë:
TA GËZOJNË “FITOREN”, SE E KANË MERITUAR PLOTËSISHT
Edhe pse nuk e meritojnë, u kam sugjeruar zgjidhjen më të arsyeshme politike, që kur krisi pushka e parë në oborrin e SHQUP-it, diku nga fillimi i shtatorit, pasi Sali Berisha u pezullua nga grupi parlamentar i PD.
Të paktën të ruanin atë, që kishte mbetur nga Partia Demokratike, por mbi të gjitha fytyrën e opozitës. Duke u ndarë paqësisht, në pamundësi për të bashkëjetuar nën të njëjtën çati dhe, mbi të gjitha, pasi u ishin shmangur me vullnet të qartë përgjegjësisë për t’u ndeshur në mënyrë të qytetëruar në një garë normale demokratike, e cila do të verifikonte dhe çertifikonte shumicën.
Përfundimi janë skenat e sotme, që do të turpëronin edhe fiset e xhunglave afrikane, që ende nuk kanë dalë nga rendi primitiv, për shkak të izolimit nga bota moderne.
Tani le të dalin në ekrane dhe të thërrasin sa të duan për fitore. Si ata që ndjehen të lumtur se arritën të mbajnë çelësat e kashtës në selinë e pashenjtë, që kutërbon nga era e gazit lotsjellës, ashtu edhe ata të tjerët, që po mburren jo aq të gëzuar se kapën në flagrancë Lulin duke flirtuar me policinë e Edi Ramës./E.K-CNA.al
Politikë
Video-Banditet e Bashës sulmojnë demokratët me shkopinj e gaz lotsjellës
Mijëra demokratë kanë zhvilluar sot një protest para selisë së PD, në moton “Për shtëpinë e demokratëve”.
Por, ajo që ndodhi sot në selinë e PD, ishtë e paprecedentë.
Banditët e Lulzim Bashës sulmuan e dhunuan protestuesit me shkopinj dhe gaz lotsjellës.
Ashtu sikurse shikohet edhe në videon më poshtë, persona me kapuç dhe maska kanë dalë nga selia e PD dhe kanë dhunuar brutalisht demokratët./E.K-CNA.al
Politikë
Pas protestës/ Komisioni i Rithemelimit bën lëvizjen e radhës
Protesta në selinë e PD u mbyll pas dy ore e gjysëm, ku nuk munguan as incidentet dhe dhuna nga ana e Policisë së Shtetit.
Por pas gjithë incidenteve të krijuara, Komisioni i Përkohshëm i Rithemelimit të PD ka njoftuar se do dalë në konferencë për shtyp në orën 18:00 nga Hotel Rogner.
“Sot në orën 18.00 në Hotel Rogner Komisioni i Përkohshëm i Rithemelimit të PD ka konferencë për shtyp! Ftojmë mediat të marrin pjesë”, thuhet në njoftim./E.K-CNA.al
