Connect with Us

Shezlonget shërbejnë si krevate, “holokaust” në kopshtet e Sarandës

Denoncim

Shezlonget shërbejnë si krevate, “holokaust” në kopshtet e Sarandës

Publikuar

-

/

Kamera e fshehtë e emisionit “Stop” në Tv Klan është ndalur në situatën e kopshteve në Sarandë.

Një qytetar kërkon të regjistrojë djalin 3-vjeçar në kopsht, por përballet me kushtet skandaloze. Fëmijë të vegjël flenë në shezlongë të përshtatur si krevatë.

Në kopshtin “Soros” numër 2, vetë personeli pranon se fëmijët flenë, luajnë e hanë në të njëjtin ambient dhe nuk kanë vend as për krevatë. E njëjta situatë është edhe në kopshtin numër 4, ku nuk kanë ardhur akoma krevatët për fëmijët.

Qytetari: Kam djalin për ta regjistruar.

Kopshti nr.2: Ku e ke djalin?

Qytetari: 3 vjeç.

Kopshti nr.2: E ke në çerdhe?

Qytetari: Jo s’e kam regjistruar.

Kopshti nr.2: Këtu janë zënë vendet që në qershor, jo tani. Kështu që ti vitin tjetër do ta sjellësh.

Qytetari: Po jo, këtu më thanë që janë kushtet më të mira.

Kopshti nr.2: Kushtet më të mira i ke tek 1-shi, me krevat të mirë, me dhoma, me të tëra. Ne i kemi në shesh.

LEXO EDHE:  Vatër e re e Covid-19 edhe në Sarandë/ Konfirmohet rasti i parë

Qytetari: Si në shesh?

Kopshti nr.2: Si? Jo në shesh mo, në krevate kështu, po shezlonge si ato të parat.

Qytetari: Po këto të detit, mo?

Kopshti nr.2: Sorosi ka sjellë disa shezlongë kështu të mirë, të mbajtur mirë, por që në krahasim me këta, jo se s’janë të mirë, këta janë shumë të mirë, por më të mirë janë ata.

Qytetari: Ku i çoni këto, për të ngrënë, ku hanë?

Kopshti nr.2: Këtu hanë, këtu pijnë, këtu luajmë me një vend i kemi. Krevat s’kemi, vend s’kemi.

Qytetari: Po këto, pse s’mi tregove një çikë, këto klasat e kështu mo vëlla, si i keni?

Kopshti nr.2: Po ja mo, klasën hajde shihe këtu ti se njësoj i ke!

Qytetari: Po këtu luajnë ata, domethënë në mëngjes?

Kopshti nr.2: Shiko, ne kemi një orar të reduktuar dhe ka një rregullore të brendshme se si veprojmë për lojrat./tvklan.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Denoncim

Inspektimi i Financave: Endri Puka dhe Damian Gjiknuri falsifikuan bilancet e Albpetrolit

Publikuar

-

Nga

Një inspektim i Ministrisë së Financave ka zbuluar se kompania Albpetrol, ish-drejtori i kompanisë Endri Puka dhe ish-ministri i Energjisë Damian Gjiknuri janë përgjegjës për humbjen e 12 milionë eurove në Arbitrazh me kompaninë GBC Oil.

Historia që ka të bëjë me inspektimin në fjalë nis me tjetërsimin e paligjshëm të vendburimeve të naftës dhe mbërrin deri te mashtrimi publik dhe fshehja e një vendimi të arbitrazhit ndërkombëtar që ka dënuar shtetin shqiptar në shumën 12 milionë euro.

Akti i tretë i inspektimit, i siguruar nga Hashtag.al, zbulon se kompania Albpetrol ka kryer akte fiktive dhe kontabilizimi për marrjen në dorëzim të aseteve të GBC OIL. Kontabilizimi ka ekzistuar i deklaruar si shifër, por nuk është shoqëruar me fatura dhe depozitimet përkatëse.

Bëhet fjalë për një vendim të firmosur nga Endri Puka në vitin 2017, sipas të cilit tre vendburimet e naftës që ishin nën koncesionin e kompanisë amerikane GBC Oil do shtetëzoheshin, gjë që çoi në përzënien e kompanisë koncesionare.

LEXO EDHE:  Muzikë pas orës 20:00/ Ndëshkohen pronarët e pabindur të lokaleve në bregdet

LEXO EDHE:  Vatër e re e Covid-19 edhe në Sarandë/ Konfirmohet rasti i parë



Akti i tretë i inspektimit dyshohet si i falsifikuar, ndërsa kontabilizimi i rremë është regjistruar edhe në bilancin e kompanisë Albpetrol, ku është bërë shtim kapitali.

Pikërisht në këtë moment implikohet dhe ish-ministri i Energjisë Gjiknuri, pasi shtimi i kapitalit të kompanive tregtare publike bëhet vetëm me firmën dhe lejen e ministrit të linjës.

Sipas raportit kompania Albpetrol nuk ka asistuar në asnjë moment me dokumentacion Avokaturën e Shtetit për këtë çështje dhe sipas raportit kjo ka bërë që Shqipëria të humbë gjyqin me GBC Oil në Arbitrazh. /Hashtag.al

LEXO TE PLOTE

Denoncim

Dosjet e nxehta që “flenë” në SPAK/ Aferat e Qeverisë i “kyçin” gojën drejtësisë

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Reforma në Drejtësi, dhe institucionet e reja të drejtësisë, janë parë si shpresa e shqiptarëve, për të gjetur drejtësinë e munguar.

Prokuroria e Posaçme Kundër Krimit të Organizuar, e njohur si SPAK, është trumbetuar fort si një ndër institucionet e reja të Reformës në Drejtësi, e cila pretendohet të godasë korrupsionin në nivelet e larta.

Por, çfarë ndodh?

Janë të paktën tre dosje, të denoncuara nga CNA.al, të cilët duket se “flenë” në sirtaret e drejtësisë.

Pra, tre afera të Qeverisë, për të cilat drejtësia hesht.

Plehra kimike kineze për shqiptarët 

Një ndër dosjet, e cila do të duhej të “zgjonte” SPAK, është ajo e skandalit të pesticideve kineze.

Që prej muajit qershor të vitit 2021, CNA.al ka denoncuar me dokumente ekskluzive, në disa shkrime investigative, një skandal të përmasave të paimagjinueshme.

Bëhet fjalë për një skandal të ndodhur në vitin 2018, për të cilin CNA.al tregoi me dokumente zyrtare, sesi në vendin tonë kanë hyrë me mijëra kuti me pesticide kineze që përdoren në bujqësi, të pacertifikuara nga Bashkimi Europian, të cilat ndaloheshin nga ligji.( Lexo këtu)

CNA.al tregoi me dokumente ekskluzive sesi sasi pecticidesh të ndaluara janë ngarkuar në Kinë, më pas nga Shanghai kanë mbërritur në Durrës. ( Lexo këtu)

CNA.al nëpërmjet dokumenteve ka treguar se gjithçka ka shkuar edhe në Prokurorinë e Durrësit.

Gjithashtu ka pasur edhe një informacion të plotë, dhënë nga Drejtoria e Hetimit, në dogana.

Po ashtu edhe KLSH, ka filluar një kontroll në dogana, në lidhje me skandalin në fjalë. ( Lexo këtu).

Inceneratorët, afera e shekullit

Një tjetër dosje e bujshme, është ajo e koncesionit të inceneratorëve. Ajo që është quajtur edhe si afera e shekullit.

Në lidhje me këtë dosje ka pasur një “zgjim” nga ana e SPAK, është vënë në pranga një ish-ministër. Por, hetimi deri tani është bërë vetëm për inceneratorin e Elbasanit, që në fakt është më i vogli nga tre inceneratorët, të cilët duhet të hetohen nga drejtësia.

Historia e koncesionit të inceneratorëve fillon në vitin 2014, pra pas ardhjes së Rilindjes në pushtet dhe CNA.al ka zbardhur një dosje të plotë investigative në lidhje me këtë koncesion, që fillon në Elbasan me 22 milionë euro, shkon n ë Fier me 28 milionë euro dhe vjen në Tiranë, me 128 milionë euro.

Pra, janë tre inceneratorë ku vetëm kontrata koncesionare shkon 178 milionë euro, nga taksat e shqiptarëve.

Pas një hetimi në lidhje me inceneratorin e Elbasanit, SPAK ka vënë në pranga ish-ministrin Lefter Koka si dhe janë shpallur në kërkim Klodian Zoto, i cili ka ndërtuar inceneratorin nëpërmjet kompanisë së ITS si dhe pronarja e këtij inceneratori Stela Gugallja.

LEXO EDHE:  ‘Partia ime më shkeli’/ Qytetarja vë me shpatulla pas muri Ramën

LEXO EDHE:  Vatër e re e Covid-19 edhe në Sarandë/ Konfirmohet rasti i parë

Por, Lefter Koka nuk është “koka”, dhe SPAK nuk mund të mbyllë sytë e të mos hetojë edhe dy inceneratorët e tjerë, atë të Fierit dhe të Tiranës.

Po ashtu CNA.al ka treguar sesi media, portale perfierike dhe gazetarë janë paguar nga kompanitë e inceneratorëve, para këto të justifikuara si “reklama”. ( Lexo ketu)

Por, këtu natyrshëm lind një pyetje, çfarë reklamon një landfill dhe pse duhet të paguajë miliona për reklama një kompani monopol?

Kanë qarkulluar miliona euro dhe SPAK duhet të hetojë për të parë deri ku kanë shkuar tentakulat e inceneratorëve.



Kompanitë janë me dokumente. Pagesat janë bërë në banka. Duhet gjetur burimi dhe përfundimi i tyre, pra, ku kanë shkuar.

Tentakulat e inceneratorëve, edhe tek Ujësjellësit

Kush mendon se kompanitë e inceneratorëve janë ndalur thjeshtë dhe vetëm tek 22 milion eurot në Elbasan, 28 milionë euro në Fier dhe 128 milionë euro në Tiranë, e kanë gabim.

Nëpërmjet dokumenteve zyrtare, CNA.al ka treguar sesi tentakulat e inceneratorëve janë shtrirë edhe tek ujësjellësit.

CNA.al ka kryer një investigim të zgjeruar në lidhje me futjen e Klodian Zotos, tek ujësjellësat nëpërmjet instalimit të një sistemi elektronik të matësave.

Gjithçka ka ndodhur në vitin 2014, sipas një auditimi nga Kontrolli i Lartë i Shtetit, i cili ka zbuluar se ka pasur procedura të parregullta për financimin dhe instalimin e matësave.

Nga të dhënat zyrtare, të siguruara nga CNA.al, duket se tentakulat janë të shtrira në shumë bashki.  Duke filluar në Korçë, me pas në Pogradec, në Fier, në Lushnje, në Elbasan dhe së fundi edhe në kryeqytet, në Tiranë. ( Lexo këtu)

Pra, janë disa dokumente dhe fakte që tregojnë se nuk janë vetëm kontratat koncesionare të inceneratorëve, por edhe miliona euro të tjera nga taksat e qytetarëve shqiptarë, të marra nëpërmjet ujësjellësave për gjoja sisteme efikase të menaxhimit të sistemeve elektronike, për matësat e ujit, e të tjera si këto që në fakt janë përgjysëm. Diku nuk bëjnë matësat e diku projektet nuk kanë ecur.

Dhe SPAK, nuk mund të bëjë një vesh shurdh e një sy qorr, por duhet hetuar ky skandal, i cili rëndon në xhepat e taksapaguesve shqiptarë./CNA.al

51 fakte dhe dokumente për aferën e inceneratorëve

Inceneratorët, afera korruptive që do mbyllet me procedurë si krimet e Lulzim Bashës

Kush urdhëroi bankat të fshehin të dhënat e kompanive të inceneratorëve?

Si nisi koncesioni i inceneratorëve, emrat e përfshirë dhe blerja e mediave/ Fundo zbërthen aferën korruptive  

Megaskandali/ Tentakulat e inceneratorëve 30 milionë euro nga ujësjellësat

Skandali me pesticidet kineze/ SPAK-ut, i lidhin duart zyrtarët e lartë të politikës?

LEXO TE PLOTE

Denoncim

Skandali në Fiks Fare/ “Arrest shtëpie” në hotel, si u arratis shqiptaro-serbi i “ndihmuar” nga drejtësia shqiptare!

Publikuar

-

Nga

Fiks Fare denoncoi mbrëmjen e së hënës një skandal në drejtësi, ku një i arrestuar mundi të arratisej, jo nga qelia, por nga dhoma e hotelit, me vendime prokurorie dhe gjykate.

Emisioni investigativ siguroi dhjetëra dokumente për largimin nga vendi i qëndrimit i shtetasit Sebastjan Viljamov, me shtetësi serbe dhe kombësi shqiptare. Ai mundi të largohej në datën 1 janar 2019 nga hotel “Gjallica” në Kukës, ku ishte vendosur me masën “arrest shtëpie” nga Gjykata e Kukësit.

Tre vite pas këtij skandali, i vetmi “përgjegjës” për arratisjen është vetëm një punonjës i thjeshtë policie, baba i 4 fëmijëve. Ndaj të tjerëve, prokurorë, gjyqtarë apo drejtues të Policisë së Kukësit, asnjë hetim apo dënim.

Në redaksinë e emisionit investigativ Fiks Fare u ankua Xhevair Nërguti, i cili ka qenë punonjës i policisë i rolit bazë, i stacionuar për ruajtjen në dhomat e shoqërimit në Policinë e Kukësit. Por, prej muajit nëntor 2019, në momentin e arrestimit të shtetasit Sebastian Viljamov, ai u “urdhërua” nga eprorët që ta ruante në mjediset e një hoteli, ku i arrestuari ishte lënë në “arrest shtëpie”. “Kam qenë punonjës policie dhe jemi urdhëruar që ta ruajmë në ambiente hoteli. Hoteli ‘Gjallica’ ku ishte vendosur kishte 7 dyer. Gjykata shkruante në vendim se urdhërohej policia gjyqësore vetëm të ekzekutonte vendimin.

Por, gjyqtari nuk kishte shkruar nëse duhet apo jo të ruhej. Apo kush duhet ta ruante. Shkruante vetëm që i arrestuari mos të largohej nga hoteli. Ne na urdhëruan drejtuesit e Policisë së Kukësit. Njëherë ta ruanim, njëherë mos t’i merrnim sendet personale. Ai kishte telefona dhe gjithçka tjetër. U vendos në qendër të qytetit” tregon denoncuesi, ish-punonjës policie. Më tej pohon se shqiptaro-serbi është arratisur nga hoteli në datën 1 janar 2019. “Kanë ardhur 3 persona dhe e kanë kërkuar. Ishte dita e parë e vitit. Policia ishte në gadishmëri, dhe përveç meje dhe kolegut brenda hotelit, kishte edhe patrulla jashtë. I arrestuari zbret në kafenenë me këta persona. Unë shkoj që ti marr ushqimet në dhomë, pasi atë ditë s’kishte guzhinë. Te lokali qendroi kolegu im. Kur erdha, ai kishte ikur” thotë Xhevairi, ndërsa pohon se kanë shoqëruar 3 shtetasit që e ndihmua, madje u paraqitën edhe vetë vullnetarisht në komisariat.

Por, në vendim shkruhej se “arrestohen në flagrancë” dy punonjësit e policisë. “Ne shkuam vetë” thotë ai, teksa pas dy ditësh gjykata i liroi me masën detyrim paraqitje. Ndërkohë, që unë ika në Itali, e kisha 4 fëmijë për të mbajtur, plus që më përjashtuan nga Policia e Shtetit. Vijoi procedimi dhe gjykimi dhe përfundimisht më dënojnë me 18 muaj me kusht. Ndërkohë, kolegut tim i ndahet çështja dhe ai merr pafajësi. “I vetmi zyrtar që jam dënuar, isha unë. Askush tjetër. As gjyqtari që e la në hotel. As përfaqësuesit e akuzës që ndryshuan qendrim, njëherë në burg dhe njëherë në arrest shtëpie. As drejtuesit e policisë që ndryshonin urdhrat e kontrollit. Vetëm unë” përfundon ai.

Fiks Fare ka siguruar vendimin e gjykatës, që e la në arrest shtëpie në hotel Sebastjan Viljamov. Vendimi është dhënë në datën 12 nëntor 2018, nga gjyqtari Erjon Çela.

Në të thuhet se në datën 9 nëntor 2018, në Doganën e Morinës është arrestuar shtetasi Sebastjan Villjamov, lindur në Prizren Kosovë dhe banues në Beograd, Serbi, pasi në sistem rezultonte “kërkohet nga autoritetet kroate. Gjykata e Rijekës e kishte dënuar dy herë me nga 3 vite burg, me akuzat e plagosjes, evazionit, falsifikimit etj.

Pas arrestimit, Prokuroria e Kukësit ka paraqitur në gjykatë kërkesën për vleftësimin si të ligjshëm të arrestimit dhe caktimin si masë “arrest me burg”. Në vendim, shkruhet se “gjatë gjykimit të çështjes, organi i akuzës, i kërkoi gjykatës që ndaj të arrestuarit të caktohet masa e sigurimit “arrest në shtëpi” dhe jo ajo e kërkuar fillimisht. Shkak u bë një deklaratë noteriale, ku pronarja e një hoteli ka deklaruar se mund të qëndrojë te hoteli “Gjallica”. Ndërkohë, në seancë, edhe mbrojtja ka kërkuar që të lihet në arrest shtëpie, siç kërkoi prokuroria!

Më tej, në vendim thuhet se “gjykata vlerëson se masa e sigurimit arrest me burg e kërkuar fillimisht nga organi i prokurorisë do të ishte masa e sigurimit më e përshtatshme, deri në pritjen e ekstradimit. Por, shkruan se, “gjykata nuk mund të caktojë një masë sigurimi më të rënda se ajo e kërkuar nga prokurori”. Sipas vendimit, “masa që duhet caktuar është ajo e arrestit shtëpiak. I arrestuari urdhërohet që të qëndrojë dhe të mos largohet nga adresa: “Hotel Gjallica”, në lagjen nr.2 në Kukës. Në pikën 3 të vendimit, shkruhet; urdhërohet Policia Gjyqësore pranë Komisariatit të Policisë Kukës që të bëjë ekzekutimin e këtij vendimi. Pra, në asnjë rast në vendimin 11 faqesh, gjykata nuk ka urdhëruar ruajtjen e të arrestuarit me policë në hotel!!

LEXO EDHE:  Muzikë pas orës 20:00/ Ndëshkohen pronarët e pabindur të lokaleve në bregdet

LEXO EDHE:  Qarkullonte me armë zjarri/ Në pranga “i forti” i Vlorës

Ndërkohë, në nenin 237 të Kodit të Procedurës Penal shkruhet “gjykata urdhëron të pandehurin të mos largohet nga banesa e tij…”. Në pikën dy shkruan se “kur cakton këtë masë, gjykata përcakton edhe mënyrën e ekzekutimit dhe të mbikëqyrjes së saj”. Por, në asnjë rast, gjykata nuk ka përcaktuar mënyrën e ekzekutimit dhe mbikëqyrjes të të arrestuarit, duke e lënë në një hotel në mes të Kukësit! Çka solli më pas, arratisjen, jo nga qelia, por nga dhoma e hotelit!

***

Bisedë mes denoncuesit dhe drejtuesve të Policisë së Kukësit

Shefi i Rendit – Ju e dini shumë mirë, unë kam lënë 11 detyra me të shkrume, te procesverbali i marrjes dhe dorëzimit të shërbimit. Ndër të tjera unë kam thënë që kur e merr, kur e dorëzon, fizikisht duhet të jetë aty. Mbasandej, se çfarë erdhi pas kësaj, ju jeni përgjigj, është pjesë e sistemit të drejtësisë. Nuk ka drejtues që të thotë mos e ruaj Tahirin, s’ka ndonjë lidhje me mu.

Denoncuesi – Gjykata nuk e ka të shkrume që të ruhet me patrullë dhe atje thuhet që….

Shefi i Rendit – Ëëëë

Denoncuesi – Dhe Gjykata e Apelit…

Shefi i Rendit – Dëgjo, dëgjo. Aty thotë një rresht e shkruajtur bash me tre gërma që thotë “ka rrezik ikje”. Nuk e thotë që të ruhet me shërbimet e rendit!

Denoncuesi – Se këtë urdhrin tonë…

Shefi i Rendit – Shko merrja atyne… Unë kur kam marrë vendimin që Sebastiani, ku është mo Rita Gjati, moj aaa ëëëë. Ku është Rita Gjati (prokurorja e çështjes) oooho. Ja fleta e fundit.

Denoncuesi – Unë du me e marrë me firmë që kam qenë planizu te vendi i paraburgimit në organikë.

Shefi i Rendit – Po. Po mirë ne të kena urdhëru. Ne s’të kena çuar privatisht, ne të kena çuar zyrtarisht. I planizu me shërbim

Denoncuesi – S’ka të drejtë patrulla të ruaj personat me arrest shtëpie…



Shefi i Rendit – E din ai! E dinë ata që e gjykojnë, jo unë (drejtuesit dhe ish-drejtuesit e Policisë së Kuksit).

Denoncuesi – Atëherë ti na ke thënë që me shku me shërbim atje.

Shefi i Rendit – Po, mo, këtë s’ta mohon kush. Këtë s’ta mohoj.

Denoncuesi – Kush e ka dhënë urdhrin?

Shefi i Rendit – Atëherë, nëpërmjet avokatit do të bësh një kërkesë zyrtare komisariatit, të protokollume.

Denoncuesi – Normal, të protokollume. Po drejtorit apo shefit të komisariatit?

Shefi i Rendit – Shefit të komisariatit. Ka qenë e protokollume (urdhri), ka qenë Agim Basha Shefi i Komisariatit, unë kam qenë Shef Rendi. Unë kam qenë autori që kam lënë detyra. (Kërkesa) duhet të jetë e protokollume në sekretari.

Denoncuesi – Jam djegur vetëm unë për këtë punë, ai që ka qenë me mua mori pafajësi.

Shefi i Rendit – Ok, në vendimin e Sebastianit, aty ka pas të shkrime në një faqe mbrapa thotë “ka rrezik ikje”.

Denoncuesi – S’ka pas siguri me e lënë atje, unë të kuptoj, Hotel “Gjallica” e di sa hektarë është.

Shefi i Rendit – Kurse tjetra, një shtetas i huaj me legjislacionin shqiptar, nuk duhet të ruhet me ambient privat. Ja kam thënë unë aty. Se keni qenë neglizhentë, është puna juaj.

Denoncuesi – Kemi qenë me komandantin e grupit tonë ditë e natë. Kanë qenë edhe dy policë para hotelit, ti e di shumë mirë.

Shefi i Rendit – Ku shkoi oficeri, Muharrem Kolaveri? A u përjashtua?!

Denoncuesi – Po.

Shefi i Rendit – Bëri shënimin pas ikjes së Sebastianit, te libri i planizimit të shërbimit, kush është ai që..

Denoncuesi – Po dhe Gani Gega, i ka kërkuar me heq telefonin (të arrestuarit). I ka thënë Drejtori i Policisë, lërë mos u merr me të, të merren policët e shërbimit…

Shefi i Rendit – Vetëm në sekretari e gjen…

Denoncuesi shkon të takojë oficerin Gani Gega

Denoncuesi – Për atë problemin tim, vetëm për atë fjalën që është shprehur, të ka thënë Drejtori i Policisë, lërë ta ruajnë shërbimet atje, ti s’ke punë aktualisht.

Oficeri Gani Gega –  Më ka thënë mua ai, s’të ka thënë ty!

Denoncuesi – E kuptoj që të ka thënë ty.

Oficeri Gani Gega – E kam bërë të madhe (telefonin e Sebastianit), edhe drejtori të merret patrulla s’ke punë… Mos u konflikto me të. Kaq!/tch

LEXO TE PLOTE