Aktualitet
Deputeti skandaloz i Bashës dënohet për shpifje
Fushata elektorale, shpifjet, përplasjet, akuzat, duket se nuk janë harruar në kampet politike.
Përtej fjalëve, që mesa duket i merr era, tashmë shumë nga përfaqësuesit e partive politike do të përballen në gjykata me ato çka kanë thënë në opinionin publik, në lidhje me kundërshtarët e tyre politik.
CNA.al ka mësuar se Ferdinand Xhaferraj, kreu i PD-së së Durrësit, disa ditë më parë është dënuar nga Gjykata Penale e Tiranës për shpifje me gjobë 2 milionë lekë të vjetra.
Burime nga gjykata i thanë CNA.al se vendimi është dhënë në datën 23 nga gjyqtari Arben Micko, i cili pasi ka marrë në shqyrtim padinë e Ardian Çelës, drejtorit politik të fushatës së socialistëve në Durrës dhe pasi ka dëgjuar palët, ka vendosur në fund dënimin penal me dy milionë lekë gjobë, ndaj Ferdinand Xhaferrajt.
CNA.al duke kthyer memorjen gjatë fushatës elektorale, kujtojmë se në ato ditë Ferdinand Xhaferraj në daljet e tij televizive hidhte akuza të forta ndaj Çelës, si kundërshtar politik i tij, por këtyre akuzave nuk iu ndanë edhe zyrtarë të tjerë të Partisë Demokratike. Përfshirë këtu edhe Lulzim Bashën.
Mesa duket pa pasur fakte, pa pasur prova, deputetët e Lulit dhe zyrtarët e tij nuk kanë mundur dot që t’i provojnë këto thënie që kanë bërë publike kundër kreut aktual të OSHEE-së, dhe në fund janë dënuar nga gjykata për shpifje.
Ferdinand Xhaferraj është një nga personat e dënuar sepse në Gjykatën e Tiranës ka dhe shumë padi të ngritura nga zyrtarë socialistë apo demokratë në lidhje me akuzat e ndryshme që ata kanë hedhur ndaj njëri-tjetrit, qoftë nga foltoret apo edhe nga takimet e tyre publike me elektoratin gjatë fushatës për zgjedhjet e 25 prillit.
Vendimi i dënimit të Ferdinand Xhaferrajt, pas padisë së Ardian Çelës, është i pari që vjen menjëherë pas zgjedhjeve dhe tregon qartazi se fushatat elektorale, përtej debateve, akuzave dhe qëndrimeve politike, kanë brenda akuza dhe shpifje, fyerje e gënjeshtra lumë, të pafundme. Për të cilat tashmë, shumë prej individëve që i hedhin, duhet të përballen në gjykatë ku dhe marrin dënimin, siç është edhe rasti i Ferdinand Xhaferrajt, kreut aktual të PD-së në Durrës. Një nga skandalozët e pakët të ngelur në krah të Lulzim Bashës.
Tashmë në PD ka disa shpifësa, apo disa mashtruesa. Nuk është vetëm Fitim Zekthi, i dënuar nga gjykata si mashtrues, apo Ervin Salianji. Por, një shpifës zyrtarisht është edhe Ferdinand Xhaferraj./CNA.al
Aktualitet
Tre kompanitë e Endrit Habilajt që morën qindra-mijëra euro nga inceneratorët
VOX TV, “Infinit Communication”, dhe SH.Q.I.P, janë tre kompani që kanë administrator Endrit Habilaj dhe bashkëshorten e tij Uarda Habilaj.
Më të treja këto kompani Endrit Habilaj, ka marrë para në mënyrë të vazhdueshme nga pronarët e inceneratorëve Klodian Zoto dhe Mirel Mërtiri.
Përvec faturave të majme, të cilat po i risjellim më poshtë, ajo që bie në sy është se dy kompanitë VOX TV dhe “Infinit Communication”, që të dyja e kanë adresën në Top Channel, sipas të dhënave zyrtare në QKB, ndërkohë që Habilaj është autori i emisionit Top Story në Top Channel dhe drejtues i gazetës Shqip.
“Infinit Communication”, sipas ekstraktit të QKB-së, rezulton me zyra qëndrore në adresën, Tiranë, Kashar, Mëzez, rruga 17 Nëntori, Godina nr. 20, kati i dytë, në të njëjtën adresë me Top Channel.
Gjithnjë sipas të dhënave të QKB, nga gazeta Shqip online është bërë Infinit Communication”, ndërkohë po në QKB ekziston edhe Shqip Online, në emër të Vjollca Hoxhës.
Edhe kompania tjetër VOX TV, rezulton me zyra qëndrore në adresën Tiranë, Kashar, Mëzez, rruga 17 Nëntori, Godina nr. 20, kati i pestë, pra në të njëjtën godinë me Top Channel.
Edhe me këtë kompani është përdorur e njëjta skemë për ndryshimin e emrit të subjektit.
Nga Top News është bërë VOX TV. Po nga ana tjetër në QKB është e regjistruar Top News, në emër të Vjollca Hoxhës.
Faturat e paguara nga inceneratorët
CNA.al ka sjellë për disa ditë me radhë në mënyrë ekskluzive faturat, me të cilat kompanitë e Habilajt janë paguar nga inceneratorët.
Me anë të kompanisë VOX TV, Endrit Habilaj, ka marrë 979 949 lekë të reja, në pak muaj të vitit 2021.
Janë katër fatura, të sjella ekskluzivisht nga CNA.al dhe që konfirmojnë marrjen e parave nga njerëzit e inceneratorëve në mënyrë sistematike.
Edhe nëpërmjet kompanisë “Infinit Communication”, Endrit Habilaj, ku është ortak me Ornela Pangon, ka marrë 1 774 872 kekë të reja, vetëm me 4 fatura.
Faturat janë lëshuar në pak muaj në vitin 2021 dhe shkojnë në qindra milionë lekë.
Bëhet fjalë vetëm për faturat e siguruara nga CNA.al, pasi dyshohet se ka edhe të tjera që janë lëshuar nga pronarët e inceneratorëve për Endrit Habilajn.
Ndërsa me kompaninë tjetër, SH.Q.I.P, të kamufluar në emër të bashkëshortes Uarda Habilaj, pronarët e inceneratorëve, sipas faturave të siguruara nga CNA.al, kanë dhënë rreth 20 000 euro.
CNA.al ka siguruar pesë fatura të vitit 2021, ku nëpërmjet subjektit SH.Q.I.P, bashkëshortja e Habilajt ka marrë gati 30 milionë lekë këto vetëm për pak muaj.
Në total për vitin 2021, Habilaj është paguar nga inceneratorët 2 847 079 Lekë.
Të gjitha këto para, me anë të skemës së themelimit të tre kompanive nga Endrit Habilaj, janë dhënë sistematikisht nga pronarët e inceneratorëve, Mirel Mërtiri dhe Klodian Zoto.
CNA. al do të sjellë në ditët në vijim fakte se si edhe të tjera media janë blerë nga inceneratorët, me shuma marramendëse./E.S-CNA.al
Dokumenti-Si dhe sa është paguar Endrit Habilaj i Top Channel dhe Gazetës Shqip nga inceneratorët/ Zbulohen faturat me shuma të majme
Zbulohet kompania tjetër/ Endrit Habilaj i Top Channel dhjetra mijë euro nga inceneratorët
Fakte-Afera e inceneratorëve/ Zbardhet skema, Endrit Habilaj përfitoi mbi 20 mijë euro me anë të gruas
Qindra milionë lekë nga inceneratorët/Dy kompanitë e Endrit Habilajt në godinën Top Channel
Politikë
Andi Bushati ironizon Bashën/ “Sloganin mirë e gjeti”
Analisti Andi Bushati ka ironizuar kryetarin e shkarkuar Lulzim Basha, pas dhunës që ushtroi një ditë më parë në protestën e demokratëve.
Teksa publikon një foto ku shfaqet selia e PD e pushtuar nga policië që kanë bllokuar demokratët të hyjnë në shtëpinë e tyre, Bushati shkruan me ironi se kjo është e ardhmja që premton Lulzim Basha.
Ai tallet me Bashën duke i kujtuar slloganin që përdori në antikuvendin e tij me 18 dhjetor.
“Ama slloganin mirë e gjeti: “Si do jetë PD sot, do të jetë Shqipëria nesër”, shkruan Bushati./ A.E-CNA.al
Politikë
Lulzim Basha dhe fundi i tij në bunker..!
Nga Skënder Mulliçi
Gjithmonë njeriun e fascinojnë njerëzit që evoluojnë.
Në këtë rrëfim inteligjenca dhe etika e njeriut të madh sigurisht se vijnë në shprehje. Edhe nëse duket që rrëzohet për toke ringritet edhe më fuqishëm. Kjo është para së gjithash dhunti e njerëzve të fuqishëm.
I tillë është Sali Berisha lideri historik i shqiptarëve.
Bakteriet e Ramës dhe Bashës janë shumë të vogla për ta mposhtur Salihun e madh. Me Sali Berishën duetit famëkeq Rama –Basha, po ju dalin llogaritë gabim. Masa e të keqes e mbushur më mllef ndaj Berishës, do të tretet një ditë si fluskë sapuni në rrugët dhe sheshet e Shqipërisë.
Që shumë vite janë duke ushtruar dhunë mbi shqiptarët duke i detyruar ata të largohen masivisht nga Shqipëria. Nëse globin e ka përfshirë virusi, Shqipërinë e ka kapluar virusi edhe me keq nga dueti politik Rama-Basha.
Është ngujuar në selinë e PD-së si diktatori Çaushesku në Rumani, e dihet çfarë ishte fati i tij. Është diçka që vjen nga Zoti, se atë i cili nuk është më popull dhe për popull, herët a vonë e pret dënimi.
Një dënim po e pret edhe Lulzim Bashën. Kur të dalë nga bira, do të duket si Sadam Hyseni, kur doli nga zgafella ku ishte mbyllur. Këtij syleshi politik nuk po i bën punë antibiotiku. Druaj shumë se tash kur po i rrëshqet dheu nën këmbë, e fiton ndonjë sëmundje vdekjeprurëse.
Në protestën e Sali Berishës, Basha dukej si njeri u humbur, si një i mbytur në fashizëm. Fashizmi është orgji vetëvrasëse. Fashizmi është koha kur bien maskat. Lulë Bravës si po i thotë Berisha, i ranë përfundimisht maskat më protestën paqësore, të cilën Basha dhe Rama e shndërruan në karneval dhune. Fashizmi është kur njerëzit pa turpësisht kënaqën me fëlliqësirat e tyre.
Sot Rama e Lulzim Brava shpërthyen nga urrejtje në protestën për tu liruar përfundimisht nga prangat e robërisë fashiste. Kjo proteste e opozitës dhe vazhdimi tyre sic paralajmëroi ish kryeministri Berisha, do të shembin pushtetin e totalitarizmit. Do të shembin pushtetin, i cili ka legalizuar dhunën. Nuk do të kalon më dhuna ndaj shumicës.
Anarkisë në Shqipëri do t’i vjen fundi. Berisha sikur që e ka rrëzuar një herë regjimin enverist, do të rrëzojë edhe këtë regjim të keq të Edi Ramës dhe ndihmësit Lulzim Basha. Diçka që është edhe me madhore në gjithë këtë punë, është se përfundimisht nuk do të lejohet tregtia me tokat shqiptare ne veri të Kosovës dhe kudo tjetër në trojet etnike.
Fashizmi i dorës së fortë, fashizmi që i rrëzon ligjet e një shteti, nuk e ka jetëgjatësinë. Secili fashizëm i ka marionetat. Secili fashizëm ka qeveri kukull. Nuk ka mundësi njeriu të jetë ish-fashist, sikur nuk ka mundësi që dikush te mbetet ish- vrasës!
Fashistët dhe vrasësit shkojnë së bashku, se janë orgji vrastare. Nuk ka gjë më tragjike se kur dikush gjithmonë mbetet duke bërë zullum dhe më vdekjen e tij kërkon mëshirë nga Zoti! Basha mirë është duke e luajtur rolin e klounit. Ai sot ishte më i vetmuar se kurrë më parë.
Me të kanë mbetur vetëm ndonjë mendjelehtë, ndonjë ideolog më biografi të errët dhe ndonjë pijanec duke mbajtur armën në dorë! Nga Basha kanë hequr dorë të gjithë ata të cilët e duan PD dhe Shqipërinë, ata që e duan lirinë dhe prosperitetin. Basha është ende në parlament dhe ne medie për t’i zbavitë gjysmë të diturit dhe plehrat. Basha është vetëm një karikaturë politike…!
