Sport
VIDEO/ Dhurata e veçantë për Mesin, shikoni si u ndriçua “Kulla Eiffel” me fytyrën e ‘pleshtit’
Lionel Mesi fitoi Topin e Artë të shtatë në karrierë duke lënë pas vetes rivalët Robert Levandovski dhe mesfushorin Zhorzhinjo.
Përveç trofeut të ‘’Topit të Artë’’ që iu dorëzua nga shoku i ngushtë Luis Suarez, për Lionel Mesin kishte dhe një surprise mjaft të veçantë.
Didier Drogba e ftoi ‘’pleshtin’’ të shtypte një buton të kuq, dhe menjëherë u shfaq në ekran Kulla Eiffel e cila u ndriçua me fytyrën e Lionel Mesit.
Një moment mjaft emocionues, që preku dhe vetë Mesin në atë moment. Ndërkohë videoja ka bërë xhiron e rrjeteve sociale, për këtë surprizë që dukej e mirëmenduar.
Seria A
Ndodh për herë të parë në histori, Interi arrin statistikën e veçantë në Serinë A
Mbrëmjen e djeshme Interi ka barazuar pa gola 0-0 ndaj Atalantës në stadiumin “Gewiss”, ku zikaltërit ndalen pas 8 fitoresh radhazi në kampionat.
Sipas faqes së njohur të statistikave “OPTA Paolo”, Interi ka ruajtur portën e paprekur prej 5 ndeshjesh radhazi në transfertë, për herë të parë në histori që nga epoka e tre pikëve për fitore.
Një statistikë unike kjo për skuadrën e Inzagit duke u konfirmuar edhe njëherë se zikaltërve është shumë vështirë t’i shënosh pasi është dhe mbrojtja e dytë më e mirë e kampionatit pas asaj të Napolit.
Interi renditet në vendin e parë duke grumbulluar 50 pikë, +2 më shumë se Milani, por edhe me një ndeshje më shumë për të zhvilluar, duke parë se sfida e parë e vitit kalendarik 2022 ndaj Bolonjës në stadiumin “Renato Dall’Ara” u shty për shkak të rasteve të shumta me COVID-19 te skuadra emiliane.
5 – L’ #Inter ha tenuto la porta inviolata in cinque partite di fila in Serie A lontano da San Siro per la prima volta nell’era dei tre punti a vittoria. Saracinesca. #AtalantaInter #SerieA
— OptaPaolo 🏆 (@OptaPaolo) January 16, 2022
Sport
Te Dinamo “fërkojnë duart”, mbërrin “dhurata” Reginaldo për sulmin
Dinamo është gati për ndeshjen kundër Kukësit, që zhvillohet të mërkurën prej orës 16:45 në “Elbasan Arena”.
Trajneri Bledi Shkëmbi ka buzëqeshur, pasi nga dita e djeshme është vënë nën urdhrat e tij edhe sulmuesi Reginaldo, sikurse shkruan “Panorama Sport”.
Futbollisti nga Mozambiku rikthehet në Abissnet Superiore dhe me gjasa mund të debutojë ndaj Kukësit me të cilin ka fituar edhe “Këpucën e Artë” para dy sezonesh me 13 gola.
Sezonin më të mirë në Superiore Reginaldo e ka me Laçin, pasi ka shënuar 18 gola, para se të bëhej i njohur në Shqipëri nga eksperienca e tij me Luftëtarin.
Seria A
ZYRTARE/ Rezultatet negative, klubi i Serisë A shkarkon trajnerin
Klubi i Sampdorias ka shkarkuar me efekt të menjëhershëm nga detyra e trajnerit, Roberto D’Aversën.
Për teknikun italian fatale ishin rezultatet negative të njëpasnjëshme, por edhe humbja me përmbysje të shtunën ndaj Torinos me rezultatin 1-2 në stadiumin “Luigi Ferraris”.
Këtë lajm e ka bërë vetë publike klubi nga Liguria me anë të një komunikate në sajtin e saj zyrtar:
“Klubi i Sampdorias komunikon se ka shkarkuar nga detyra e trajnerit, Roberto D’Aversën. Falenderojmë trajnerin dhe stafin e tij për profesionalizmin e tyre gjatë gjithë kësaj periudhe të punës me skuadrën tonë”, ishte komunikata e klubit dorian.
Aventura e 46-vjeçarit në krye të Sampdorias zgjati 6 muaj ku në 22 ndeshje të këtij sezoni në Serinë A e renditi Sampdorian në vendin e 15 ku arriti të fitonte 5 ndeshje, barazuar 5 dhe humbur 12 sfida, duke grumbulluar në total 20 pikë.
📄 | OFFICIAL
U.C. #Sampdoria: comunicato stampa del 17 gennaio 2022.
— U.C. Sampdoria (@sampdoria) January 17, 2022
