LEXO PA REKLAMA!

SHKARKO APP

“Ik tek Interi”, Lukaku këshillon shokun e skuadrës të transferohet në Serie A

29 Nëntor 2021, 10:32, Sport CNA
“Ik tek Interi”, Lukaku këshillon shokun e skuadrës

Interi po garon në të gjitha frontet, Simone Inzaghi kërkon të ketë në dispozicion një kontingjent sa më të pasur lojtarësh dhe po pret përforcime nga merkato e janarit.

Drejtuesit e kampionëve të Italisë kanë vepruar shpejt dhe janë afër një goditje në prapavijë. Flasim për Malanga Sarr, qendërmbrojtësin 22-vjeçar të Chelsea, i cili mund të luajë edhe në krahun e majtë.

Francezi nuk po fiton besimin e Thomas Tuchel, i cili e ka aktivizuar vetëm një ndeshje në Premier League, atë ndaj Brentford në transfertë.

Mediet italiane shkruajnë se lojtari me origjinë senegaleze nuk u grumbullua nga trajneri gjerman për takimin e ditës së djeshme ndaj United në kampionat dhe përfitoiu të fluturonte drejt qytetit të modës për t?u marrë personalisht me këtë operacion.

Kalimin tek Interi po e pret me padurim, teksa bëhet e ditur se Romelu Lukaku, me të cilin ka miqësi dhe të njëjtin agjent (Federico Pastorello), e ka këshilluar lojtarin defensiv të transferohet në Milanon zikaltër.

Interi e kërkon në huazim Sarr, ?Blutë e Londrës? janë dakord dhe operacioni i transferimit të lojtarit në Serie A është çështje ditësh. Në akordin mes palëve pritet të përfshihet opsioni i blerjes së lojtarit nga Interi në fund të sezonit për një shumë rreth 15 milion euro.

Sarr dëshiron të luajë dhe është entuziast për kalimin te kampionët e Italisë, ndërsa Inzaghi shpreson që marrëveshja finale të arrihet sa më shpejt dhe të ketë lojtarin afrikan nën urdhrat e tij në muajin janar.

Lajmet e fundit nga