LEXO PA REKLAMA!

SHKARKO APP

Kurti uron 28 Nëntorin/ Datë themelore për identitetin kombëtar shqiptar

28 Nëntor 2021, 13:37, Politikë CNA
Kurti uron 28 Nëntorin/ Datë themelore për identitetin

Kryeministri i Kosovës, Albin Kurti ka uruar festën e Pavarësisë së Shqipërisë.

Në një postim në rrjetet sociale, Kurti shkruan se 28 nëntori, është datë themelore për identitetin kombëtar shqiptar.

Ai thekson se 28 nëntori ndërlidh ngjarjet më të rëndësishme të historisë sonë: prej Skënderbeut në Krujë, te Ismail Qemali në Vlorë e deri te Adem Jashari në Prekaz.

?Urime 28 Nëntori, kjo datë themelore për identitetin kombëtar shqiptar

28 Nëntori ndërlidhë ngjarjet më të rëndësishme të historisë sonë: prej Skënderbeut në Krujë, te Ismail Qemali në Vlorë e deri te Adem Jashari në Prekaz.

Padyshim që kjo është një ditë që na mbushë edhe me gëzim edhe me krenari, por edhe me përgjegjësi, për shkak se detyrat para nesh për të ngritur mirëqenien e shqiptarëve dhe qytetarëve tanë, për të zhvilluar vendin tonë, për të shtuar demokracinë në Republikën tonë janë më të rëndësishme se kurrë më parë.

Le të bëjmë gjithçka që dimë dhe mundemi të jemi në nivel të kësaj detyre që e vazhdon në paqe punën dhe luftën e madhe të atyre që e bënë në kohëra shumë më të vështira sesa kjo e jona.

Le të punojmë pa ndalur që shqiptarët të krenohen me vendin e kombin e tyre, e kudo që gjinden ata, të jenë më mirë seç kanë qenë.

Lavdi të gjithë atyre që sakrifikuan e u flijuan për liri, pavarësi e për bashkim!?-shkruan Albin Kurti./CNA.al

Lajmet e fundit nga