Presidenti Ilir Meta, gjatë vizitës në Shkup ka diskutuar rreth situatës në rajon. Meta përmes një postimi në rrjetet sociale shkruan se rivizatimi I kufijve nuk është zgjidhje pasi kjo çështje është provuar dhe ka dështuar.

E vetmja zgjidhje sipas presidentit është respektimi i të drejtave të të gjitha minoriteteve nga kushdo, në mënyrën e duhur dhe në respekt të standardeve europiane.

“Në rajonin tonë, nuk ka kombe të mëdha dhe kombe të vogla.  Në rajonin tonë duhet të ketë vlera europiane, që mbrohen dhe respektohen njësoj nga të gjithë.

Nuk mund të jetë zgjidhje rivizatimi i kufijve, sepse kjo çështje është provuar, ka dështuar dhe ka qenë një katastrofë për rajonin.

E vetmja zgjidhje, është respektimi i të drejtave të të gjitha minoriteteve nga kushdo, në mënyrën e duhur dhe në respekt të standardeve europiane. Kjo do të garantonte dhe konsolidonte paqen, stabilitetin, sigurinë, do të forcojë bashkëjetesën ndëretnike dhe do të përmirësojë klimën e biznesit dhe besimin tek e ardhmja”, shkruan Meta./ CNA.al

Lulzim Basha prej kohësh ka kërkuar vettingun në politikë për të larguar nga Kuvendi persona që janë të përfshira në afera të ndryshme.

Por pavarësisht se bën moral për këtë pjesë, duket se vetë Basha është i përfshirë në këto afera.

Kjo gjë u pa qartë në protestën e 8 janarit, ku Basha u mbrojt nga njerëz të cilët ishin të dënuar më parë nga drejtësia. Fotot ku ai shfaqet me dy të dënuar nga drejtësia kanë qarkulluar në të gjithë mediat.

Pas kësaj ka reaguar edhe deputeti Edmond Spaho, i cili ka një pyetje se çfarë do të thotë Basha për bashkëpunimin me këta persona të dënuar.

“Kur Lul Brava të bëjë “vetingun” e politikanëve, për të cilin ka katër muaj që na mollois, çfarë do thotë për bashkëpunimin me këta dy të dënuar të drejtësisë për të dhunuar demokratët në 8 Janar? Po për ata nga vende të tjera që mbante në Seli? Apo këta janë të gjithë “akademikë”?”, shkruan Spaho./ CNA.al

Deputeti Luçiano Boçi, ka komentuar zhvillimet e ditëve të fundit, që kulmon me mbajtjen e protestës në datën 8 janar.

Boçi në një intervistë televizive theksoi se anëtarët e PD-së janë provokuar, duke shtuar se demokratët janë goditur me sende të forta nga lart.

“Protesta e 8 janarit ishte legjitime. Iu përplas demokratëve dera në fytyrë. Na thanë fillimisht se po bëhen punime, ne thamë se selia është blinduar e ata na mohuan. Unë konsideroj se mënyra si u veprua ishte në mënyrë provokuese me anëtarët e PD-së.

Kjo se anëtarët e PD kishin ardhur vetëm të hyjnë në shtëpinë e tyre dhe na thanë se selia nuk është e blinduar, por demokratët gjetën blindimin e kjo ka rritur zemërimin e tyre. Nuk e mendoi njeri që blindimi të ishte kaq i rëndë, sepse edhe vetë drejtuesit e PD-së e mohuan atë. Dhuna erdhi nga lart. Kanë ardhur goditje nga lart, me goditje me tavolina e karrige e normalisht që do kishte reagim. Është vepër penale edhe shkopat e bejsbollit apo bishtat e kazmave”, deklaroi Boçi./CNA.al