Aktualitet
109-vjetori i Pavarësisë/ Mbahet ceremonia e ngritjes së flamurit në Vlorë, të pranishëm Rama, Meta dhe Nikolla
Sot, në 28 nëntor, kur Shqipëria feston 109- vite nga krijimi i shtetit, është mbajtur ceremonia e ngritjes së flamurit në Vlorë.
Meta e Rama kanë marrë pjesë në ceremoninë e ngritjes së flamurit, më pas kanë zhvilluar homazhe dhe kanë vendosur kurora me lule në monumentin e Pavarësisë.
E pranishme ishte dhe kryetarja e Kuvendit Lindita Nikolla, si dhe drejtues lokalë.
28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur.
Festime pati jo vetëm në Vlorë, Tiranë por edhe qytete të tjera me pjesëmarrjen e shumë shqiptarëve nga Kosova dhe treva të tjera.
Për shkak të tërmetit në vitin 2019 të 26 nëntorit që mori jetën e 51 qytetarëve dhe për shkak të pandemisë së Covid 19 dy vitet e fundit, për të tretin vit radhazi festimet dhe shumë aktivitete të tjera kanë qenë të kufizuara./CNA.al
Politikë
Mafia e aferës së inceneratorëve/ Topalli: Për herë të parë sot u tha e vërteta
Ish kryetarja e parlamenti Jozefina Topalli ka komentuar zhvillimet në seancën e sotme të Kuvendin, në lidhje me diskutimet për aferën e inceneratorëve.
Sipas Topallit, sot Parlamenti u kthye në misionin e tij, pas shumë kohësh.
Pasi, për herë të parë në seancë u tha e vërteta e implikimit tek mafia e inceneratorëvë të Ramës dhe shërbetorit të tij LB.
“Për herë të parë u denoncua komisioni “hetimor” i inceneratorëve si një gënjeshtër e LB.
Ky komision prej 3 muajsh përveç ca deklaratave të rreme ka bërë thjesht demek…
Më ka çu nana me la gojën ..thonin dikur për raste të tilla.
Pas shumë vitesh në parlament po lind një opozitë reale, që ia çjerr maskën jo vetëm maxhorancës , por edhe opozitës së shitur tek i pari”, ka shkruar Topalli në rrjete sociale./CNA.al
Aktualitet
Vrau 65 vjeçarin për hakmarrje/ Gjykata jep masën për 17 vjeçarin
Gjykata e Lezhës ka lënë në burg 17 vjeçarin Florian Përvathi, i cili vrau 65 vjeçarin Lekë Lekëgjonajn për hakmarrje.
17 vjeçari vrau para shtëpisë Lekëgjonajn, pasi vëllai i këtij të fundit i kishte vrarë babain në 2009.
Ngjarja ka ndodhur të hënën në fshatin Manati të Lezhës, ku 17 vjeçari pas vrasjes është vetëdorëzuar në polici./ CNA.al
Kronika
Tentuan të vrasin efektivët e policisë/ Shkatërrohet grupi kriminal
5 persona janë arrestuar nga operacioni ‘Storm’, dhe dy të tjerë janë nën hetim dhe një është shpallur në kërkim.
Bëhet fjalë për personat që kanë tentuar të vrasin efektivët e policisë në Qafë Kashar dhe Fushë Krujë.
Në pranga janë vënë Ibrahim Difaj, Damian Lleshaj(Besmir Prelaj), Rober Laci, Ilirjan Peci, Erion Mulaj. Nën hetime janë shtetasit
M.M dhe E.V. Ndërsa është shpallur në kërkim Shëtim Kraja.
Ata akuzohen për vrasje të mbetur në tentativë, vjedhje./CNA.al
