Aktualitet
“Plaga e papunësisë”/ Gjergj Luca mesazhe të forta për qytetarët
Sipërmarrësi dhe biznesmeni Gjergj Luca ka dhënë mesazhe shumë të forta për qytetarët.
Pas mbledhjes së përbashkët të dy qeverive, të Kosovës dhe Shqipërisë, e cila u zhvillua në ambientet e “Fish City”, përmes një interviste, Luca theksoi se plaga më e madhe për popullin shqiptar dhe atë të Kosovës është papunësia.
Luca shprehet se pa punë nuk mund të shohim të vërtetën në sy dhe kur e pranojmë të vërtetën kemi respekt për punën që krijojmë.
Sipas biznesmenit duhet të ecet me ritme të shpejta, pasi puna është ajo që krijon të vërtetën dhe shëron plagën e papunësisë.
“Pa punë ne nuk kemi mundësi ta shohim të vërtetën në sy dhe kur e pranojmë të vërtetën ne kemi respekt për punën që krijojmë.
Mendoj që kjo do të jetë pjesa më e mirë e të dy qeverive dhe të gjithë kombit tonë që ne të kemi mundësi që të ecim me ritmin që ne na takon. Unë e shoh si detaj që këta kanë zgjedhur këtë vend, sepse mendoj që politika duhet të ndjekë ritmin tonë dhe gjithë biznesi shqiptar duhet të ndjehet kështu siç ndjehem unë sot për këtë zgjedhje që kanë bërë dy liderët e kombit tone”, ka thënë Luca.
“Por unë mendoj se plaga më e madhe në Shqipëri dhe në Kosovë është pikërisht plaga e punës. Por kjo plagë e papunësisë unë mendoj që nuk kurohet me demagogji, por krijohet dhe shërohet duke patur mundësi të shohim të vërtetën në sy, të shohim të vërtetën që krijon puna, vetëm ajo e shëron plagën e papunësisë”, vijon më tej biznesmeni.
Gjithashtu sipërmarrësi ka dhënë mesazhin për qytetarët që të jenë më kurajoz kur bëhet fjalë për punën dhe ta shohin të vërtetën në sy, pasi ky është ilaçi më i madh për kombin tonë.
“Të jeni më shumë kurajoz kur bëhet fjalë për punën dhe të vërtetën se ky është ilaçi më i madh për kombin tonë”, përfundon Gjergj Luca./ CNA.al
Mbledhja e dy qeverive në Elbasan/ Gjergj Luca: Me punë bashkohet kombi, jo me demagogji
Politikë
Pas rikthimit të Berishës/ Basha ikën, fshehurazi, pa u ndier nga Kuvendi
Ish kryeministri Sali Berisha është rikthyer sot në Kuvend, ku ka mbajtur disa fjalime radhazi.
Para se të hynte në Kuvend ai është ndalur tek banorët e 5 Majit të cilët po protestojnë për shembjet e shtëpive.
Ndërkohë Lulzim Basha, i cili shpejtoi të mbante fjalimet e tij sa për sy e faqe, është larguar pa u ndierë, feshurazi pa rënë në sy.
Basha që në fillim të seancën kërkoi kryeministrin Edi Rama, por kur nuk i erdhi, siç duket ka zgjedhur të largohet./CNA.al
Politikë
Meta e pranon/ Kam miq drogaxhinj
Presidenti Ilir Meta, vetë me gojën e tij ka pranuar se ka miq drogaxhinj.
Mbrëmjen e djeshme, në emisionin “Now” të Erla Mëhillit në Euronews Albania, Meta komentoi edhe një prononcim të tij për gazetarët, dhënë disa ditë më parë në Korçë.
Në intervisten për Erla Mëhillin, ndërsa iu referua prononcimit në Korçë, Meta tha se “Një drogaxhi porositi gazetaren kur isha në Korçë të më bëjë pyetje për 21 janarin, e mbaj dhe si për mik”.
Por, kush është ky “drogaxhi” që porosit gazetarë?
Në fakt pyetja Metës i është drejtuar nga gazetarja e Ora News, Iris Rezhda.
Dhe i vetmi pronar mediash nën hetim nga SPAK sipas Ligjit “antimafja”, për hitori të trafikut të drogës bërë në Turqi dhe Itali vite më parë, është Ylli Ndroqi alias Xhemail Pasmaxhiu./CNA.al
Reagimi i gazetares së Ora News/ Kush është drogaxhiu që më porositi
Politikë
Berisha akuza Ramës dhe Bashës për larje parash: Të hetohen kreu i Meduzës dhe Lul Brava
Ish kryeministri është rikthyer në parlament ku ka deklaruar se duhet të hetohen kryeministri Edi Rama dhe Lulzim Basha për larje parash.
Berisha tha se duhet të luftojnë krimin dhe të vendosen në hetim të plotë Rama dhe pengu i tij Basha.
“Mendoj se parlamenti duhet të ndalet në dy krerët e Meduzës të larjes së parave. Edi Rama i akuzuar për larjen e 200 milionë euro në zonat offshore, por jo më pak Lul Brava, i cili u hetua nga Prokuroria e Tiranës për larje parash dhe iu mbyll hetimi. Nëse ne do të bëhemi serioz në luftën kundër krimit që ushqen krimet e tjera, duhet të vendosim në hetim të plotë kreun e Meduzës dhe pengut të tij Lul Brava.
Zonjë, protestojnë banorët për shembjen e shtëpive nga paralarësit. Shtëpitë iu shembën në kundërshtim me ligjin”, tha Berisha./ CNA.al
