Një 35-vjeçar është vënë në pranga nga Policia e Tiranës, pasi është kapur duke qarkulluar me armë dhe drogë me vete.

Gjithashtu është sekuestruar një armë zjarri pistoletë, fishekë dhe një dozë me kokainë.

“Në zbatim të planit të masave për garantimin e rendit e sigurisë, kapjen e personave në kërkim dhe atyre që qarkullojnë me armë zjarri apo posedojnë lëndë narkotike, si rezultat i kontrolleve të shtuara, u bë e mundur kapja dhe arrestimi në flagrancë i shtetasit E. N., 35 vjeç, banues në Tiranë.

Ky shtetas u kap në flagrancë nga Forca e Posaçme “Shqiponja”, rreth orës 02:30 të mëngjesit, në rrugën “Frang Bardhi”.  Gjatë kontrollit fizik, këtij shtetasi iu gjet një dozë me lëndë të dyshuar narkotike kokainë dhe një armë zjarri pistoletë, me fishekë në krehër.

Metarialet i kaluan Prokurorisë së Rrethit Gjyqësor Tiranë, për veprime të mëtejshme procedurale.”-thuhet në njoftimin e policisë./CNA.al

Një ngjarje e rëndë është regjistruar dje në Fier. Një 3 vjeçar ka humbur jetën aksidentalisht në një kopësht privat.

Policia njofton se ka arrestuar edukatoren, shtetasen R.B, 27 vjeçe, pasi duhej ta kishte nën mbikqyrje fëmijën.

Ajo akuzohet për shkeljen e rregullave të mbrojtjes në punë./CNA.al

Mëngjesin e sotëm, rreth orës 07:50, në “Don Bosko”, dyshohet se është vetëhedhur nga kati i tretë i pallatit ku banonte, shtetasja D. L., 84 vjeçe, e cila për pasojë ka ndërruar jetë.

Grupi hetimor ndodhet në vendngjarje dhe po punon për sqarimin e rrethanave të ngjarjes./CNA.al