Jo vetëm të rinjtë/ Njerëzit rreth të 50-tave që përdorin rrjetet sociale kanë më shumë gjasa të bien në depresion

26 Nëntor 2021, 09:18, Kuriozitete CNA
Jo vetëm të rinjtë/ Njerëzit rreth të 50-tave që

Studiuesit kanë zbuluar se të kalosh shumë kohë në rrjetet sociale është e dëmshme për zhvillimin e trurit tek fëmijët, por jo vetëm.

Sipas gjetjeve të fundit, edhe personat e moshës së mesme, rreth të 50, kanë shumë gjasa të përjetojnë depresion si përdorues të rrjeteve sociale.

Studiuesit e Universitetit të Harvardit zbuluan se të rriturit ndihen edhe më të trishtuar nëse përdorin platforma të favorizuara nga të rinjtë, si TikTok dhe Snapchat , ndoshta pasi i bën të ndihen të moshuar.

Autori kryesor i studimit, Profesor Roy Perlis, tha për NBC Neës : ?Njerëzit që përdornin Facebook, TikTok dhe Snapchat treguan se ndiheshin në depresion.’

Pjesëmarrësit e këtij studimi u anketuan gjatë pandemisë, kur pati një rritje të normave të depresionit.

Snapchat është i populluar kryesisht nga përdorues të moshës nën 35 vjeç dhe demografia kryesore e TikTok është edhe më e re me shumicën e përdoruesve në të 20-at.

Facebook, një nga gjigantët e mediave sociale, ka më shumë përdorues të moshuar.

Autorët e studimit thanë se gjetjet e tyre i shtohen punës së mëparshme në lidhje me përdorimin e mediave sociale dhe shëndetin mendor tek të rinjtë, duke i shtrirë këto gjetje në demografinë më të vjetër.

Megjithatë, ata shtuan se duhet bërë më shumë kërkime në lidhjen midis përdorimit të mediave sociale dhe shëndetit mendor.

Platformat e mediave sociale janë vënë nën kontroll në rritje vitet e fundit për ndikimet negative që ato kanë në shëndetin mendor.

Facebook kohët e fundit u vu nën kritika pasi u zbulua se kompania e dinte se platforma e saj Instagram ishte toksike për vajzat e reja që nga viti 2019, pasi u zbulua një hulumtim i brendshëm që zbuloi se 13 për qind e adoleshentëve në Mbretërinë e Bashkuar e fajësuan për mendime vetëvrasëse.

Informatorët nga kompania kanë ngritur gjithashtu alarmin në lidhje me algoritmet që përdor kompania që i dërgojnë përdoruesit e rinj drejt postimeve me përmbajtje të dëmshme./ CNA.al

Lajmet e fundit nga