Bora Zemani është një nga moderatoret më të komentuara dhe të ndjekura të momentit.

Ajo ka qenë në qendër të vëmendjes jo vetëm si prezantuese e emisionit Përputhen por edhe brenda shtëpisë së Big Brother, pasi konkurrentë brenda atij realityshow janë dy persona shumë të rëndësishëm për të, shoqja e saj e ngushtë Semi Jaupaj dhe partneri i saj Donald Veshaj.

Donaldi dhe Semi kanë patur një debat të fortë brenda shtëpisë së Big Brother, pikërisht për Borën.

Semi e ka mbrojtur shoqen e saj, pasi Donaldi u shpreh se është single, pas puthjes së shumëpritur mes tij dhe moderatores.

Pas diskutimit, Semi i kërkoi falje Donaldit dhe gjatë primet të së martës premtoi se nuk do të ndërhynte më në këtë çështje.

Moderatorja së fundi përmes një bisede në rrjetet sociale është shprehur se ndjehet shumë krenare që ka një shoqe si Semi dhe se të dyja vënë dorën në zjarr për njëra-tjetrën falë besimit të madh që kanë për njëra-tjetrën.

“Meqënëse sot më është mbushur plot Instagrami me mesazhe për të. Unë e dua shumë, ju e keni kuptuar sa e dua unë Semin dhe e njoh shumë shumë mirë, ndryshe nuk do të ishte pjesë e jetës time për kaq shumë vite. Edhe mendoj që gjërat kryesore që e kanë ruajtur shoqërinë tonë kanë qenë disa në fakt. E para besimi tek njëra-tjetra, ai lloj besimi që vërtetë e vëmë dorën në zjarr për njëra-tjetrën, kaq mirë e njohim njëra-tjetrën. E dyta protektiviteti është diçka që disa të tjetrë e konsiderojnë si diçka të keqe por unë mendoj se ka qenë një nga arsyet që e ka ruajtur shoqërinë tonë sepse jemi gjithmonë shumë protektive ndaj njëra-tjetrës.

Tjetra pastaj është që e pranojmë njëra-tjetrën siç jemi, pa u munduar ta ndryshojmë njëra-tjetrën. Pra unë Semin e kam pranuar ashtu siç është. Ndonjëherë flet më shumë seç duhet, ndonjëherë do të bëjë gallata më shumë seç duhet, ndonjëherë të përqafon më shumë seç duhet, ndonjëherë edhe të mbron më shumë seç duhet. Por kjo nuk ka asnjë gjë të keqe. Nuk shoh asnjë gjë të keqe në këtë mes, sidomos kur gjërat nuk bëhen me qëllime negative. Përkundrazi dhe sot jam shumë e lumtur dhe shumë krenare që më është mbushur instagrami me vajza që më shkruajnë sa do doja që të kisha dhe unë një shoqe si Semi në jetën time, por më vjen keq goca, Semin e kam për vete nuk e ndaj dot me ju. Megjithatë uroj shumë që të keni edhe ju një Sem në jetën tuaj sepse është shumë bukur kur ke një shoqe një motër që e ndjen kaq të afërt kaq të ngushtë edhe bëni kaq shumë për njëra-tjetrën”, shprehet Bora./ CNA.al