Connect with Us

Rezultatet e shkëlqyera, Milani shpërblen trajnerin Pioli

Seria A

Rezultatet e shkëlqyera, Milani shpërblen trajnerin Pioli

Publikuar

-

/

Milani vazhdon të korrë suksese, teksa përveç kampionatit ku po bën shumë mirë dhe mban kryesimin së bashku me Napolin, tashmë kanë mundësinë të kalojnë edhe fazën e grupeve në Champions League, pavarësisht 3 humbjeve në ndeshjet e para.

Me fitoren e djeshme ndaj Atletico Madrid, kuqezinjtë kanë shkuar në kuotën e 4 pikëve, 1 më pak se Porto e vendit të dytë dhe kualifikimi nuk është më i pamundur.

Duke parë rezultatet e shkëlqyer të arritura nga skuadra deri tani, te Milani po bëjnë gati një dhuratë për trajnerin Stefano Pioli. Ky i fundit është meritori për gjithçka që skuadra ka arritur deri tani dhe do të marrë një shpërblim të veçantë.

Sipas asaj që raportojnë mediat italiane, nesër do të vijë zyrtarizimi i rinovimit të kontratës së Piolit deri në vitin 2024, teksa do të përfitojë edhe një rritje të rrogës.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Seria A

Nuk ndodhte prej 70 vitesh, Interi arrin rekord në Serinë A

Publikuar

-

Nga

Interi pasditen e djeshme ka arritur të triumfojë me rezultatin 0-3 ndaj Romës në stadiumin “Olimpico”, falë golave të Hakan Çalhanoglusë, ish-it Edin Xhekos dhe Denzel Dumfrisit.

Pas këtij suksesi skuadra e Simone Inzagit ka arritur të barazojë një rekord të veçantë në Serinë A italiane.

Sipas faqes së statistikave, “OPTA Paolo”, Interi ka arritur të shënojë në 18 ndeshje radhazi të luajtura në transfertë të Serisë A, duke barazuar rekordin e fiksuar midis tetorit të vitit 1950 dhe shtatorit të vitit 1951.



Skuadra zikaltër aktualisht klasifikohet e dyta në tabelën e renditjes në kuotën e 37 pikëve, -1 nga Milani kryesues.

Gjithashtu Interi nuk ka humbur asnjë sfidë prej 8 ndeshjesh, disfata e fundit e pësuar ishte ndaj Lacios në stadiumin “Olimpico”, më 16 tetor.

LEXO TE PLOTE

Seria A

“Kumbulla nuk garanton siguri”, zbulohet nota e mbrojtësit kuqezi në disfatën e Romës

Publikuar

-

Nga

Marash Kumbulla ishte titular në ditën e djeshme me skuadrën e Romës, teksa verdhekuqtë kishin përballë Inter. Ndeshja për kryeqytetasit nuk rezultoi me një fund të lumtur, duke qenë se u mposhtën me rezultatin 0-3.

Sa i takon mbrojtësit të kombëtares, ai u aktivizua për 61 minuta, ndërsa në notat e vendosura nga ana e Eurosport, 21-vjeçari u vlerësua me 5.5, teksa theksohej se nuk ia doli të përcillte siguri në repartin difensiv.



Kumbulla, 5.5- “Vuan më pak kur Inter sulmon në krahun e majtë se sa në atë të djathtë, por gjithsesi jep ndjesinë se nuk përçon shumë siguri në prapavijë”, theksohej nga Eurosport mbi paraqitjen e mbrojtësit shqiptar.

LEXO TE PLOTE

Seria A

Kielini komenton nisjen e hetimeve: Gjërat zmadhohen sa herë flitet për Juventusin

Publikuar

-

Nga

Hetimet më të fundit në shtëpinë e Juventusit kanë turbulluar jo pak ambientin bardhezi. Si të mos mjaftonin problemet në fushë, të tjera janë hapur edhe nëpër zyra.

Megjithatë, lojtarët mundohen ta kalojnë në qetësi edhe këtë çështje të re. Madje, “peshat e rënda” të Juventusit e kanë shtensionuar situatën.



Ka qenë Kielini, i cili duke folur për “Sky Sport”, ka theksuar se edhe në këtë rast gjërat po hiperbolizohen, diçka e zakontë, sipas tij, kur flitet për bardhezinjtë.

“Nuk duhet të humbasim shumë kohë me hetimet. Le t’ia lëmë kohës për të parë se çfarë do të dalë. Nuk është më diçka e re për ne, jemi mësuar. Sikurse jemi mësuar nga ana tjetër me faktin se sa herë që flitet për Juventusin, gjërat zmadhohen”, ka thënë Kielini.

LEXO TE PLOTE