LEXO PA REKLAMA!

SHKARKO APP

Verifikimi i formularëve/ Shehaj: 98% e firmave janë reale, do shkoj në Kuvendin e 11 dhjetorit

24 Nëntor 2021, 21:04, Politikë CNA
Verifikimi i formularëve/ Shehaj: 98% e firmave janë reale, do shkoj

Deputeti i PD Agron Shehaj deklaroi se në njësitë 5 dhe 7 ku ai ka qenë drejtues janë rreth 170 delegatë, ku theksoi se shkoi në zyrën e Edi Palokës me qëllim vërtetësinë e formularëve.

Nga studio e Open, ai tha se 98% e delegatëve konfirmuan firmën e tyre për Kuvendin e 11 dhjetorit.

?Shkova me një qëllim të vetëm të verifikoj se si është e vërteta. Ka një debat të madh, kur firmat janë aty  mund të shkoni t?i verifikoni. Unë kam pasur listën e degëve që më është dhënë gjatë fushatës. Unë isha drejtues, 170 delegatë janë në degët 5 dhe 7. Kam folur me rreth 100 delegatë. Janë rreth 170 delegatë, kanë firmosur 58% tek dega 5 dhe 56% tek dega 7. Rreth 170 delegatë, unë nuk kam ardhur për provim. Një sekondë, nga 170 nga të cilët 100 janë nga dega 5, rreth 70 janë nga dega 7, 80%, prej tyre kam folur, 98% më kanë konfirmuar që kanë firmosur. I njoh, kam numrat e telefonit të secilit prej tyre, nga i njëjti më ka marrë, aty e kam marrë, unë prandaj verifikova numrat e degës 5 dhe 7?, tha Shehaj.

Shehaj në një komunikim për mediat  të martë tha se do të shkojë në Kuvendin Kombëtar të thirrur nga Sali Berisha që do të mbahet më 11 dhjetor.

Ai theksoi se mbi 4200 firmat e mbledhura nga foltorja e Berishës janë të sakta dhe të vërteta, duke shprehur anën që do të mbajë.

?Do shkoj në 11 dhjetor se numrat për të thirrur kuvendin janë të vërteta dhe të sakta?, tha Shehaj./CNA.al

Lajmet e fundit nga