Kronika
Hetimet për Fatmir Mediu/ Caktohet gjyqtarja e çështjes
Dosja e Gërdecit, dhe ish Ministri i Mbrojtjes Fatmir Mediu do të jenë në duar të gjyqtares Albana Boksi.
Kujtojmë se SPAK ka kërkuar revokimin e vendimit për pushimin e hetimeve, pala akuzuese, Fatmir Mediu dhe avokati i tij mbrojtës Ardian Visha shkuan në Gjykatën e Lartë.
Kjo e fundit e ktheu sërish çështjen në GJKKO.
Tashmë avokati i Mediu, ka dalë me një tjetër kundërshti, duke iu referuar caktimit të gjyqtares Boksi, si dhe duke paralajmëruar se do të kërkojë përjashtimin e saj
Sipas tij, gjyqtarja Albana Boksi ka konflikt interesi pasi ka shqyrtuar më parë disa kërkesa gjatë procesit./CNA.al
Kronika
Merr flakë ndërtesa 3 katëshe në Lezhë
Një banesë tre katëshe është përfshirë nga flakët e zjarrit këtë të mërkurë në Lezhë.
Sipas asaj që raportohet në media, ngjarja ka ndodhur në në fshatin Gramsh të Lezhës.
Zjarri ka rënë në katin e fundit të ndërtesës, por mësohet se nuk ka patur të lënduar, pasi familjarët kanë mundur të dalin në kohë nga ndërtesa.
Forcat e zjarrfikëses po punojnë për shuarjen e flakëve./ CNA.al
Kronika
Bie nga kati i dytë i një ndërtese/ Përfundon në spital 38 vjeçari
Një ngjarje e rëndë ka ndodhur në afërsi të Qytetit Studenti. Dyshohet se aksidentalisht shtetasi E.Gj 38 vjeç, ka rënë nga kati i dytë.
Si pasojë e dëmtimeve ky shtetas ndodhet në spital nën kujdesin e mjekëve.
“Me datë 12.01.2022, në afërsi të Qytetit Studenti, dyshohet se aksidentalisht ka rënë nga kati i dytë i një objekti, shtetasi E. Gj., 38 vjeç, i cili ishte duke punuar.
Si pasojë ky shtetas është dëmtuar dhe ndodhet në spital nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të ngjarjes”, njofton policia./ CNA.al
Kronika
Skandali i Policisë me 8 Janar/ Arreston shoferin e ambulancës si protestues
Me 8 Janar kur u protestua tek selia e PD-së, policia, ka arrestuar kë ka munduar të pranishëm ose jo në protestë.
Pa verifikuar, sikur të mos kishte mjaftuar hedhja e gazit lotjsellës, policia ka bërë arrestime, duke dalë bllof dhe duke treguar jo profesionalizëm dhe papërgjegjshmëri.
Një nga të arrestuarit për protestën e 8 Janarit është edhe shoferi i një prej ambulancave që kanë qenë në vendngjarje, me qëllim për t’ju ardhur në ndihmë protestuesve nëse do kishin problem shëndetësore.
Pra është arrestuar një person që s’ka qenë fare në protestë./CNA.al
