Kronika
Transportonin telefona me pëllumba/ Klodiana Lala zbulon çudirat e arratisjeve nga burgjet
Gazetarja Klodiana Lala zbuloi disa nga rastet më të bujshme të arratisjeve nga burgu.
E ftuar në studion e “Opinion” me Blendi Fevziun në Tv Klan, ajo tregoi se janë përdorur metoda nga më të çuditshmet për futjen e armëve dhe celularëve brenda ambienteve të burgut dhe një rast i tillë është edhe përdorimi i pëllumbave.
“Të gjithë të dënuarit, qëllimin e vetëm që kanë është të ikin nga burgu. Po t’i dëgjosh kur tentojnë të arratisen apo arratisen dhe arrestohen, gjëja e parë që thonë është që ne kemi detyrë të ikim, ju keni detyrë të na ruani.
Një nga rastet më interesante ka qenë kur filluan të përdornin pëllumbat për të çuar celularë dhe pjesët e armëve. Njëri nga pëllumbat ra nga pasha e celularëve, unë e kam patur të filmuar, duke qenë se do koordinoheshin për arratisjen.
Pëllumbit i lidhën 3 celularë dhe për shkak të peshës, pëllumbi nuk arriti të shkonte deri tek dritarja e të dënuarit. Ata rrisin pëllumba brenda dhe i stërvisin për këtë arsye. Ata kanë futur edhe kazanë rakie e kanë bërë raki në burg.
Në shollat e këpucëve arrijnë të fusin pjesë të ndryshme të armëve atje. Rasti i Arbër Çekajt është interesant për mënyrën si është organizuar. Ata arritën të bindnin njërin nga të dënuarit që të tentonte të priste damarët dhe të kërkonte të shkonte për t’u kuruar.
Të gjithë gardianët morën atë për ta dërguar për t’u mjekuar. Në momentin që i gjithë burgu po merrej me këtë gjë, Çekaj dhe bashkëpunëtori planifikuan këtë gjë. Përdorën çarçafët e bërë gërshet për të zbritur”, deklaroi Lala./CNA.al
Kronika
Merr flakë linja e tensionit të mesëm pranë një shkolle/ Evakuuohen nxënësit
Linja tensionit të mesën pranë një shkolle në Laprakë, është përfshirë nga flakët.
Si pasojë e një shkëndije elektrike kabulli i tensionit është këputur, duke rënë në murin rrethues të oborrit të shkollës “Ahmet Gashi në Laprakë.
Për arsye sigurie janë evakuuar menjëherë nxënësit.
Në vendngjarje ka shkuar zjarrfikësja, policia dhe punonjës të OSSHE-së./CNA.al
Kronika
Policia e Durrësit bën “kërdinë”/ Prangosen gjashtë persona, për çfarë akuzohen
Policia e Durrësit ka vënë në pranga gjashtë persona, dy prej të cilëve të shpallur në kërkim.
Sipas uniformave blu në pranga ka rënën shtetasi M. A., 37 vjeç, banues në Durrës, pasi gjatë kontrollit fizik të ushtruar nga shërbimet e Policisë, iu gjet dhe iu sekuestrua një sasi lënde e dyshuar narkotike kokainë.
Gjithashtu është ndaluar edhe shtetasi në kërkim M. P., 29 vjeç, banues në Durrës, pasi Gjykata e Shkallës së Parë Durrës, me vendimin e datës 18.12.2020, e ka dënuar me 15 ditë burg për veprën penale “Drejtimi i automjetit në mënyrë të parregullt”.
Po nga specialistët për Hetimin e Krimit në DVP Durrës u arrestua në flagrancë shtetasi F. K., 33 vjeç, banues në Maminas, pasi u kap duke vjedhur disa pajisje në dyqanin e shtetasit B. H.
Specialistët për Hetimin e Krimit në Komisariatin e Policisë Durrës ndaluan shtetasin në kërkim V. A., 38 vjeç, për veprën penale “Kallëzim i rremë”, pasi ka bërë kallëzim të rremë për vjedhjen e automjetit të tij.
Specialistët e Qarkullimit Rrugor arrestuan në flagrancë për veprën penale “Drejtimi i automjetit në mënyrë të parregullt”, shtetasit: B. Sh., 29 vjeç dhe A. K., 37 vjeç, pasi u kapën nga shërbimet e Policisë duke drejtuar automjetet, në gjendje të dehur dhe pa leje drejtimi.
Materialet i kaluan Prokurorisë, për veprime të mëtejshme./CNA.al
Kronika
Bie nga kati i dytë/ 27 vjeçari në gjendje të rëndë
Sot, në fshatin Kusarth, Elbasan, dyshohet se aksidentalisht ka rënë nga kati i dytë i banesës ku banonte, shtetasi Xh. Gj., 27 vjeç, i cili ndodhet në spitalin e Traumës Tiranë në gjendje të rëndë për jetën.
Grupi hetimor po punon për sqarimin e rrethanave të ngjarjes./CNA.al
