Connect with Us

Franca dhe Italia/ Si po e luftojnë ato koronan?

Bota

Franca dhe Italia/ Si po e luftojnë ato koronan?

Publikuar

-

Franca përforcon. 88 për qind e personave mbi 12 vjeç janë tashmë plotësisht të imunizuar dhe presioni nuk ulet as për dozën e tretë. Të moshuarit dhe personat vulnerabël kanë nevojë për atë që quhet “përforcues”, përndryshe humbasin statusin e vaksinimit në kartelën shëndetësore. Pa të, pjesëmarrja në jetën publike, për shembull, vizita në kafene, kinema apo muze, thuajse është e pamundur.

Edhe në ambjentet e jashtme bëhen kontrolle. Ky njoftim i dha një shtysë të re fushatës së vaksinimit: pragu i pesë milionë personave që morën përforcimin e vaksinës kaloi që një javë më parë.

Kjo nuk është kohë për të qenë të dobët, sipas epidemiologut Renaud Piarroux: “Sfida është të përgatitemi për festat e Krishtlindjeve, për të siguruar që transmetimet të jenë nën kontroll”. Edhe në Francë, numri i infeksioneve po rritet sërish me shpejtësi.

Që nga mesi i shtatorit, në Francë vaksinimi ka qenë i detyrueshëm për punonjësit e shëndetësisë. Protestat fillestare kundër kësaj mase janë qetësuar në një masë të madhe.

Dhe frika se mjekët dhe stafi infermieror do t’i kthenin shpinën punës nuk është konfirmuar. Në vend të kësaj, normat e vaksinimit në këto profesione janë mbi 90 përqind.

Fushata e vaksinimit ka ecur në Itali

“Ky armik i poshtër troket vazhdimisht në derë. Duhet të ndërtojmë edhe më shumë mbrojtje kundër tij”, paralajmëron pothuajse çdo ditë Francesco Paolo Figliuolo, i cili po bën gjithçka për të fituar këtë betejë. Që kur kryeministri Mario Draghi e emëroi atë Komisionerin e Përgjithshëm të Posaçëm të Covid-it për Italinë, fushata e vaksinimit ka ecur si duhet.

Protesta anti-korona ne Bengalo, Itali

Ata të cilëve u vjen radha të marrin vaksinën përforcuese marrin një lajmërim me aplikacion ose njoftim me SMS. Personeli kujdestar dhe infermieror, mësuesit dhe grupet në rrezik kanë marrë një kujtesë prej javësh të tëra. Personat mbi 40 vjeç e kanë radhën nga dhjetori. Për këtë qëllim do të rihapen qendrat e vaksinimit.

Deri tani janë kryesisht të moshuarit dhe të dobëtit që kanë marrë një përforcues si dhe personeli shëndetësor, për të cilët vaksinimi është i detyrueshëm që nga muaji prill. I vaksinuar, i kuruar, i testuar. 3G është gjithashtu në fuqi në autobusë dhe trena, si dhe në të gjithë vendin në vendin e punës – që nga mesi i tetorit.

LEXO EDHE:  OBSH thirrje/ Të shpërndahen vaksina në vendet e varfra

Kompanitë që nuk kontrollojnë “pasaportën e gjelbër” rrezikojnë një gjobë deri në 1500 euro. Punonjësit pa pasaportë rrezikojnë të humbasin pagën e tyre. “Green Pass” është në fuqi që prej muajit gusht në restorante, bare, teatro, pishina dhe hotele, ku duhet vërtetuar se personi është i vaksinuar ose i shëruar ose ka një test negativ për Corona, jo më të vjetër se 48 orë.

“Green Pass” edhe në pista

Edhe në Tirolin e Jugut, pasaporta e gjelbër është e detyrueshme në vendpushimet e skive, për shembull. Për më tepër, testet për koronan janë me pagesë, pasi italianët duhet të vaksinohen.

Edhe në Itali, numri i të infektuarve ka nisur të rritet sërish ditët e fundit, por ka shumë më pak pacientë të sëmurë rëndë në krahasim me një vit më parë. Ndryshe nga viti i kaluar, sistemi shëndetësor nuk është i mbingarkuar. Në të gjitha rajonet, shifrat mbeten nën pragun kritik. Italia madje ishte në gjendje të pranonte pacientë me korona nga Bavaria.

Për shkak të rritjes së numrit të rasteve me korona, Italia po diskuton rregulla më të rrepta për personat e pavaksinuar dhe kontrolle kufitare me vendet fqinje. 3G është tashmë në fuqi për njerëzit që hyjnë në vend, përfshirë turistët.

Kërkohen kufizime për kundërshtarët e vaksinimit

Janë kryesisht politikanët rajonalë ata që i kërkojnë qeverisë në Romë të vendosë kufizime ndaj kundërshtarëve të vaksinimit, në mënyrë që të shmangen një mbyllje e madhe gjatë dimrit të ardhshëm. Mund të ketë një lloj “Super Green Pass” i cili do të ishte i vlefshëm vetëm 6 ose 9 muaj pas vaksinimit dhe i cili më pas mund të rinovohet me përforcues. Si provë negative përmenden vetëm testet PCR.

Gjithçka do të varet nga sjelljet dhe shkalla e vaksinimit, sipas Ministrit italian të Shëndetësisë Speranza. Ne duam veçanërisht të ruajmë Krishtlindjet dhe sezonin e dimrit. Për këtë, Italia është e gatshme të pranojë rregulla më të rrepta, ka deklaruar ai./dw

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kosova & Rajoni

Rritja e rasteve me Covid/ Sllovakia drejt bllokimit të plotë

Publikuar

-

Nga

Presidentja e Sllovakisë, Zuzana Caputiva ka bërë thirrje që vendi të futet në një izolim të rreptë pas rritjes së rasteve me COVID-19.

Presidentja Caputiva ka thënë se bllokimi duhet të ndodh sidomos për shkak se sistemi shëndetësor është në prag të kolapsit.

Ajo nuk mund të merr vendimin për bllokim nga pozita e presidentes porse zëri i saj ka peshë pasi është politikania më popullore në vend.

Anëtarët e partisë në pushtet u thanë mediave gjithashtu se rregulla më të ashpra mund të priten të mërkurën, më 24 nëntor, por ata refuzuan të japin detaje.

Caputova po kërkon një bllokim të plotë për të gjithë vendin, jo vetëm për ata që ende nuk janë vaksinuar. Presidentja Caputiva ishe emocionale deri foli për këtë çështje pas një vizite në një spital.



LEXO EDHE:  Varianti i ri i Covid/ Boris Johnson: Është më vdekjepriprës se i pari, ka prova

LEXO EDHE:  “Dosja Tahiri”/ Hajdarmataj me “pranga” në Itali

“Ne jemi aktualisht shteti me situatën më të keqe në botë, kur bëhet fjalë për infeksionet e reja”, tha ajo.

“Spitalet janë në kufijtë e kapaciteteve të tyre dhe duhet të kufizojnë shërbimet që ofrojnë, personeli shëndetësor i rraskapitur po lutet për ndihmë”, deklaroi ajo.

Sllovakia ka pasur disa masa në fuqi kundër përhapjes së infeksionit mirëpo sipas presidentes së këtij vendi ka pasur zbatim tejet të dobët gjë që ka lejuar shtimin e rasteve me COVID-19.

Përveç Sllovakisë, shumica e vendeve evropiane kanë përjetuar një rritje rapide të rasteve të reja të infeksioneve me COVID-19.

OBSH-ja u frikësohet 700,000 vdekjeve të tjera nga koronavirusi në Evropë

OBSH-ja paralajmëroi të mërkurën se në rast se vazhdon trendi i njëjtë i infektimeve, atëherë, gjatë këtij dimri në Evropë nga COVID-19, mund të humbasin jetën rreth 700,000 persona./rel

LEXO TE PLOTE

Kosova & Rajoni

Rreziku nga minat në Kosovë është ende real

Publikuar

-

Nga

Një ditë pranvere e pasluftës është shndërruar në ditën më tragjike për Elmi Xhemën nga qyteti i Shtimes në Kosovë.

Si 12-vjeçar, në maj të vitit 2001, Elmiu ka dalë për të luajtur në oborr të shtëpisë, ku edhe ka shkelur në minë.

Për pasojë, ka humbur këmbën dhe dorën e majtë.

“Nuk kam ditur asgjë deri kur më kanë dërguar në spital… Pastaj, e kam marrë vesh se çfarë ka ndodhur me mua”, rrëfen Elmiu për Radion Evropa e Lirë.

Mina në oborrin e shtëpisë së Elmiut ka qenë një ndër mjetet e shumta shpërthyese që janë vendosur nga ushtria serbe nëpër Kosovë, gjatë luftës së fundit, më 1998/99.

Elmiu, sot 32 vjeç, ka arritur të sigurojë proteza të gjymtyrëve, me të cilat funksionon, por nuk ka arritur të vazhdojë shkollimin.

“Pasi më ka ndodhur kjo, nuk kam pasur vullnet (për shkollë), më ka humbur motivi dhe e kam lënë”, tregon ai.

Mjetet shpërthyese, të mbetura nën tokë nga koha e luftës, kanë marrë jetën e 117 personave në Kosovë.

Muzeu që tregon për një fëmijëri të lënë përgjysmë

Të plagosur ngjashëm si Elmiu kanë mbetur 468 persona.

Sipas të dhënave të Forcës së Sigurisë së Kosovës, shumica e civilëve kanë pësuar nga minat shumë shpejt pas luftës.

FSK: Po vazhdon kontrolli për zonat e dyshuara me mina

Njësitet ushtarake që kanë funksionuar në Kosovë në 20 vjetët e fundit, kanë qenë përgjegjëse për largimin e mjeteve shpërthyese.

Të gjitha operacionet janë kryer në bashkëpunim edhe me ekipet e deminimit nga misioni paqeruajtës i NATO-s, KFOR, dhe organizatat civile për deminim.

Njësiti ushtarak, që quhet Kompania e Deminimit, ka funksionuar që nga viti 2001, fillimisht në kuadër të Trupave Mbrojtëse të Kosovës (TMK), që kanë dalë nga transformimi i Ushtrisë Çlirimtare të Kosovës.

Sa është kostoja e dëmeve të luftës të shkaktuara nga Serbia?

Nga viti 2009, përkatësisht pas shpalljes së pavarësisë së Kosovës në shkurt të vitit 2008, TMK-ja është shndërruar në Forcën e Sigurisë së Kosovës (FSK).

Togeri Petrit Loxha, nga Kompania e Deminimit, thotë për Radion Evropa e Lirë se menjëherë pas luftës, ushtria e atëhershme jugosllave ka dorëzuar hartat e zonave të minuara.



Këto harta kanë treguar për 620 fusha të minuara, 1,300 caqe të bombarduara nga NATO-ja, si dhe 2,500 raportime të mjeteve të rrezikshme.

LEXO EDHE:  Italia shtrëngon masat kufizuese ndaj COVID-19/ Kryeministri Conte: S’mund të humbim kohë

LEXO EDHE:  Italia shtrëngon masat kufizuese ndaj COVID-19/ Kryeministri Conte: S’mund të humbim kohë

Pra, në total, kanë ekzistuar afro 4,500 zona të rrezikshme në pjesë të ndryshme të Kosovës.

“Në 20 vjet punë, deri më sot, kanë mbetur më pak se 70 pika të rrezikshme me interes”, thotë Loxha.

Sipas të dhënave të FSK-së, deri më tani janë pastruar mbi 59 milionë metra katrorë tokë, si dhe janë larguar mbi 23 mijë mina, 21 mijë kasetë-bomba dhe mbi 48 mijë mjete të tjera shpërthyese.

Ndonëse, sipas FSK-së, është bërë punë e madhe për largimin e të gjitha mjeteve shpërthyese në territorin e Kosovës, ka ende pika që mund të jenë me rrezik.

“Zonat më të prekura me mina kanë qenë pikat kufitare me Shqipërinë dhe Maqedoninë [e Veriut], shkaku i armiqësive të kohës së komunizmit dhe luftërave të viteve ’99-2001. Këto mbeten zonat më të prekura edhe sot”, thotë Loxha.

Aksionet e deminimit deri më tani janë përqendruar në zonat e banuara, por, sipas FSK-së, ato do të fokusohen tani në zonat kufitare.

Gjatë këtij viti, FSK-ja ka kryer disa operacione të pastrimit të fushave të kontaminuara me mjete të pashpërthyera në rajonet e Hanit të Elezit, Gjakovës dhe Ferizajt.

Sipas FSK-së, deri më tash në vitin 2021, janë gjetur 400 mjete shpërthyese dhe 951 fishekë.

“Nevojitet fushatë vetëdijesuese për rrezikun nga minat”

Mjetet e pashpërthyera pritet të jenë rrezik potencial edhe për një kohë të gjatë, thotë Avni Islami, profesor i shkencave të sigurisë.

Sipas tij, largimi i të gjitha mjeteve të tilla në Kosovë merr më shumë kohë.

“Sot e kësaj dite kemi mjete të pashpërthyera edhe nga Lufta e Dytë Botërore, e lëre më në këtë kohë, kur forcat serbe kanë minuar sipërfaqe të mëdha…”, thotë Islami për Radion Evropa e Lirë.

Ai shton se qytetarët duhet të informohen vazhdimisht për rrezikun potencial, qoftë përmes televizionit, apo mediave online.

“E rëndësishme është që opinioni publik të informohet mbi rrezikun që shkakton një mjet i pashpërthyer. Të bëhet vetëdijesimi i qytetarëve që në rast se hasin në mjet të pashpërthyer, t’i lajmërojnë organet kompetente”, thotë Islami.

Thirrjet e popullatës civile tek autoritetet thuhet se kanë çuar në gjetjen e mjeteve shpërthyese jo vetëm nga lufta e fundit, por edhe nga konfliktet e shekullit 20./rel

LEXO TE PLOTE

Bota

Kriza e infermierëve amerikanë dhe largimi i tyre nga spitalet

Publikuar

-

Nga

Kur po bëhen dy vite që nga shpërthimi i pandemisë COVID-19, infermierët në Shtetet e Bashkuara ndodhen në krizë. Si pasojë e mbingarkesës që përjetojnë gjatë kujdesit të ofruar për pacientët e sëmurë me COVID-19, një numër i madh infermierësh kanë vendour të lënë punën. Materiali në vazhdim sjell historinë e një infermiereje, e cila shqetësimin e saj e ngriti tek Presidenti Biden.

Gjatë vizitës së tij në Skrenton të Pensilvanisë, Presidenti Joe Biden u takua me infermieren Jen Partyka, e cila pas bisedës me udhëheqësin amerikan i dorëzoi atij një letër.

“Ndjeva se është me rëndësi që ai të kuptojë se infermierët nuk janë në rregull”, thotë zonja Partyka e cila punon si infermiere për 30 vite.

Nga fillimi i pandemisë, infermierët punojnë pa pushim dhe me ngarkesë të madhe. Zonja Partyka humbi një kolege si pasojë e vetëvrasjes, ndërsa është dëshmitare e mbingarkesës.

“Mbetëm lidhur. Ne luftuam këtë betejë, por nuk e prisnim që të zgjaste kaq shumë”, thotë ajo.

Kjo çoi në mungesë të infermierëve.

“Vitin që shkoi 50 për qind e punonjësve u larguan nga puna”, thotë zonja Partyka.

Sipas rekomandimeve zyrtare, në një qendër të kujdesit intensiv një infermier mund të kujdeset për 2 pacientë, por mungesa e infermierëve po e çon këtë raport në 1 me 3.

“Mënyra e vetme për t’u trajtuar në një Qendër të Kudjesit Intensiv është nëse jeni shumë i sëmurë, sepse përndryshe nuk ka shtretër. Trefishimi i pacientëve është tejet i rrezikshëm”, shton zonja Partyka.

Kjo situatë shkaktoi mbingarkesë në dhomat e urgjencave në spitale.

“Po qaja pa kontroll dhe nuk ndalesha dot. Vajtoja me gjithë qenien time”, thotë infermierja Gi, e cila kërkoi që të publikojmë vetëm emrin e saj. Ajo përjetoi një sulm paniku, si pasojë e së cilit humbi përkohësisht aftësinë për të folur dhe vepruar.



“Papritur, nuk arrija të mbushja një formular. Truri im humbi lidhjen me trupin”, thotë ajo.

LEXO EDHE:  Italianët arrestojnë hajdutin e famshëm shqiptar

LEXO EDHE:  Organizoi dasmë pa respektuar masat anti-Covid/ Gjobitet pronari i lokalit në Durrës

Infermierja u kthye në pacente. Tani ajo merret me qepjen e kapeleve për punonjësit shëndetësorë, si pjesë e trajtimit të saj pasi kaloi një javë në një spital psikiatrik për çrregullime traumatike nga stresi i përjetuar. Ajo thotë se nuk ishte infermierja e vetme që u trajtua atje.

Sikur COVID të mos mjaftojë, infermierët në Filadelifa dhe disa qytete tjera amerikane përballen edhe me një numër të madh pacientësh të një kategorie tjetër. Shkalla e krimeve të dhunshme në vend është në rritje.

Zëri i Amerikës kaloi disa orë rrugëve me policinë në Filadelfia. Kjo është një vrasje e dyfishtë. Në vend që të presin për ambulancën, policia vazhdimisht shfrytëzon makinat e saj për transportimin e viktimave. Në disa javë numri i vrasjeve barazohet me vdekjet nga COVID-19.

“Çdo ditë përballemi me numër të madh pacientësh si të ishim në fushë-betejë”, thotë infermierja Alex Kaspin, e cila punon në një spital të Filadelfias.

Pasi filloi të përjetojë çrregullime paniku, ajo u transferua nga dhoma e urgjencës në atë të pediatrisë, gjë që ajo thotë se i shpëtoi jetën.

“Erdhi një moment kur ndihesha sikur nuk isha pranë familjes sime. Po jepja gjithçka për pacientët e mi, por nuk më kishte ngelur gjë tjetër”, thotë ajo.

Ndikimi i punës në mirëqenien e infermierëve, sipas ekspertëve quhet “lodhje nga dhembshuria”. Sistemi amerikan i kujdesit shëndetësor po lufton për gati dy vite në një betejë që nuk po i shihet fundi, ndërsa infermierët zgjedhin të largohen nga shtretërit e spitaleve dhe dhomat e urgjencës për punë më pak stresuese. Shumë prej tyre, me vete bartin edhe ndjenjën e fajit.

“Në një mënyrë a një tjetër, nuk do të isha në gjendje ta vazhdoja këtë punë edhe pse e doja punën e infermieres në dhomën e urgjencës. Mendoj se isha e lindur për atë punë”, thotë infermierja Kaspin./voa

LEXO TE PLOTE