Politikë
Mblidhet kryesia e PD në njësinë 3/ Anëtarët mbështesin Kuvendin e 11 dhjetorit
Anëtarët e njësisë numër 3 në Tiranë kanë dalë në mbështetje të Foltores së ish kryeministrit Sali Berisha.
Këtë gjë e ka bërë të ditur kryetari i PD së kësaj njësie Gëzim Demushi, i cili përmes një postimi në rrjetin social Facebook, shkruan se 20 anëtarë nga 29 të tillë ishin të pranishëm në mbledhje dhe ata vendosën në mënyrë unanime që të marrin pjesë në Kuvendin e 11 dhjetorit.
“Ditën e sotme date 22/11/2021 u zhvillua mbledhja e kryesisë së Partisë Demokratike, Dega 3, Tiranë ku moren pjese 20 anetare nga 29 anetare te kryesise.
Mbledhja u zhvillua në një klimë debati të hapur dhe të lirë me pjesëmarrjen e numrit më të madh të anëtarëve të këtij organizmi
Kriza ekonomike dhe e gjithanshme, zhvillimet politike si dhe debatet e brendshme në parti ishin tema të diskutimeve.
Demokratët janë të ndërgjegjshëm se situata e rëndë ku ndodhet vendi e bën të domosdshëm ringritjen e opozitës në lartësinë e shpresave të qytetarëve tanë, të cilët janë ata që vuajnë direkt keqqeverisjen dhe revanshin shumëplanësh ku është turrur pushteti i Edi Ramës. Diskutuesit konverguan në idenë se Shqipëria ka nevojë që PD të marrë përsipër përgjegjësinë e saj historike para vendit.
Në fund, me anë të një votimi, pjesëmarrësit dhanë mbështetje unanime pë Kuvendin Kombëtar të Partisë Demokratike më datë 11 dhjetor 2021”, shkruan Demushi./CNA.al
Politikë
Erdogan mbërrin në Rinas/ Pritet nga kryeministri Rama
Presidenti i Turqisë, Recep Tayyip Erdogan ka mbërritur në Aeroportin e Rinasit, ku është pritur me ceremoni zyrtare nga kryeministri Edi Rama.
Kujtojmë këtu se Erdogan do të qëndrojë për më shumë se 13 orë në vendin tonë.
Kjo vizitë ka bërë që institucionet tona të marrin masa shumë të rrepta sigurie. Eskortimi i presidentit Erdogan dhe siguria e tij nesër do të bëhet nga Garda e Republikës dhe RENEA.
Ndërkohë që nga Ankaraja kanë mbërritur dje efektivë të Gardës turke e gjithashtu edhe shërbimet sekrete nga ky vend.
Politikë
Rama mesazh vendeve të Ballkanit Perëndimor/”Refuzoni çdo thirrje që s’lidhet me anëtarësimin në BE”
Kryeministri Edi Rama u ka bërë thirrje liderëve të Ballkanit Perëndimor të refuzojnë çdo thirrje që nuk ka të bëjë me anëtarësimin në Bashkimin Europian.
Në një intervistë për Financial Times, Rama është shprehur se Shqipëria nuk do të heqë dorë kurrë nga Europa dhe Bashkimi Europian.
Rama i ka konsideruar të papërshtatshme flirtimin e Rusisë, Kinës dhe me rajonin,
“Të tjerët mund të sjellin para, investime, ndoshta edhe havjar, por ata nuk do të jenë në gjendje t’ju sjellin atë që ju nevojitet për të ndërtuar një vend të lirë pune,” ka thënë Rama
Sipas Ramës, BE ende nuk është “shëruar” nga kriza e refugjatëve në vitin 2015.
“Shqiptarët kanë zhgënjimet e tyre me Brukselin, por kjo nuk e ndryshon besimin se ne duhet të jemi atje. Ne kemi treguar të gjitha historitë tona të mëparshme të dashurisë dhe martesat. Ne po kërkojmë një martesë të re, jo për një martesë të vjetër. Por sigurisht, kjo lloj martese është e vështirë”,” është shprehur Rama./CNA.al
Politikë
Paratë e drogës “kapin” ekonominë/ Manjani vë alarmin, politika po shitet dhe blihet
“Droga more drogaaaaaaa”. Kështu shkruan ish-Ministri i Drejtësisë, Ylli Manjani në rrjete sociale, ndërsa jep alarmin për këtë fenomen.
Sipas Manjanit, e keqja më e madhe që na ka kapluar të gjithëve si shoqëri është droga.
“Tashmë droga është çështje e shoqërisë. Jo thjesht e disa trafikantëve apo përdoruesve të saj. E gjithë shoqëria shqiptare është e prekur nga kjo e keqe.
Droga vret!
Vret përdoruesin e trafikantin, por vret edhe një shoqëri të tërë që bashkjeton me ngjarje të rënda vrasjesh të rinjsh e të rejash. Dhe shoqëria që varros rininë dhe pjesën tjetër të saj e çon jashtë për ta shpëtuar, quhet e vdekur.
Droga është iluzion!
Iluzion për përdoruesit, iluzion për ata që bëjnë para me këtë gjë por është iluzion për gjithë shoqërinë që bashkjeton me këtë fenomen. Një shoqëri që gëzon se po ndërtohen kulla dhe ndërkohë jeton në informalitet, dmth pasiguri, është e gjitha në iluzionin se vendi po zhvillohet.
Është një iluzion i patrajtuar që çon shumë kollaj në depression”, shkruan Manjani.
I njëjti është ndalur dhe tek përdorimi i parave të drogës në ekononomi.
“Droga nuk është liri! Përkundrazi është varësi. Përdoruesit në rritje janë të varur por e gjithë shoqëria informale varet nga droga. Duhen para që të furnizohen kanalet informale. Kjo para informale vret çdo liri, por edhe çdo nismë të lirë për bisnes.
Droga nuk bën ekonomi!
Në shoqërinë informale konkurrenca është thellësisht e pandershme. Mund të kesh ide biznesi dhe pak para për ta filluar atë, por të thy n’mes një anonim që sdi ku të çojë paratë. Ky i fundit paguan më shumë, vajos më mirë korrupsionin dhe ecën.
Droga nuk lejon as ligj e as shtet!
Kudo ku lulzon droga shteti dhe ligji nuk vlejnë. Kjo e bën shoqërinë vulnerabël ndaj çdo akti dhune. Për pasojë shoqëria hesht. Shet lirinë për të blerë sigurinë.
Ligji e shteti i shërbejnë drogës. Droga sjell vetëm pushtet/sundim”, shhkruan më tej Manjani.
Ish ministri, ndër të tjerë shkruan se aty ku droga është biznes kombëtar, pushteti është ekstremisht i fortë.
“Politika shitet e blihet. Opozitat janë fiktive. Pushteti lejon shtimin e drogës që të shtojë iluzionin bollëkut dhe të qënit mirë. Shoqëria nën këtë iluzion voton pushtetin. Dhe kështu mbyllet rrethi vicioz. A nuk jemi dhe ne në këtë derexhe?!
Droga është fatkeqësia jonë më e madhe. Vrasësja e heshtur e një shoqërie.
Kam keqardhje ulëritëse sa herë shoh që shoqëria shqiptare e sotme nuk e sheh këtë fenomen si të keqen më të madhe që e ka kapluar.
Padyshim qeveria dhe politika që e bën këtë gjë është më e keqja e mundshme. Por disi shoqëria duhet të reagojë që të ndahet pushteti e politika (përfshi opozitën) e keqe nga shoqëria. Nëse nuk e bën këtë ndarje shoqëria bashkjeton me të.
Bashkjetesa me këtë të keqe të madhe është mbytëse e çdo fije shprese.
Nuk është asgjë tjetër më e keqe se droga dhe bashkjetesa me të”, përfundon reagimin Manjani./CNA.al
