Connect with Us

Gazetari sulmon yllin e Bayernit: Nuk e ka mendjen te futbolli, abuzon nëpër festa

BundesLiga

Gazetari sulmon yllin e Bayernit: Nuk e ka mendjen te futbolli, abuzon nëpër festa

Publikuar

-

/

Gazetar investigativ francez, Romen Molina ka sulmuar yllin e Bajernit, Benzhamë Pavar. Sipas tij, mbrojtësi nuk po kalon një periudhë të mirë për shkak të abuzimit të tij në jetën private.

“Pavar nuk e ka mendjen te futbolli. Ai shkon në shumë festa që organizohen në Paris dhe konsumon shumë shisha. Ai nuk mund të sprintojë në maksimum duke u shfaqur shumë i avashtë. Stafi i kombëtares franceze është shumë i shqetësuar për formën e tij”, u shpreh Molina. Edhe te kampionët e Gjermanisë Pavar nuk është shfaqur në nivelin më të lartë të tij.

Francezi humbet shumë dyluftime dhe në aksionet sulmuese është shumë i avashtë duke mos ndihmuar skuadrën siç ka bërë në sezonet e kaluar. Nuk mund të përjashtohet një largim i tij pasi në skuadrën e Bajernit nuk tolerohen shumë festat dhe abuzimi. Mjafton të kujtojmë Arturo Vidalin, i cili u largua pikërisht për këtë arsye nga Mynihu disa vite më parë.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

BundesLiga

ZYRTARE/ 3 humbje radhazi në kampionat, skuadra e Bundesligës shkarkon trajnerin

Publikuar

-

Nga

Jesse Marsch nuk do të jetë më trajner i Leipzig. 3 humbje radhazi në kampionat kanë bërë që skuadra gjermane të marrë vendimin për të larguar trjanerin. 48-vjeçari amerikan mori drejtimin e ekipit në fillim të sezonit pas largimit të Nagelsmann, por në 14 ndeshjet e para ka zhgënjyer totalisht. Leipzig renditet në vendin e 11-të në Bundesligë, 8 pikë më pak se vendi i 4-të që mbahet nga Hoffenhaim dhe të dërgon në Champions League.

Leipzig përmes një postimi në faqen zyrtare ka bërë me dije se ka mbyllur bashkëpunimin me Marsch dhe në ndeshjen e Champions League ndaj Man United, skuadra do të drejtohet nga Achim  Beierlorzer. Në ditët në vijim do të prezantohet edhe trajneri i ri që do të marrë drejtimin e skuadrës gjermane.

LEXO TE PLOTE

BundesLiga

Spektakël në “Signal Iduna Park”, Bayerni fiton mes polemikash ndaj Dortmundit

Publikuar

-

Nga

Bayerni i Mynihut triumfoi 2-3 ndaj Borussias së Dortmundit në “Signal Iduna Park”, ku u zhvillua një përballje me ritëm të jashtëzakonshëm, por edhe e tensionuar, që në fund pa të festonin kampionët në fuqi të Bundesligës. Një penallti e pretenduar nga verdhezinjtë, kur rezultati ishte 2-2, dhe më pas 11-metërshi i akorduar për bavarezët bëri të shpërthente trajneri Marco Rose, që mori dy kartonë të verdhë duke u detyruar të largohej para kohe nga pankina.

Julian Brandt e zhbllokoi takimin që në minutën e 5-të, pas pasimit që mori nga Bellingham, por në të 9-tën ktheu shumë shpejt baraspeshën Lewandowski. Në fund të pjesës së parë Coman shënoi të dytin për Bayernin, që shkoi në avantazh të një goli (1-2) në pushimin mes pjesëve.



Dortmundi nuk mund të pajtohej me këtë rezultat dhe sapo nisi fraksioni i dytë Erling Haaland e dërgoi topin atje ku nuk mund ta arrinte Manuel Neuer, 2-2.

Në të 53-tën Reus u rrëzua në zonë pas kombinimit me Haaland, por kryesori nuk akordoi 11-metërsh, duke irrituar verdhezinjtë. Në të 76-tën Mats Hummels preku topin me dorë në zonë dhe kryesori pasi u konsultua me sistemin VAR bëri shenjë nga pika e bardhë e penalltisë. Lewnadowski u tregua i saktë përballë portierit vendës, duke shënuar golin e dytë personal dhe të tretin për Bayernin, që mori fitoren e 11-të sezonale, me diferencën mes dy ekipeve që shkon në katër pikë (34/30).

LEXO TE PLOTE

BundesLiga

Reali po pret prapa derës, Bayerni gati të blindojë Levandovskin

Publikuar

-

Nga

Robert Levandovski është nën kontratë me Bajernin deri në qershor të 2023-shit. Polaku ende nuk ka rinovuar me kampionët e Gjermanisë dhe sipas mediave spanjolle kjo ka një arsye. Sipas “AS”, prioriteti i bomberit është Reali i Madridit. Lojtari mësohet t’i ketë kërkuar agjentit të tij, Pini Zahavi, për ta dërguar në sezonin e ardhshëm te “galaktikët”.

Kjo, pasi Leva beson se madrilenët kanë më shumë influencë mediatike dhe se nëse do të kishte qenë një lojtar i Realit, “Topi i Artë” do të ishte në koleksionin e tij më herët. Gjithsesi, “AS” gjithashtu shkruan se prioriteti i Realit në merkato për sezonin e ardhshëm mbeten sulmuesi i Dortmundit, Erling Haland dhe Kilië Mbape që luan për Parisin në Francë.

Duke parë dhe moshën e madhe të polakut, madrilenët preferojnë një destiancion tjetër edhe pse nuk kanë mohuar kurrë faktin që e kanë pasur ëndërr kalimin e Levandovskit në Madrid. Këtë e zbuloi edhe vetë sulmuesi i Bajernit në një intervistë pak muaj më parë ku tha se ishte takuar me presidentin Florentino Perez



Menjëherë pas lajmit të ardhur nga Spanja, mediat gjermane shkruan dje se Bajerni është vënë në lëvizje dhe kërkon të blindojë sulmuesin polak. Drejtuesit do të ulen për të biseduar me Levandovskin në qershor të 2022-shit dhe janë gati t’i propozojnë atij një kontratë të re. Sipas “Bild”, ajo do të jetë kontrata e fundit madhore për 33-vjeçarin, e cila do të thoshte se polaku mund të dalë në pension pikërisht në Mynih.

Bajerni e vlerëson shumë sulmuesin i cili tani më shumë se kurrë ka nevojë për t’u ndjerë i rëndësishëm. Mosfitimi i “Topit të Artë” ka lënë një shije të keqe te lojtari. Largimi i Levës do të sillte një irritim të tifozëve bavarezë që pasi humbën David Alabën, nuk do të ishin të kënaqur me largimin e një tjetër ikone të klubit.

LEXO TE PLOTE