Seria A
VIDEO/ Man United turpërohet nga Watford, Broja luan disa minuta në disfatën ndaj Norwich
Manchester United thellon krizën e rezultateve në Premier League pasi ditën e sotme është mposhtur nga Watford me rezultatin e ngushtë 4-1. Vendasit e mbyllën pjesën e parë me avantazhin e dy galave të King në të 28’ dhe Sarr 44’.
“Djajtë e Kuq” ngushtojnë rezultatin në të 50’ me Van de Beek, por dalje ma karton të kuq e Maguire në minutën e 69 ia vështirëson së tepërmi punën të tijve të cilët nuk arrijnë të marrin asnjë pikë. Vendasit do të vulosnin gjithçka në minutën 90+2 me Pedro dhe më pas në të 90+6 me Dennis.
Aston Villa siguron një fitore komode 2-0 ndaj Brighton falë një goli të sulmuesit Watkins në minutën e 84’ dhe Ming në të 88.
Sfida spektakolare ato mes Burnley – Crystal Palace dhe Neëcastle- Brentford. Të sfidat mbyllen në barazim me rezultatet 3-3.
Southamptoni i Armando Brojas mposhtet nga Norëich i Milot Rashicës me rezultatin e ngushtë 2-1. Sulmuesi shqiptar u fut në lojë në minutën e 57, por nuk arriti të gjente rrugën e rrjetë, ndërsa Rashica ishte titullar duke bërë një paraqitje të mirë.
Wolves ka fituar me rezultatin minimal 1-0 përballë West Ham falë një goli të sulmuesit Jimenez në minutën e 58’.
Seria A
Ndodh për herë të parë në histori, Interi arrin statistikën e veçantë në Serinë A
Mbrëmjen e djeshme Interi ka barazuar pa gola 0-0 ndaj Atalantës në stadiumin “Gewiss”, ku zikaltërit ndalen pas 8 fitoresh radhazi në kampionat.
Sipas faqes së njohur të statistikave “OPTA Paolo”, Interi ka ruajtur portën e paprekur prej 5 ndeshjesh radhazi në transfertë, për herë të parë në histori që nga epoka e tre pikëve për fitore.
Një statistikë unike kjo për skuadrën e Inzagit duke u konfirmuar edhe njëherë se zikaltërve është shumë vështirë t’i shënosh pasi është dhe mbrojtja e dytë më e mirë e kampionatit pas asaj të Napolit.
Interi renditet në vendin e parë duke grumbulluar 50 pikë, +2 më shumë se Milani, por edhe me një ndeshje më shumë për të zhvilluar, duke parë se sfida e parë e vitit kalendarik 2022 ndaj Bolonjës në stadiumin “Renato Dall’Ara” u shty për shkak të rasteve të shumta me COVID-19 te skuadra emiliane.
5 – L’ #Inter ha tenuto la porta inviolata in cinque partite di fila in Serie A lontano da San Siro per la prima volta nell’era dei tre punti a vittoria. Saracinesca. #AtalantaInter #SerieA
— OptaPaolo 🏆 (@OptaPaolo) January 16, 2022
Seria A
ZYRTARE/ Rezultatet negative, klubi i Serisë A shkarkon trajnerin
Klubi i Sampdorias ka shkarkuar me efekt të menjëhershëm nga detyra e trajnerit, Roberto D’Aversën.
Për teknikun italian fatale ishin rezultatet negative të njëpasnjëshme, por edhe humbja me përmbysje të shtunën ndaj Torinos me rezultatin 1-2 në stadiumin “Luigi Ferraris”.
Këtë lajm e ka bërë vetë publike klubi nga Liguria me anë të një komunikate në sajtin e saj zyrtar:
“Klubi i Sampdorias komunikon se ka shkarkuar nga detyra e trajnerit, Roberto D’Aversën. Falenderojmë trajnerin dhe stafin e tij për profesionalizmin e tyre gjatë gjithë kësaj periudhe të punës me skuadrën tonë”, ishte komunikata e klubit dorian.
Aventura e 46-vjeçarit në krye të Sampdorias zgjati 6 muaj ku në 22 ndeshje të këtij sezoni në Serinë A e renditi Sampdorian në vendin e 15 ku arriti të fitonte 5 ndeshje, barazuar 5 dhe humbur 12 sfida, duke grumbulluar në total 20 pikë.
📄 | OFFICIAL
U.C. #Sampdoria: comunicato stampa del 17 gennaio 2022.
— U.C. Sampdoria (@sampdoria) January 17, 2022
Seria A
Jose Mourinho i kërkon falje publike Marash Kumbullës: Kam qenë i ashpër me të
Zhoze Murinjo bën prapakthehu për Marash Kumbullën dhe e bën në stilin e tij. Deklaratat publike kundër lojtarit shqiptar sot janë kthyer në elozhe publike për mbrojtësin e ri i cili po e bind gjithnjë e më shumë portugezin te Roma. Pas suksesit 1-0 ndaj Kaljarit, Murinjo është ndalur pikërisht te faza mbrojtëse e ekipit, duke evidentuar punën që kishte bërë Kumbulla në sfidën e fituar me shifrat 1-0.
“Si fillim dua të flas për Kumbullën. Për mua ai ishte më i miri, ka bërë një ndeshje fantastike dhe kjo më bën të lumtur pasi ka kaluar një periudhë të vështirë dhe unë kam qenë shumë i ashpër me të në deklarata dhe stërvitje. Por ai ka qenë gjithmonë shumë i qetë dhe i përulur, është rritur shumë. Ai dhe Mançio kanë bërë mirë, por edhe mesfushorët e qendrës kanë bërë mirë mbulimin, ndryshe nga ajo që kishte ndodhur me Juventusin”, ishin elozhet e rralla të Murinjos.
Deklaratat e disa muajve më parë bënë që të kishte diskutime për transferimin e Kumbullës në ndonjë ekip tjetër të Serisë A, por vendimi i lojtarit për të mos ndryshuar ekip duket se ka qenë ai i duhuri.
