Nedim Bajrami është kthyer në një nga emrat më të përfolur në merkaton e janarit në Itali, me klubet e Serisë A që shohin te 22-vjeçari i përfaqësueses shqiptare një nga lojtarët me të ardhme të sigurt në elitën e futbollit në këtë vend.

Futbollisti 22-vjeçar ka shënuar 5 gola e ka dhënë 3 asiste në 20 ndeshjet e luajtura deri tani në këtë sezon në Serinë A me Empolin, duke u kthyer shpejt në një nga lojtarët e rinj më interesant. Prej ditësh përflitet për negociatat me Sasuolon që është gati të paguajë 10 milionë euro për kartonin e tij, ndërsa është raportuar se edhe Juventusi po monitoronte futbollistin e përfaqësueses shqiptare.

Sot, e përditshmja italiane “Tuttosport” ka raportuar se mes klubeve që po monitorojnë lojtarin, tani bën pjesë edhe Milani, ndaj të cilit ai shënoi një nga golat në elitën e futbollit italian në këtë sezon.

Kuqezinjtë janë gjithmonë në kërkim të lojtarëve të rinj premtues dhe duket se edhe Maldini po sheh më vëmendje Bajramin. Nuk ka ende një lëvizje konkrete, si ajo e Sasuolos, por rritja e numrit të pretendentëve për lojtarin, e sidomos me emra si Juventus e Milan, tregon qartësisht vlerat që ka fantazisti i përfaqësueses shqiptare.

Karriera e tij do të vazhdojë, por sigurisht që do të përndiqet gjatë nga ai gabim që bëri në ndeshjen Milan-Spezia duke mos lejuar avantazhin për kuqezinjtë pas faullit të Bastonit ndaj Rebic.

I rrënuar, i mërzitur dhe i zhgënjyer me veten. Kjo ishte gjendja shpirtërore e Marco Serras, arbitrit për të cilin është folur shumë në orët e fundit. Gazeta “Corriere della Sera” dhe mediat e tjera kanë zbuluar prapaskenën se kur arbitri shkoi në dhomat e zhveshjes ka shpërthyer në lot duke e kuptuar gabimin që kishte bërë.

Ai madje e kuptoi që në fushë duke ngritur duart, por pastaj e kapi një gjendje shoku. E di shumë mirë që e pret ndonjë pezullim i gjatë për këtë gafë që bëri. Ky gabim ka marrë përmasa më të mëdha, edhe për faktin se Milani e humbi ndeshjen në fund dhe rrezikon të dalë përfundimisht nga gara për titullin.

Zlatan– Sulmuesi suedez Zlatan Ibrahimovic ka bërë një veprim prej kampioni duke i qëndruar pranë gjyqtarit dhe për ta ngushëlluar në këtë moment të vështirë. U tregua një zotëri i vërtetë dhe kjo gjë u vlerësua maksimalisht nga arbitri Serra.

Por edhe të tjerët si Paolo Maldini dhe trajneri Pioli nuk kanë dashur që të vendosin dorën në “plagën” e arbitrit dhe nuk e kanë kontestuar më pas fundit të ndeshjes. AIA dhe Rocchi (dizenjatori i arbitrave) i kërkuan falje menjëherë Milanit.

Vedat Muriqi është shumë pranë kalimi në Rusi, aq sa mediat turke e bëjnë fakt të kryer këtë gjë duke zbuluar dhe shifrat e transferimit.

Lajmet thonë se kosovari do të jetë pjesë e skuadrës së CSKA Moskës se bashku lojtarin e Lilës, Jusuf Jazicin. Operacioni pritet të jetë një huazim për 2.5 milionë euro dhe me të drejtë blerjeje për 8 milionë.

Për momentin nuk ka asnjë zyrtarizim nga klubet, por tashmë dihet që Muriqi nuk është pjesë e planeve të trajnerit të Lacios, Mauricio Sarri.