Sport
Dështon merkatoja e Skënderbeut, largohen papritur dy futbollistët e ardhur me bujë në verë
Skënderbeut i dështon plotësisht merkatoja e verës, pasi i janë larguar edhe dy afrime të tjera. Nëse në të shkuarën Skënderbeu merrte më të mirët dhe kë dëshironte, në këtë sezon, ende pa u mbyllur pjesa e parë e kampionatit, korçarët e shohin veten të “braktisur” nga afrimet e merkatos duke mbetur kryesisht me lojtarët që ishin pjesë e Skënderbeut në sezonin e kaluar.
Nga të gjitha afrimet e bujshme që bënë bardhekuqtë në verë, kanë mbetur si pjesë e ekipit vetëm Nikaj dhe Vrapi nga shqiptarët, si dhe Moraesh nga të huajt që ka ardhur para disa javësh, ndërsa të gjithë të tjerët janë larguar. Të larguarit e fundit janë dy ganezët e afruar me shumë bujë, Ngisah Bismark dhe Jozef Asante.
Asante ishte një lojtar plotësues, ku pas rikthimit të Meksit nuk gjeti hapësira. Goditja nga këto largime vjen nga ana e Ngisah Bismarkut, i cili iu bashkua ekipit në limitet e merkatos. Ai ndiqej edhe nga Vllaznia, por zgjodhi Korçën. Disa orë para ndeshjes së Kupës me Bylisin të dy lojtarët kanë marrë gjithçka nga klubi duke mbyllur kështu bashkëpunimin që zgjati vetëm pak javë.
‘Panorama Sport’ shkruan se hapësirat e pakta për të luajtur te Skënderbeu, por edhe problemet e lindura me financat kanë qenë faktorët që çuan të dy ganezët të braktisnin ekipin dhe të kërkonin dokumentacionin e plotë nga klubi. Kujtojmë se Bismark ka luajtur vetëm 249 minuta të shpërndara në 8 takime, shumicën e të cilave në Kupën e Shqipërisë. Kjo ka qenë pikërisht ajo që ka sjellë irritimin e lojtarit dhe vendimin drastik më pas.
Seria A
Strakosha do largohet nga Lacio, Tare gati ta zëvendësojë me shokun e Bajramit
Lacio po mendon të sigurojë shërbimet e një portieri për sezonin e ardhshëm, me Strakoshën e Reinën që të dyve do t’i përfundojë kontrata në verë dhe nuk duket se do të rinovojnë.
Portieri i Empolit, Gulielmo Vikario, shihet si pasardhësi i gardianit shqiptarë në portën e Lacios. Sipas “Gazzetta dello Sport”, 25-vjeçari kërkohet nga shumë klube të tera në Itali, por Lacio ndodhet në kryesim për shërbimet e tij.
Igli Tare duket se po mendon të bëjë merkato te Empoli, ku nëpërmjet portierit do tentojë dhe mesfushorin shqiptarë, Nedim Bajrami.
Seria A
FORMACIONET ZYRTARE/ Talenti i Kombëtares U21 nga minuta e parë, Interi dhe Empoli bëjnë rotacion në Kupë
Inter-Empoli është sfida e 1/8 për Kupën e Italisë që do të luhet në orën 21:00. Zikaltërit janë favorit për të kaluar në raundin tjetër, ndërsa pak minuta më parë janë bërë publike edhe formacionet zyrtare.
Trajneri Inzaghi ka bërë rotacion duke lënë shumë titullarë pushim. Të njëjtn gjë ka bërë edhe Andreazzoli te Empoli që ka lënë në stol Ismajlin dhe Bajramin, ndërsa ka hedhur nga minuta e parë Asllanin, mesfushorin e Kombëtares U21.
INTER (3-5-2): Radu; D’Ambrosio, Ranoçhia, Dimarco; Dumfries, Vidal, Gagliardini, Vecino, Darmian; Correa, Lautaro.
EMPOLI (4-3-1-2): Furlan; Marchizza, Viti, Romagnoli, Fiamozzi; Asllani, Stulac, Bandinelli; Zurkowski; Cutrone, Pinamonti.
La Liga
Zidane-PSG, zbulohet plani i milionerëve për në verë
Zinedine Zidane dhe PSG nuk janë thjesht miq dhe të njohur, por për pak kohë mund të jenë “çift”. Bashkimi mund të bëhet realitet në sezonin e ardhshëm. E ardhmja e francezit kalon nga pankina e Parisit.
Drejtuesit e klubit i kanë bërë ofertë dhe në dhomat e zhveshjes e konsiderojnë të kryer diçka të tillë. Kryesuesit e Ligue 1 kanë nevojë për një revolucion total në aspektin sportiv. Në Paris duan të ndërtojnë të ardhmen edhe pa Mbappenë në ekip, për t’u shndërruar në një skuadër normale për sa iu përket shpenzimeve në aspektin ekonomik.
Dhe për të vendosur rregull në dhomat e zhveshjes duhet një dorë që menaxhon mirë kampionët. Zizu e ka bërë diçka të tillë me Realin e Madridit. Maurizio Pochetino me shumë mundësi do të shkojë te Manchester United.
Këta të fundit kanë kërkuar informacione për argjentinasin dhe janë gati që ta afrojnë për të mbajtur edhe Cristiano Ronadon. Por e ardhmja e Pochetinos nuk ka aspak rëndësi për bosët e Katarit. Ata thjesht duan që Zidane të marrë drejtimin e skuadrës dhe janë të bindur që francezi është figura më e rëndësishme për të shmangur dramën për largimin e Mbappe.
