LEXO PA REKLAMA!

SHKARKO APP

5 zakonet e përditshme që dëmtojnë lëkurën tuaj

19 Nëntor 2021, 14:08, Lifestyle CNA
5 zakonet e përditshme që dëmtojnë lëkurën tuaj

Rutina juaj e kujdesit për lëkurën mund të jetë e përshtatur në mënyrë të përkryer për të përmbushur të gjitha nevojat e lëkurës tuaj, por ka disa gabime që bëni në përditshmërinë tuaj që po e dëmtojnë atë. Ja disa prej tyre që duhet të shmangni:

Ju bëni dushe të gjata.

Bërja e një dushi të gjatë është një mënyrë e shkëlqyer për t’u zgjuar në mëngjes, veçanërisht kur është e ftohtë jashtë. Por zakoni për ta bërë atë çdo ditë mund të dëmtojë lëkurën tuaj. Uji i nxehtë dëmton shtresën mbrojtëse të lëkurës që bllokon lagështinë, duke bërë që procesi i plakjes të përshpejtohet. Dhe nëse po e lani fytyrën në dush për të kursyer pak kohë mund të dëmtoni kapilarët në fytyrën tuaj sepse uji i nxehtë i bën ato të zgjerohen.

Pirja e kafes në mëngjes.

Shumë njerëz nuk mund ta imagjinojnë mëngjesin e tyre pa një filxhan kafe të nxehtë, dhe përveçse të jetë e shijshme, kafeja në fakt mund të jetë e dobishme për lëkurën tuaj. Por nëse e pini çdo ditë para se të keni konsumoni mëngjes, mund t’i bëni lëkurës tuaj më shumë dëm sesa mirë. Kafeja është një diuretik i fuqishëm, që do të thotë se mund t’ju bëjë të dehidratoheni pak. Kjo, nga ana tjetër, do ta bëjë më të vështirë daljen e toksinave nga trupi juaj përmes lëkurës dhe do ta bëjë atë më të ekspozuar ndaj rrudhave të parakohshme.

Aplimimi i krem kundër diellit vetëm kur koha është me diell.

Kremi kundër diellit ndihmon në mbrojtjen e lëkurës tuaj kur jeni jashtë gjatë verës, por aplikimi i tij edhe nëse kaloni gjithë ditën brenda mund të parandalojë plakjen e lëkurës. Pra, edhe nëse jeni duke punuar në një zyrë gjatë gjithë ditës dhe nuk kaloni shumë kohë jashtë, është akoma më mirë të aplikoni krem kundër diellit për të ndihmuar lëkurën tuaj të qëndrojë më e re për më gjatë.

Ju i përmbaheni të njëjtës rutinë të kujdesit të lëkurës.

Kur nxitoni të dilni në mëngjes, është më e lehtë të merrni të njëjtin pastrues dhe hidratues për fytyrën që keni përdorur një natë më parë. Ndërsa blerja e kremrave dhe maskave që funksionojnë për llojin e lëkurës tuaj është padyshim e përshtatshme, përdorimi i të njëjtave produkte çdo ditë nuk i bën asnjë favor lëkurës tuaj. Për ta ndihmuar lëkurën tuaj të duket dhe të ndjehet më së miri, dermatologët rekomandojnë të ndryshoni rutinën tuaj të kujdesit të lëkurës me stinët dhe të kaloni nga një pastrues eksfolues në një pastrues më të butë ndërsa moti bëhet më i freskët.

Larja gabimisht e fytyrës.

Nëse e keni vënë re ndonjëherë se fytyra juaj duket e yndyrshme kur ngriheni nga gjumi, në fakt ka një shpjegim shkencor për këtë. Trupi juaj humbet ujë gjatë natës dhe si një mënyrë për të parandaluar dehidratimin, fillon të prodhojë më shumë sebum, duke ju bërë që të zgjoheni me një fytyrë të yndyrshme. Por edhe nëse nuk e duroni dot yndyrën dhe dëshironi që fytyra juaj të duket mat, mos përdorni pastrues me formula të forta. Është më mirë të lani fytyrën me ujë të vakët duke përdorur një pastrues të butë dhe të aplikoni krem hidratues përpara se të thaheni./ CNA.al

Lajmet e fundit nga