Atentati ndaj prokurorit/ Arjan Ndoja flet në Gjykatë

18 Nëntor 2021, 09:46, Kronika CNA
Atentati ndaj prokurorit/ Arjan Ndoja flet në Gjykatë

Ka nisur procesi gjyqësor për atentatin ndaj prokurorit Arjan Ndoja në vitin 2019. Në Gjykatë kanë mbërritur Redjan Rraja dhe Ariol Halilaj, të akuzuar për 6 vepra penale: vrasje, armëmbajtje pa leje, grup kriminal, vjedhje dhe kryerja e veprave penale si grup kriminal.

Në dëshminë e tij, prokurori Ndoja ka treguar se ai vetë ka qenë shënjestra e atentatit dhe këtë e tregojnë edhe pamjet e makinës.  Sipas tij, plumbat ishin në drejtim të anës ku ai ishte pasagjer, raporton Report Tv.

Ngjarja ndodhi më 1 nëntor të vitit 2019 në autostradën Tiranë-Durrës në afërsi të mbikalimit të Shkozetit. Ditën e ngjarjes Prokurori Ndoja ishte në automjet me një person me precedent penal, të njohur si i “forti i Sukthit”, Landi Muharremi dhe me Andi Malokun, ish-punonjës i policisë në komisariatin e Krujës, aktualisht shofer i prokurorit.

Makinës në përdorim nga Prokurori Ndoja, iu bë atentat pranë mbikalimit të Shkozetit kur u qëllua ndaj tyre me breshëri automatiku nga një tjetër automjet. Në spital humbi jetën shoferi i prokurorit, Andi Maloku./CNA.al

Lajmet e fundit nga