Connect with Us

Luhatja e Nedim Bajramit, drejtori i Empolit tregon çka ndodhur me futbollistin shqiptar

Seria A

Luhatja e Nedim Bajramit, drejtori i Empolit tregon çka ndodhur me futbollistin shqiptar

Publikuar

-

/

Nedim Bajrami i bëri një start fantastik sezonit, duke shkëlqyer me fanellën e Empolit e duke dhënë sinjale të aftësive të tij edhe me bluzën e kombëtares kuqezi. Por në muajin e fundit, lojtari ka patur një rënie të paraqitjeve të tij, që kanë shqetësuar jo pak tifozët.

Megjithatë, drejtori sportiv i Empolit, Pietro Akardi, mendon se Bajrami ka nevojë për kohë që të vazhdojë rritjen e tij, meqë bëhet fjalë për një futbollist të ri. Duke folur për mediat italiane, ai ka theksuar se futbollisti është i paprekshëm, e do të vazhdojë të jetë pjesë e projektit.

“Luhatja bën pjesë në rrugëtimin e rritjes, edhe në vitin e kaluar Bajrami ka pasur një moment të tillë, por jemi të ndërgjegjshëm që kemi në dispozicion një lojtar i cili do të rritet. Dhe i cili do të qëndrojë këtu, kemi shumë besim te ai.

Këtë moment luhatjeje e cilësojmë normal në këtë rrugëtim. Ai është i ri, duhet të bëjë një rrugë të tillë, mos harrojmë se është një futbollist i datëlindjes 1999”, shpjegoi drejtuesi i Empolit.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Seria A

Ndodh për herë të parë në histori, Interi arrin statistikën e veçantë në Serinë A

Publikuar

-

Mbrëmjen e djeshme Interi ka barazuar pa gola 0-0 ndaj Atalantës në stadiumin “Gewiss”, ku zikaltërit ndalen pas 8 fitoresh radhazi në kampionat.

Sipas faqes së njohur të statistikave “OPTA Paolo”, Interi ka ruajtur portën e paprekur prej 5 ndeshjesh radhazi në transfertë, për herë të parë në histori që nga epoka e tre pikëve për fitore.

Një statistikë unike kjo për skuadrën e Inzagit duke u konfirmuar edhe njëherë se zikaltërve është shumë vështirë t’i shënosh pasi është dhe mbrojtja e dytë më e mirë e kampionatit pas asaj të Napolit.

Interi renditet në vendin e parë duke grumbulluar 50 pikë, +2 më shumë se Milani, por edhe me një ndeshje më shumë për të zhvilluar, duke parë se sfida e parë e vitit kalendarik 2022 ndaj Bolonjës në stadiumin “Renato Dall’Ara” u shty për shkak të rasteve të shumta me COVID-19 te skuadra emiliane.



LEXO TE PLOTE

Seria A

ZYRTARE/ Rezultatet negative, klubi i Serisë A shkarkon trajnerin

Publikuar

-

Nënshkruhet marrëveshja/ OVERSPORT, transmetuesi më i ri i licencuar për tre sezonet e ardhshme

Klubi i Sampdorias ka shkarkuar me efekt të menjëhershëm nga detyra e trajnerit, Roberto D’Aversën.

Për teknikun italian fatale ishin rezultatet negative të njëpasnjëshme, por edhe humbja me përmbysje të shtunën ndaj Torinos me rezultatin 1-2 në stadiumin “Luigi Ferraris”.

Këtë lajm e ka bërë vetë publike klubi nga Liguria me anë të një komunikate në sajtin e saj zyrtar:

“Klubi i Sampdorias komunikon se ka shkarkuar nga detyra e trajnerit, Roberto D’Aversën. Falenderojmë trajnerin dhe stafin e tij për profesionalizmin e tyre gjatë gjithë kësaj periudhe të punës me skuadrën tonë”, ishte komunikata e klubit dorian.

Aventura e 46-vjeçarit në krye të Sampdorias zgjati 6 muaj ku në 22 ndeshje të këtij sezoni në Serinë A e renditi Sampdorian në vendin e 15 ku arriti të fitonte 5 ndeshje, barazuar 5 dhe humbur 12 sfida, duke grumbulluar në total 20 pikë.



LEXO TE PLOTE

Seria A

Jose Mourinho i kërkon falje publike Marash Kumbullës: Kam qenë i ashpër me të

Publikuar

-

Zhoze Murinjo bën prapakthehu për Marash Kumbullën dhe e bën në stilin e tij. Deklaratat publike kundër lojtarit shqiptar sot janë kthyer në elozhe publike për mbrojtësin e ri i cili po e bind gjithnjë e më shumë portugezin te Roma. Pas suksesit 1-0 ndaj Kaljarit, Murinjo është ndalur pikërisht te faza mbrojtëse e ekipit, duke evidentuar punën që kishte bërë Kumbulla në sfidën e fituar me shifrat 1-0.

“Si fillim dua të flas për Kumbullën. Për mua ai ishte më i miri, ka bërë një ndeshje fantastike dhe kjo më bën të lumtur pasi ka kaluar një periudhë të vështirë dhe unë kam qenë shumë i ashpër me të në deklarata dhe stërvitje. Por ai ka qenë gjithmonë shumë i qetë dhe i përulur, është rritur shumë. Ai dhe Mançio kanë bërë mirë, por edhe mesfushorët e qendrës kanë bërë mirë mbulimin, ndryshe nga ajo që kishte ndodhur me Juventusin”, ishin elozhet e rralla të Murinjos.



Deklaratat e disa muajve më parë bënë që të kishte diskutime për transferimin e Kumbullës në ndonjë ekip tjetër të Serisë A, por vendimi i lojtarit për të mos ndryshuar ekip duket se ka qenë ai i duhuri.

LEXO TE PLOTE