Aktualitet
Artan Hoxha zbulon si u implikuan zyrtarët shqiptarë në dosjen e Rezart Taçit
I ftuar në studion e “Abc live” me Juli Xhokaxhi, gazetari Artan Hoxha ka shpjeguar sesi Rezart Taçi u kthye në një nga biznesmenët më të fuqishëm dhe impakt në vend.
“Për mua është njëshi në atë fushë. Ka bërë gjërat më të pabesueshme që mund të bëhen. Organizoi një kupë që u quajt trofeu Taçi, Real Madrid për 2 milion euro erdhi në “Qemal Stafa, vetëm që të jepej ai çeku.
Taçi thjeshtë kuptoi si funksionon administrata dhe qeveria dhe iu përshtat këtij habitati. Goditja e parë që bëri në treg, mbaj mend edhe dokumentarë të televizioneve italiane, e quanin ‘sheiku i Shqipërisë’ kur vinin e shikonin Armo, e kuptonin që sheiku ishte fals, një rafineri e ndryshkur”, ka thënë Hoxha.
Sipas Hoxhës, Taçi sot e kësaj dite nuk është shpallur i dënuar
“ Është i dyshuar, nuk është fajtor. Si e mori armon? Me sa e kam ndjekur i ishte premtuar një biznesmeni tjetër dhe ishte një nga investitorët në opozitë të PD. Papritmas Taçi futet në lojë, gjen kontaktet e duhura dhe i është paguar një shumë 9 milion euro në Austri. Nuk e mori Armon ai që duhet ta merrte por u tha se e mori një kompani amerikane nga Teksas. Në vetvete nuk ishte kompani amerikane. Në fakt ishte Taçi që nuk kishte as lekët,” është shprehur Hoxha./CNA.al
Politikë
Foto-Tomorr Alizoti i shtrëngon dorën Berishës/ Basha në arrati
Ish kryeministri, Sali Berisha, pas katër muajsh, është rikthyer në Kuvend.
Ndërsa Lulzim Basha ka ikur fshehurazi , deputeti i qarkut të Beratit Tomorr Alizoti ka shkuar të takojë Berishën menjëherë pasi ka hyrë në sallë.
Ai është fotografuar I buzëqeshur duke i dhënë dorën Berishës, në krah të cilit janë ulur deputetë Flamur Noka dhe Albana Vokshi.
Pas daljes nga Kuvendi Berisha është takuar edhe ne deputetin e Lushnjës, Saimir Korreshi./CNA.al
Politikë
Mafia e aferës së inceneratorëve/ Topalli: Për herë të parë sot u tha e vërteta
Ish kryetarja e parlamenti Jozefina Topalli ka komentuar zhvillimet në seancën e sotme të Kuvendin, në lidhje me diskutimet për aferën e inceneratorëve.
Sipas Topallit, sot Parlamenti u kthye në misionin e tij, pas shumë kohësh.
Pasi, për herë të parë në seancë u tha e vërteta e implikimit tek mafia e inceneratorëvë të Ramës dhe shërbetorit të tij LB.
“Për herë të parë u denoncua komisioni “hetimor” i inceneratorëve si një gënjeshtër e LB.
Ky komision prej 3 muajsh përveç ca deklaratave të rreme ka bërë thjesht demek…
Më ka çu nana me la gojën ..thonin dikur për raste të tilla.
Pas shumë vitesh në parlament po lind një opozitë reale, që ia çjerr maskën jo vetëm maxhorancës , por edhe opozitës së shitur tek i pari”, ka shkruar Topalli në rrjete sociale./CNA.al
Aktualitet
Vrau 65 vjeçarin për hakmarrje/ Gjykata jep masën për 17 vjeçarin
Gjykata e Lezhës ka lënë në burg 17 vjeçarin Florian Përvathi, i cili vrau 65 vjeçarin Lekë Lekëgjonajn për hakmarrje.
17 vjeçari vrau para shtëpisë Lekëgjonajn, pasi vëllai i këtij të fundit i kishte vrarë babain në 2009.
Ngjarja ka ndodhur të hënën në fshatin Manati të Lezhës, ku 17 vjeçari pas vrasjes është vetëdorëzuar në polici./ CNA.al
