Atentatet mafioze/ Ish-presidenti jep alarmin: Vrasësit me pagesë janë kthyer në një profesion të rëndomtë

14 Nëntor 2021, 12:35, Politikë CNA
Atentatet mafioze/ Ish-presidenti jep alarmin: Vrasësit me pagesë

Ish-presidenti Bujar Nishani ka reaguar në lidhje me situatën kriminale në vend, ndërsa shkruan se vrasësit me pagesë janë kthyer në një profesion të rëndomtë në Tiranë.

Në një postim në rrjetet sociale, ai i jep një ?shuplakë? të fortë kryeministrit Edi Rama, për të cilin thotë se është njeriu më i papërgjegjshëm dhe më i paafti që është ngjitur ndonjëherë në karrigen e kreut të qeverisë.

Më tej, ai thekson se Rama mban peng edhe opozitën.

Prandaj, sipas Nishanit duhet shpëtuar opozita, që më pas të largohet edhe Rama.

?Çdo ditë në Shqipëri atentate mafioze.

Vrasje makabre në mes të qyteteve, në mes qytetarëve që lëvizin në punët e tyre të përditëshme.

Hanë kokat e tyre? thotë njeriu më i papërgjegjshëm e më i paaftë që është ngjitur ndonjëherë në zyrën e Kryeministrit të këtij vendi!

Po kush mban përgjegjësi për vrasësit me pagesë që janë kthyer në një profesion të rëndomtë në mes të Tiranës, Durrësit, Elbasanit, Shkodrës e Fierit ?

Po qytetarët e pafajshëm të këtij vendi e kryeqytetit që rrezikohen të humbasin jetën kur plumbat vërshojnë në pikun e mbrëmjes, mes fluksit të qarkullimit, kush duhet ti mbrojë ?

Ky i paaftë e i papërgjegjshëm në qeveri, do të vijojë ta mbajë në rrezik e terror këtë popull përsa kohë pengu i tij të mbajë peng opozitën.

Ta shpëtojmë sa më parë opozitën e këtij vendi për të bërë të mundur largimin e kësaj qeverisje që na fal veç krim, vrasje e terror çdo ditë mes nesh.

Nesër të risjellim rendin, ligjin, sigurinë, forcën e shtetit, garancitë e qytetarëve dhe familjeve të tyre.

Mjaft më, me këtë llum ku na kanë zhytur një takëm korruptorësh, të paaftësh, e kllounësh që thjesht mbajnë njëri-tjetrin për ta lënë këtë vend në degradim !?-shkruan Nishani./CNA.al

Lajmet e fundit nga