LEXO PA REKLAMA!

SHKARKO APP

“Arsyet pse mbështes Berishën”/ Goxhaj “demaskon” Bashën: E trajtojnë si legen

14 Nëntor 2021, 17:20, Politikë CNA
“Arsyet pse mbështes Berishën”/ Goxhaj

Avokati Altin Goxhaj deklaroi haptazi mbështetjen e tij kundrejt liderit historik, Sali Berisha, për të cilin tha se është i vetmi person të cilit i druhet kryeministri Edi Rama.

I ftuar në studion e Fax News, Goxhaj nuk i kurse sulmet ndajt kreut të PD, Lulzim Basha, për të cilin tha se se ka punuar për 8 vite për uljen e kostos së represionit të qeverisë.

?Unë e them publikisht që unë e përkrah totalisht lëvizjen e Berishës për të marrë PD. S?ka sesi mos jem në favor të kësaj lëvizje, kur Berisha po ndërmerr atë narrative që e kam shpjeguar unë prej 7 vitesh.

Berisha ka një numër të këqijash, por të gjithë bashkë, sado përpiqen, askush nuk mund të mohojë se Berisha ka një të mirë. Berisha është i vetmi në Shqipëri që mund të frikësojë Ramën. I vetmi aktor dhe faktor që frikëson pushtetin dhe Edi Ramën. Është nga ata që ka fuqinë t?ia vërë fitilin zjarrit por nuk është zjarrfikës.

Kush e ka frikë qeverinë? Populli. Është kjo demokraci? Jo. Të gjithë kanë frikë qeverinë. Koncepti është që nëse ti je qeveria dhe unë jam populli dhe ti bën represion ndaj meje, ky është një proces që është punuar të ndodhë. Këtë e ka bërë kolona e pestë e Sorosit në PD, në bashkëpunim me Ramën.

E mbani mend protestën kundër Erion Veliajt te Liqeni. U angazhuan të gjithë. Pasi u përplasën fort, mbas një ore, policia rrëmben në rrugë 15 protestues përfshirë funksionarë të lartë të PD. 

Shkon Lulzim Basha te Drejtoria Policisë bashkë me PD-në, futet te dera, dhe e trajtuan si legen dhe e përzuri roja e derës. Pasi bëri 20 minuta debat me rojën , del Basha jashtë dhe thotë ata do t?i mbajnë dhe ne do ikim. 

Unë ika atje bëra zhurmë të madhe. Mbas gjysmë ore që bërtisja, ata u detyruan të më lënë të futem. Nuk e lanë Bashën por më lanë mua. Erdhi komisioneri. Bëra muhabet për qejf me Indrit Hoxhën. Dola jashtë dhe më tha roja pse bërë këtë zhurmë. 

Unë e bëra këtë sepse u tmerrova sepse pashë që Lulzim Bashën e trajtojnë si legen një roje. Mund të trajtosh si legen kryetarin e opozitës por jo mua. Në 8 vite Basha i ka ulur koston represionin e qevrisë?, theksoi Goxhaj./CNA.al

Lajmet e fundit nga