Politikë
Vrasja e dy të rinjve në Tiranë/ Berisha: Gjithçka jashtë kontrollit në Narkoshtetin e vetëm në Europë
Ish kryemistri Sali Berisha ka reaguar pas vrasjes së dyfishtë, mbrëmjen e sotme në Tiranë.
Sipas Berishës, Tirana dhe Shqipëria ndodhet në kthetrat e krimit. Ai thekson se gjithçka është jashtëkontrollit, duke e cilësuar qeverinë si narkoshteti i parë dhe i vetëm në Europë.
“Tirana dhe Shqiperia ne kthetrat e krimit. Ekzekutohen me bresheri kallashi ne mes te Tiranes dy te rinj Ministri i Familjes gili, vili, mili me Kreun e Meduzes! Gjithçka jashte kontrollit ne Narkoshtetin e pare dhe te vetem ne Europe”, shkruan Berisha./CNA.al
Politikë
Pas Korçës, Basha bie në një tjetër qytet/ Demokratët marrin selinë e radhës
Pas Korçës, demokratët kanë arritur të marrin ditën e sotme edhe selinë e degës së PD ë Kurbin.
Të pranishëm në këtë takim ishin edhe anëtarët e grupit të Rithemelimit Flamur Noka, Aldo Bumçi si dhe anëtare, kryetarë dhe anëtarë të grupseksioneve në Kurbin, të cilët kanë zhvilluar një mbledhje.
Kujtojmë këtu, se vetëm pak ditë më parë, Lulzim Basha zhvilloi një takim në Laç, ku për shkak të braktisjes nga demokratët e zonës, kishte importuar njerëz nga Tirana.
Deri tani, Komisioni i Rithemelimit ka arritur të marrë PD e Kurbinit dhe atë të Korçës./E.K-CNA.al
Bie Basha në Korçë/ Selinë e PD-së e merr Grupi i Rithemelimit
Bie Salianji/ Komisioni i Rithemelimit merr PD-në e Korçës
Komisioni i Rithemelimit zhvillon mbledhje në selinë e PD Korçë/ Kush janë të pranishëm
Basha shkarkon kryetaren e komanduar të PD në Korçë/ Zbulohet ku do vendoset selia e re
Politikë
Gati për 6 marsin/ Rama i beson Olta Xhaçkës Shkodrën
Ministrja për Evropën dhe Punët e Jashtme Olta Xhaçka është zgjedhur si e deleguara e socialistëve për të menaxhuar zgjedhjet vendore të 6 Marsit në Bashkinë e Shkodrës.
“E dimë që koha është e shkurtër dhe nuk na favorizon, por duhet të jemi në terren të gjithë për të dhënë maksimumin tonë. Të dalim derë me derë, kjo është fushata jonë, të prezantojmë vizionin tonë për drejtimin e bashkisë së Shkodrës. Duhet të shfrytëzojmë situatën që po kalon kundërshtari ynë politik dhe çdo gjë tjetër që është në favorin tonë për t’i fituar këto zgjedhje,”- mësohet të jetë shprehur Xhaçka në mbledhjen me dyer të mbyllura.
Majlinda Angoni është emri i propozuar nga socialistët shkodranë në garën për bashkinë Shkodër që aktualisht drejtohet nga Voltana Ademi./CNA.al
Politikë
Zgjedhjet e pjesshme lokale/ Rama ndez “motorët” e fushatës, nis takimet në qarqe
Në një kohë që Komisioni Qendror i Zgjedhjeve ka caktuar anëtarët e KZAZ-vë për 6 bashkitë ku do të mbahen zgjedhjet e pjesshme vendore, kryeministri Edi Rama ka zbritur në terren në takim me strukturat.
Mësohet se Rama do të mbajë takime në të gjitha qarqet të cilat përfshijnë 6 bashkitë që do zhvillojnë zgjedhje për kryetar në datë 6 mars.
Takimi i parë sot ishte në Fier dhe ka zgjatur rreth një orë, ndërsa në ditët në vijim do të jenë qarqet e tjera.
Në qarkun e Fierit, zgjedhjet do të zhvillohen në Bashkinë Lushnje, pas arrestimit për korrupsion të ish-kryetarit, Fatos Tushe./CNA.al
