Politikë
Rama paralajmëron “tërmet” në arsim/ Kryeministri iu “kërcet dhëmbët” drejtuesve
Në fjalën e mbajtur gjatë prezantimit të buxhetit 2022 për Arsimin, kryeministri Rama paralajmëroi “furtunë” në radhët e drejtuesve të shkollave.
Rama tha se duhet bërë një skanim i plotë dhe kush nuk e meriton të jetë në krye të shkollave, duhet të largohet.
“Kemi drejtues që nuk e meritojnë të drejtojnë shkollat dhe janë nën nivelin e mësueseve dhe të një kolektivi mësimor dhe që janë “out” dhe këtu është e qartë për ministren, për drejtorinë e përgjithshme që duhet ndërhyrë që drejtuesit me vlerë të mbështeten dhe motivohen dhe drejtuesve që u ka kaluar koha të largohen.
Nuk ka rëndësi çfarë bindjesh ke dhe nga je, apo cfarë statusi ke. Duhet bërë një skanim i plotë, objektiv i drejtë, i të gjitha kapaciteteve të drejtuesve të shkollave dhe kush nuk e meriton të hapë krahun për t’ja lënë vendin dikujt tjetër.
Në çdo shkollë ka mësuese që mund të drejtojnë ministrinë e Arsimit dhe jo më një shkollë. Duhen gjetur aty në cdo shkollë mësueset që duhet të zëvendësojnë këta burra që u ka mbaruar koha me kohë e me vakt”, theksoi Rama./CNA.al
Politikë
“Isha i ndrojtur, nuk më buzëqeshi”/ Rama rrëfen të pathënat e takimit të parë me Erdogan
Kryeministri Edi Rama gjatë fjalës së tij në ceremoninë e dorëzimit të çelësave të banesave të reja në Laç, ka rrëfyer edhe detajet e takimit të parë që ka zhvilluar me presidentin turk, Erdogan.
“Sot dua të tregoj një episode që skam për ta harruar nga takimi I parë fare me presidentin që në atë kohë ishte kryeministër i Turqisë.
Të them te drejtën isha i ndrojtur dhe e njihja nga Tv, ku nuk duket shumë I buzqëqeshur.
E takova dhe nuk më buzëqeshi. Unë akoma nuk isha bërë kryeministër dhe më thotë “Dëgjo këtu, Shqipëria dhe Kosova janë në zemrën time. Shqiptarët janë në zemrën e popullit turk. Unë dëshiroj që tit ë jesh vëllai im. Por unë do të them vëlla atëherë kur ti si kryeministër i vendit tënd të meritosh respektin e popullit të vendit tënd.”
Unë jam shumë krenar që mund ta quaj veten miku i presidentit Erdogan.”-tha Rama./CNA.al
Politikë
“Ndajmë bashkë gëzimet dhe hidhërimet”/ Ministri turk në Laç: T’i gëzoni banesat e reja
Ministri i Mjedisit dhe Planifikimit Urban i Turqisë, Murat Kurum gjatë vizitës së tij në Laç, në ceremoninë e dorëzimit të çelësave të shtëpive të 522 banesave qytetarëve ka vlerësuar marrëdhëniet e ngushta mes Turqisë dhe Shqipërisë.
Ministri turk tha se lidhjet rrënjësore që ekzistojnë mes dy vendeve kemi ndarë gëzimet dhe telashet e pikëllimet.
‘Shpreh ngushëllimet për familjet e pikëlluara që kanë humbur familjarë dhe uroj që zoti t’i shërojë ata. Sot jemi këtu për ceremoninë e inaugurimit që kemi ndërtuar këtu pas tërmetit të 26 nëntorit 2019. Vëllezër dhe motra të prekura nga tërmeti uroj të jetojnë të lumtur në strehat e tyre të reja dhe të ngrohta. Duke u nisur nga lidhjet rrënjësore që ekzistojnë mes nesh kemi ndarë gëzimet dhe telashet e pikëllimet. Me atë mobilizimi që ne vepruam në vendin tona gatë tërmetit, përmbytjeve dhe zjarreve, me të njëjtën ndjeshmëri vepruam edhe për Shqipërinë dhe qytetin e Laçit. Ne do të vijojmë të jemi pranë jush edhe në të ardhmen”, tha ministri.
Politikë
544 banesa të rindërtuara në Laç/ Kryebashkiakja, mirënjohje Turqisë
Presidenti i Turqisë, Recep Tayyip Erdogan po zhvillon një vizitë në Shqipëri, ku është pritur me një ceremoni zyrtare nga kryeministri Edi Rama.
Vizita ka nisur nga qyteti i Laçit, aty ku është finalizuar projekti i rindërtimit të lagjes se re me 524 apartamente, financim i qeverisë turke.
Në ceremoninë e dorëzimit të çelësave të shtëpive të 544 banesave qytetarëve në Laç, kryetarja e Bashkisë së Kurbinit, Majlinda Cara, falënderoi Presidentin Erdogan dhe popullin turk për ndihmën e jashtëzakonshme.
“Është nder të mirëpres Presidentin Erdogan në këtë kompleks të rindërtuar nga gërmadhat që la pas tërmeti i 26 nëntorit 2019. Nuk di nëse do të gjej dot fjalët për t’i thënë falënderimet e duhura popullit turk, Presidentit Erdogan dhe të gjithëve. Në emër të qytetarëve dhe banorëve të kësaj lagje të re ju falënderoj nga zemra për bujarinë dhe solidaritetin e treguar në ditët tona më të vështira. Ka pasur një bashkëpunim të shkëlqyer të kompanive shqiptare të angazhuara në ndërtimin e kësaj lagjeje kaq cilësore me kompaninë turke që dua t’i falënderoj për profesionalizmin e saj. Jam shumë i lumtur për të gjitha ato familje që iu riktheu shpresa dhe buzëqeshja dhe do të kenë mundësi të banojnë në këto shtëpi të pakrahasueshme me më parë”, tha Cara./CNA.al
