Shëndeti
Disa njerëz mund të jenë gjenetikisht imunë ndaj Covid-19
Nga Blerta Brati, mjeke mikrobiologe ne ISHP
👉Infeksionet SARS-CoV-2 tregojnë ndryshueshmëri të madhe ndërindividuale, duke filluar nga infeksionet asimptomatike deri te sëmundjet kërcënuese për jetën”, shkruan një konsorcium mjekësh të specializuar në sëmundjet infektive, imunologjinë dhe gjenetikën. Të ardhur nga e gjithë bota (Shtetet e Bashkuara, Brazili, Holanda, Greqia dhe Franca), ata janë të bindur se individët asimptomatikë kanë një specifikë për t’u shfrytëzuar: ata do të ishin gjenetikisht imunë ndaj Covid-19.
👋Këta shkencëtarë duan t’i gjejnë ato në mënyrë që të studiojnë gjenetikën e tyre për të zhvilluar trajtime.
👉Konsorciumi publikoi një artikull në revistën Nature Immunology, të titulluar “Një nismë globale për të zbërthyer bazën gjenetike njerëzore të rezistencës ndaj infeksionit SARS-CoV-2”. Sipas tyre, “ndryshueshmëria klinike e përgjigjes ndaj infeksionit” mund të shpjegohet nga faktorët gjenetikë njerëzorë. Për të mbështetur hipotezën e tyre, ekipi hulumtues bën një argument të pandalshëm: familjet kanë raportuar të infektuar të gjithë përveç një anëtari, duke sugjeruar “që disa individë shumë të ekspozuar mund të jenë rezistent ndaj infeksionit me këtë virus”.
👋🤲Ndërsa vaksinat Covid-19 mbërritën mjaft shpejt për të frenuar pandeminë, shkencëtarët që kryen këtë studim argumentojnë se njerëzit me imunitet gjenetikisht të mundshëm mbajnë çelësin e trajtimit më efektiv kundër virusit.
👉Imuniteteti natyror ështe studiuar dhe hulumtuar gjithmonë për të luftuar viruset si HIV në mënyrë që të gjenden kura.
Pavarësisht njohurive të pakta mbi “bazat gjenetike dhe imunologjike njerëzore të rezistencës së lindur ndaj SARS-CoV-2”, ekspertët besojnë se asimptomatikët janë prova e mjaftueshme për të udhëhequr kërkimin e trajtimit në këtë drejtim.
Shëndeti
Situata epidemilologjike/ MSH nxjerr shifrat, ja sa raste të reja me Covid u shënuan sot
Ditën e sotme ka pasur një ulje të lehtë të shifrave të infektimeve. Sipas të dhënave të Ministrisë së Shëndetësisë, në 24 oratë e fundit janë kryer 5367 testim, nga të cilat kanë rezultuar pozitiv 1658 qytetarë dhe 8 humbje jete.
Ju informojmë për situatën në 24 orët e fundit, si vijon: Janë kryer 5,367 testime, nga të cilat kanë rezultuar pozitivë me COVID19, 1,658 qytetarë, në këto bashki:
795 në Tiranë, 76 Vlorë, 66 në Durrës, 60 në Shkodër, 57 në Fier, 54 në Gjirokastër, 47 në Lushnje, 44 në Elbasan, 37 në Berat, 29 në Kamëz, 27 në Krujë, 25 në Kavajë, 24 në Kurbin, 20 në Vorë, 19 në Sarandë, 18 në Lezhë, Tepelenë, Pogradec, 14 në Dimal, 12 në Patos, Korçë, Kuçovë, Skrapar, 11 në Mirditë, Devoll, 10 në Has, Divjakë, 9 në Shijak, Peqin, 8 në Dibër, Gramsh, 7 në Pukë, Mat, Mallakastër, 6 në Vau i Dejës, Delvinë, Belsh, 5 në Rrogozhinë, Përmet, 4 në Malësi e Madhe, Kukës, Himarë, 3 në Fushë-Arrëz, Tropojë, Selenicë, Poliçan, 2 në Konispol, Maliq, Kolonjë, Librazhd, 1 në Bulqizë, Dropull, Memaliaj, Cërrik, Prrenjas.
Janë 24,081 pacientë aktivë me COVID19 në të gjithë vendin.
Aktualisht në spitalet COVID po marrin trajtim 157 pacientë, nga të cilët 12 janë në gjendje më të rënduar. Në 24 orët e fundit me gjithë përpjekjet e stafit mjekësor ka tetë humbje jete me SARS-COV2 pozitiv:
Një qytetar nga Ballshi 59 vjeç, katër qytetarë nga Tirana 62-84 vjeç, një qytetar nga Durrësi 75 vjeç, një qytetar nga Elbasani 76 vjeç, një qytetar nga Lushnja 80 vjeç.
Ministria e Shëndetësisë dhe Mbrojtjes Sociale u shpreh ngushëllimet familjarëve.
Janë shëruar 2005 qytetarë gjatë 24 orëve të fundit, duke e çuar numrin e të shëruarve në 220,684 që nga fillimi i epidemisë./E.K-CNA.al
Shëndeti
Kardiologu: Kalimi i Covid në gjendje të rëndë sjell probleme kardiake
Infektimi me Covid dhe kalimi i tij në gjendje të rëndë nuk sjell probleme vetëm në mushkri. Një organ i rëndësishëm që preket është edhe zemra.
Mjeku kardiolog Altin Veshti në një reagim për Klan Tv shprehet se pacientët që e kalojnë virusin në gjendje jo të lehtë kanë rrezik edhe për ndërhyrje në zemër.
“Ndikim i drejtpërdrejtë i koronavirusit tek ne janë ata pacientë, të cilët e kanë kaluar Covid-19 dhe kanë lënë sekuela pulmonare, pra të mushkrive. Këta pacientë duke patur një dëm në mushkri kanë një rrezik më të shtuar për të bërë një ndërhyrje kirurgjikale tek ne, sepse mushkëritë janë të lidhura drejtpërdrejtë me zemrën dhe kjo ka shtuar le të themi në numër më të madh të pacientëve që po trajtohen post Covid-19 dhe ditët e qëndrimit në reanimacion për pjesën e mushkërive”, tha Veshti.
Kardiologu shton më tej se në disa raste kalimi Covid-19 ka shfaqur edhe miokarditin tek pacientët.
“Kemi pasur raste shumë të radha që nuk i kemi trajtuar në kardikirurgji, por janë trajtuar në kardiologji, miokarditet po shumë të rralla. Ajo që ne na lidh drejtpërdrejtë me koronavirus, vetëm ata pacientë, të cilët e kanë kaluar në gjendje të rëndë dhe u ka lënë atë që quhet fibrozë pulmonare, këta janë më të rrezikuar se të gjithë pacientët që kanë kaluar Covid, por nuk i kanë lënë asgjë në jetë normale”, shton ai.
Sipas mjekut Altin Veshti, edhe pse në situatë pandemie, në kardiokirurgji janë kryer ndërhyrje dhe tek pacientë pozitiv me Covid.
“Sigurisht që ne kemi patur raste me koronavirus, kemi operuar raste duke e ditur që më përpara që kanë qenë pozitiv me koronavirus. Kemi operuar raste të tjera që kanë dal negativ në ditën e shtrimit, por mund të jenë infektuar në një moment të veçantë gjatë shtrimit, dhe këta kanë dalë shumë mirë”, deklaroi Veshti./E.K-CNA.al
Shëndeti
Mbeten të larta shifrat e të infektuarëve me Covid/ Ja sa persona kanë humbur jetën
Shifrat e infektimeve me variantin e ri të Covid vijojnë të jenë të larta. Në 24 orët e fundit, sipas Ministrisë së Shëndetësisë janë regjistuar 2230 qytetarë të infektuar nga 6598 testime, si dhe 5 humbje jete.
Ju informojmë për situatën në 24 orët e fundit, si vijon: Janë kryer 6,598 testime, nga të cilat kanë rezultuar pozitivë me COVID19, 2,230 qytetarë, në këto bashki:
1053 në Tiranë, 133 në Shkodër, 91 në Durrës, 74 në Fier, 66 në Vlorë, 52 në Sarandë, 49 në Elbasan, 47 në Gjirokastër, 44 Lushnje, Berat, 40 në Kamëz, 37 në Vorë, Korçë, 35 në Krujë, 28 në Lezhë, Tepelenë, 24 në Pogradec, 23 në Kuçovë, 22 në Gramsh, 21 në Skrapar, 19 në Patos, 18 në Kurbin, 17 në Peqin, 16 në Mallakastër, 15 në Divjakë, 13 në Dimal, 12 në Kavajë, Devoll, 11 në Vau Dejës, Mirditë, 10 në Dibër, Mat, 9 në Pukë, Kukës, Belsh, 8 në Malësi e Madhe, 7 në Përmet, 6 në Delvinë, Kolonjë, Cërrik, 5 në Fushë-Arrëz, Has, Këlcyrë, 4 në Tropojë, Shijak, Selenicë, Memaliaj, 3 në Rrogozhinë, Rroskovec, Konispol, Dropull, Poliçan, Librazhd, 2 në Klos, Himarë, Prrenjas, 1 në Finiq, Libohovë, Maliq.
Janë 24,436 pacientë aktivë me COVID19 në të gjithë vendin.
Aktualisht në spitalet COVID po marrin trajtim 146 pacientë, nga të cilët 14 janë në gjendje më të rënduar. Në 24 orët e fundit me gjithë përpjekjet e stafit mjekësor ka pesë humbje jete me SARS-COV2 pozitiv: Një qytetar nga Elbasani 60 vjeç, dy qytetarë nga Tirana 60 dhe 77 vjeç, një qytetar nga Rrësheni 77 vjeç, një qytetar nga Saranda 80 vjeç.
Ministria e Shëndetësisë dhe Mbrojtjes Sociale u shpreh ngushëllimet familjarëve.
Janë shëruar 1,894 qytetarë gjatë 24 orëve të fundit, duke e çuar numrin e të shëruarve në 218,679 që nga fillimi i epidemisë./E.K-CNA.al
