Kronika
Dhunoi fizikisht në sy të fëmijëve të mitur bashkëshorten/ Arrestohet 44-vjeçari në Korçë
Një 44 vjeçar me iniciale V.Dh është arrestuar nga policia e Korçës sepse ka ushtruar dhunë ndaj bashkëshortes së tij në sy të fëmijëve të mitur.
Mësohet se bashkëshortja e tij shtetësja T.Dh si pasojë e dhunës të ushtruar ka marrë dëmtime në pjesë të ndryshme të trupit dhe fytyrë. Çifti jetonin në fshatin Pocestë të Korçës.
Njoftimi i plotë.
“Specialistët për Hetimin e Krimeve në Komisariatin e Policisë Korçë, bënë arrestimin në flagrancë për veprën penale “Dhuna në familje” të shtetasit V. Dh., 44 vjeç, banues në fshatin Pocestë, Maliq, pasi në banesë, ky shtetas ka ushtruar dhunë fizike në prani të fëmijëve të mitur, ndaj bashkëshortes së tij shtetases T. Dh., 42 vjeçe, duke i shkaktuar dëmtime në pjesë të ndryshme të trupit dhe fytyrës”./CNA.al
Kronika
Zjarri në Korçë/ Policia del me njoftimin zyrtar
Mbrëmjen e sotme një banesë në qytetin e Korçës u përfshi nga flakët, ku si pasojë humbi jetën një 67 vjeçar.
Policia ka dalë me një njoftim zyrtar, ku shprehet se zjarri ka rënë rreth orës 20:45.
“Korçë/Informacion paraprak
Më datë 27.01.2022, rreth orës 20:45, në lagjen nr. 5, ka rënë zjarr në një banesë, ku jetonte përkohësisht shtetasi E.R., rreth 67 vjeç, i cili për pasojë dyshohet se nga asfiksia, ka gjetur vdekjen.
Në vendngjarje ndodhen shërbimet e policisë dhe të zjarrfikëses, të cilat po bëjnë të mundur shuarjen e zjarrit.
Grupi hetimor po punon për zbardhjen e rrethanave të ngjarjes”, njofton policia./E.K-CNA.al
Kronika
Zjarr në një banesë në Korçë/ Humb jetën një person, zbardhet identiteti
Një banesë në Korçë në afërsi të Shkollës së Muzikës është përfshirë nga flakët.
Sipasojë e flakëve raportohet se ka humbur jetën një person.
Viktimë ka mbetur shtetasi E. Ramollari, 67 vjeç, që dyshohet se ka vdekur nga asfiksia./CNA.al
Kronika
Ishte në gjendje të dehur/ Vetëplagoset me thikë një person në Elbasan
Një 63 vjeçar nga Elbasani, është paraqitur për ndihmë mjekësore në urgjencën e spitalit Elbasan pasditen e sotme.
Sipas informacionit të policisë, ky shtetas, dyshohet se në gjendje të dehur, ka dëmtuar veten me thikë.
“Më datë 27.01.2022, rreth orës 15:50, ka shkuar për ndihmë mjekësore në urgjencën e spitalit Elbasan, shtetasi R. Ç., 63 vjeç, banues në lagjen “11 Nëntori”, Elbasan, i cili dyshohet se në gjendje të dehur, ka dëmtuar veten, me mjet të mprehtë (thikë).
Grupi hetimor po punon për sqarimin e rrethanave të ngjarjes.”/CNA.al
