Connect with Us

Bashkëpunoi me Cosa Nostran/ Kush është Rezart Taçi, si e zbardhi SPAK, skemën e mashtrimit?

Kronika

Bashkëpunoi me Cosa Nostran/ Kush është Rezart Taçi, si e zbardhi SPAK, skemën e mashtrimit?

Publikuar

-

/
cna news, cna lajme, lajme cna, lajme flash cna, cna.al, cna lajme politike,

SPAK ka njoftuar sot se ka shpallur në kërkim manjatin e naftës, biznesmenin Rezart Taçi.

Ai akuzohet një skemë mashtrimi dhe pastrim parash në kuadër të një grupi të strukturuar kriminal.

Ndërkohë SPAK  ka arrestuar bashkëpunëtorët e tij Artur Balla dhe Bledar Lilo.

Hetimi i nisur nga SPAK dhe në bashkëpunim me Antimafian italiane kanë zbardhur të gjithë skemën e pastrimit të parave të grupit kriminale Cosa Nostrën në bashkëpunim me 4 shtetas italianë.

SPAK ka fakte se  skema e pastrimit të parave të krimit drejtohej nga shtetasit italian Francesco Zummo, 90 vjeç dhe I.Z., në bashkëpunim me shtetasin tjetër italian Fabio Petruzzella, të shtetasit zviceran me origjinë italiane D.C., të cilët në bashkëpunim me Rezart Taçin pastronin paratë përmes bizneseve të tij në Shqipëri në sektorin e naftës.

Në këtë skemë pastrami rezultojnë të përfshir ëArtur Balla dhe Bledar Lilo.

Bëhet fjalë për transaksione në shumën 18,399,941.50 Euro, që është sekuestruar nga SPAK.

Kush është Rezart Taçi?

Rezart Taçi ka qenë pronar i ARMO- si dhe pronar i një televizioni.

Në vitin 2013 tatimet i bllokuan rafinerinë e hidrokarubureve ARMO.

Në vitin 2016 Taçi u arrestua në Zvicër  me urdhër të Prokurorisë Publike të kantonit të Gjenevës në Zvicër, për akuzën e “mashtrimit”, “Falsifikimit të dokumenteve” dhe “Falsifikimi i vulave dhe i stampave ose i formularëve”.

Në vitin 2018,  Taçi u shpall i pafajshëm nga Gjykata e Apelit.

Pasi  akuzohej nga Drejtoria e Tatimeve për mospagim taksash dhe pastrim parash.

Akuzat u ngritën në vitin 2013 dhe më pas ai u arrestua në Zvicër për akuza të tjera si ajo e ‘mashtrimit’ , ‘falsifikimit të dokumenteve’ dhe ‘falsifikim i vulave dhe stampave ose formularëve’.

Hetimi kishte nisur pas kallëzimit të dy kompanive, një e regjistruar në Panama dhe një tjetër në Hollandë.

Ndërsa tashmë është shpallur në kërkim nga SPAK.

Njoftimi i plote i SPAK

Prokuroria e Posaçme kundër Korrupsionit dhe Krimit të Organizuar Tiranë, mbi bazën e informacioneve dhe verifikimeve kryesisht, ka regjistruar procedimin penal nr.211 viti 2021, për veprat penale “Pastrimi i produkteve të veprës penale ose veprimtarisë kriminale”, “Grupi i strukturuar kriminal”, “Kryerja e veprave nga grupi i strukturuar kriminal”, të parashikuara nga neni 287, paragrafi (1), shkronjat (a), (b) dhe (dh), nenet 28/4, 333/a/2, 334/1 të Kodit Penal.

Nga veprimet hetimore të kryera për këtë procedim penal, në bashkëpunim me policinë gjyqësore të Drejtorisë së Policisë së Shtetit, në bashkëpunim dhe në koordinim me Drejtorinë Distrektuale Antimafia në Prokurorinë e Republikës në Gjykatën e Palermos, Itali, janë siguruar dhe janë mbledhur prova konkrete, nga të cilat janë krijuar dyshime të arsyeshme për organizimin dhe funksionimin e një operacioni kompleks financiar ndërkombëtar të kundërligjshëm, të shtrirë në disa shtete të ndryshme, që ka pasur si qëllim “pastrimin” e një shume monetare të konsiderueshme që përbën produkt të veprimtarisë kriminale.

LEXO EDHE:  “Reforma në Drejtësi ka dështuar”/ Lubonja: Rama ka frikë

Janë mbledhur prova se kjo skemë financiare është drejtuar nga shtetasit italian F.Z. dhe I.Z., në bashkëpunim me shtetasin italian F.P., të shtetasit zviceran me origjinë italiane D.C., si dhe të shtetasit shqiptar R.T., i përfshirë në biznese në sektorin e naftës. Ky i fundit në funksion të kryerjes së kësaj veprimtarie ka angazhuar në këtë veprimtari personat e vet të besuar, rezidentë në Shqipëri, respektivisht shtetasin A.B. dhe shtetasin B. L.

Pjesë e kësaj skeme financiare, me ndihmën e shtetasve shqiptarë të përfshirë, ka qenë edhe kryerja e disa veprimeve dhe transaksioneve bankare në një bankë të nivelit të dytë në Shqipëri, veprime të cilat janë realizuar vetëm pjesërisht dhe nuk është arritur që të realizohen plotësisht, për shkak të veprimeve hetimore të kryera nga ana e Prokurorisë së Posaçme kundër Korrupsionit dhe Krimit të Organizuar.

Gjatë hetimeve janë mbledhur prova se ndihma në këtë rast për transferimin dhe fshehjen e shumës monetare është bërë kundrejt premtimit për marrjen e përqindjes së caktuar të përfitimit monetar, në raport me shumën monetare që është transferuar në Shqipëri dhe që do të vijonte të transferohej në vende të tjera.

Në kuadër të hetimeve paraprake të këtij procedimi penal, me kërkesë të Prokurorisë së Posaçme kundër Korrupsionit dhe Krimit të Organizuar Tiranë, me vendimin nr.93, datë 07.11.2021 të Gjykatës së Posaçme të Shkallës së Parë për Korrupsionin dhe Krimin e Organizuar Tiranë, është vendosur:

–          Caktimin ndaj personave nën hetim R.T., A.B. dhe B.L., të masës se sigurimit personal “arrest në burg”, të parashikuar nga neni 238 i Kodit Procedurës Penale, si të dyshuar për veprat penale “Pastrimi i produkteve të veprës penale ose veprimtarisë kriminale”, “Grupi i strukturuar kriminal”, “Kryerja e veprave nga grupi i strukturuar kriminal”, të parashikuara nga neni 287, paragrafi (1), shkronjat (a), (b) e (dh), si dhe nenet 28/4, 333/a/2 dhe 334/1 të Kodit Penal.

Gjatë hetimeve paraprake të kryera lidhur me këtë procedim penal është vendosur masa e sekuestrimit për shumën monetare prej 18,399,941.50 (tetëmbëdhjetë milion, e treqind e nëntëdhjetë e nëntë mijë, e nëntëqind e dyzet e një, pikë pesëdhjetë) Euro.

Shërbimet e policisë gjyqësore të Drejtorisë së Policisë së Shtetit kanë ekzekutuar në datën 12.11.2021 masën e sigurimit personal të vendosur ndaj shtetaseve A.B dhe B.L.

Hetimet paraprake për këtë procedim penal janë në vazhdim e sipër dhe ende nuk kanë përfunduar./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kronika

Makina përplas për vdekje këmbësorin/ Policia në kërkim të autorit

Publikuar

-

Nga

Një aksident i rëndë ka ndodhur mbrëmjen e sotme.

Një makinë e paidentifikuar ka përplasur për vdekje një shtetas rreth moshës 60-65 vjeç.

Policia bën me dije se po punojnë për identifikimin dhe kapjen e autorit.



Elbasan/Informacion paraprak

Më datë 11.01.2022, në aksin rrugor, Elbasan – Cërrik, një mjet ende i paidentifikuar, ka përplasur një shtetas të moshës rreth 60-65 vjeç, i cili ka humbur jetën.

Grupi hetimor po punon për zbardhjen e plotë të rrethanave të aksidentit, identifikimin dhe kapjen e drejtuesit të mjetit si dhe identifikimin e shtetasit që humbi jetën”, thuhet në njoftimin e policisë./CNA.al

LEXO TE PLOTE

Kronika

Makina merr flakë në lëvizje/ Dyshimet e para

Publikuar

-

Nga

Një makinë ka marrë zjarr në lëvizje në rrugën e Arbrit.

Sipas policisë, mjeti i cili drejtohej nga shtetasi me iniciale E.G, ka pësuar një defekt teknik e si pasojë ka marrë zjarr.

Tiranë/Informacion paraprak



Me datë 11.01.2022, në rrugën e “Arbrit”, ka marrë flakë në lëvizje e sipër dhe është djegur pjesërisht, mjeti me drejtues shtetasin E. G.

Paraprakisht dyshohet se zjarri ka rënë si pasojë e një defekti në mjet.

Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit”, thuhet në njoftimin e policisë./CNA.al

LEXO TE PLOTE

Kronika

Policia rrugore bën namin në Durrës/ “Mbyt” në gjoba drejtuesit e automjeteve

Publikuar

-

Nga

Policia Rrugore e Durrësit, ka shtuar masat për parandalimin e aksidenteve rrugore, evidentimin dhe ndëshkimin e drejtuesve të mjeteve që shkelin rregullat e qarkullimit rrugor.

Gjatë javës së shkuar, janë arrestuar 13 drejtues mjetesh, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.

Gjithashtu, janë pezulluar 34 leje drejtimi, nga të cilat, 23 janë për drejtim mjeti nën ndikimin e alkoolit dhe 11 për drejtim mjeti mbi shpejtësinë e lejuar si dhe janë vendosur 1439 masa administrative.

Masat e vendosura

LEXO EDHE:  “Fytyra e turpit”/ Deputetja nxjerr dokumentin që tregon kush është Lulzim Basha

LEXO EDHE:  Arrestimi i gjyqtares sukses i SPAK, apo SPAK veproi për të shpëtuar të tjerët?

12 masa për drejtim mjeti nën efektin e pijeve alkoolike;

22 masa për tejkalim shpejtësie;

69 masa për mosvendosjen e rripit të sigurimit;



7 masa për mosvendosjen e kaskës mbrojtëse;

24 masa për përdorimin e aparatit celular;

266 masa për parakalime të gabuara;

256 masa për shpejtësi mbi normën e lejuar;

400 masa për ndalim/pushim të mjetit në kundërshtim me sinjalizimin rrugor dhe rregullat e qarkullimit;

9 masa për mungesë të siguracionit të mjetit;

-374 masa për shkelje të rregullave të tjera të Kodit Rrugor.

LEXO TE PLOTE