Sekretari i shkarkuar i Partisë Demokratike, Gazment Bardhi, ishte i ftuar pasditen e sotme në emisionin “Kjo Javë”, ku deklaroi se do të ndërmarrin masat për të parandaluar protestën e ardhëshme të demokratëve.

“Të gjitha masat ligjore dhe organizative për të shmangur dëmtimin apo sulmin e pa precedentë që ndodhi në 8 janar. Do të marrim të gjitha masat. Padiskutim do të thërrasim edhe policinë. Kush kryen krim, të gjithë duhet të ndëshkohen”, u shpreh Bardhi.

Sakaq, lidhur me ndërtimin e kullave në selinë e PD, ai tha se ka kërkuar informacion në Bashkinë e Tiranës lidhur me këtë projekt, por deri më tani, nuk ka marrë asnjë përgjigje.

“Ditën e djeshme kam paraqitur një kërkesë se si projekt ekziston në Bashkinë e Tiranës. Dje kam përgatitur një kërkesë për të marrë informacion se për çfarë projekti bëhet fjalë. Dua të sqaroj shqiptarët, se sipas planit ndërtimor, zona është zonë institucionale e nuk lejohet ndërtimi i kullave. Për t’i paraprirë kësaj afere që në dukje duket aferë e pastër korruptive, kam kërkuar informacion zyrtar dhe do e ndjek këtë në rrugë institucionale. E vërteta është që nuk ka asnjë projekt për të cilën PD të ketë në dijeni në selinë e saj qendrore. Ne kemi një kontratë me shtetin shqiptar e ne asaj do i qëndrojmë deri në fund, ajo është e do të vijojë të jetë selia e PD”, tha Bardhi.

Në mbledhjen e Këshillit Kombëtar të mbajtur pak orë më parë, Lulzim Basha vendosi që Agron Gjekmarkajn ta emëronte nënkryetar Kuvendi, pas largimit të Enkelejd Alibeajt nga ky post, i cili zëvendësoi Alfred Rushajn në drejtimin e grupit parlamentar.

Por me të drejtë, çdo kush mund të pyes pse Gjekmarkajn dhe jo një emër tjetër si nënkryetar Kuvendi?

Gjekmarkaj, i cili pasi Luli i besoi karrigen e deputetit, nuk la studio pa dalë dhe marrë në mbrojtje kryetarin e shkarkuar të PD. Por prej disa javësh, ai nuk është shfaqur në asnjë studio, ndonëse situata politike në kampin blu ka qenë e nxehtë.

CNA.al ka mësuar nga burimet e saj se Gjekmarkaj kishte ngelur i pakënaqur nga mbledhja e Këshillit Kombëtar ku u emërua si sekretariat, pasi kërkonte post të rëndësishëm në parti dhe më shumë para. Tashmë Gjekmarkaj do jetë nënkryetar Kuvendi do ketë edhe shofer edhe shoqërues

Dhe mesa duket shpërblimi i tij që të dalë nëpër media dhe të flasë pro Lulzim Bashës është mbajtja e karrigen së nën kryetarit të Kuvendit./CNA.al

Partia Demokratike, së bashku me aleatët e saj tradicional arritit të siguronte vetëm 59 mandate parlamentare në zgjedhjet e përgjithshme të 25 prillit.

Ky rezultat, i regjistroi disfatën e radhës Lulzim Bashës, ndërsa do të vijojë qëndrimin në opozitë deri në vitin 2025.

Por Basha nuk u braktis vetëm nga mijëra qytetarë, por së fundmi nga demokratët dhe deputetët e tij.

Pas vendimit në shtator për pezullimin e ish kryeministrit Sali Berisha nga grupi parlamentar, ky i fundit nisi lëvizjen e tij të quajtur “Foltorja”, që u mbështet nga mijëra demokratë në të gjithë vendin si dhe nga deputetët që e shoqëronin atë në çdo takim.

Fillimisht ishte Mark Marku “tradhtari” i parë që dha dorëheqjen nga mandati i tij, duke akuzuar Bashën për rezultatin zhgënjyes në zgjedhjet e përgjithshme.

Më pas, lëvizja e Berishës solli edhe largimin nga Basha të një sërë deputetëve të tjerë, të cilët prej muajsh vijojnë të kërkojnë largimin e tij nga drejtimi i PD dhe e akuzojnë si bashkëpunëtor me Edi Ramën.

Belind Këlliçi, Albana Vokshi, Luan Baçi, Edi Paloka, Flamur Noka , Edmond Spaho, Tritan Shehu apo edhe Sorina Koti dhe Luçiano Boçin.

Por kësaj liste iu bashkua sot edhe Alfred Rushaj, i cili dha dorëheqjen edhe si nënkryetar i PD.

Më poshtë po sjellim listën e deputetëve që braktisën Lulzim Bashën:

Belind Këlliçi

Albana Vokshi

Luan Baçi

Luçiano Boçi

Edi Paloka

Edmond Spaho

Flamur Noka

Oerd Bylykbashi

Sorina Koti

Tritan Shehu

Agron Shehaj./CNA.al