Sociale
Kequshqyerja tek fëmijët/ Blerina Bombaj këshillon prindërit
Nutricionistja Blerina Bombaj theksoi se mënyra më e mirë për të luftuar kequshqyerjen të fëmijët, është që ata duhet të marrin ushqim me vete nga shtëpia.
E ftuar në emisionin Debat, nga Alba Alishani, ajo shtoi se shumë fëmijë në ditët e sotme kanë turp të marrin ushqim me vete, ndaj dhe tek ata shfaqen komplikacione shëndetësore apo obezitet.
“Moshat më të vogla janë edhe më të përpunueshme dhe janë edhe grupmoshat ku duhet të punohet shumë pasi në atë fazë instalohen zakonet për të ardhmen.
Pastaj vjen mosha e rebelimit dhe fëmijët shprehin karakterin e tyre. Sot fëmijët kanë turp të marrin ushqim me vete. Por duhet ta nxisim këtë, do të ishte revolucion nëse do të ndodhte.
Sot shumë fëmijë janë të turpëruar të marrin ushqim me vete dhe këtë e has shumë te fëmijët që trajtoj në klinikën time, për probleme të obezitetit. Është një nga mënyrat më të mira, kryesore të kontrollit të ushqimit”, tha Bombaj/CNA.al
Sociale
“Tërhiqet” acari polar/ “Zbutet” moti, rriten lehtë temperaturat
Vijon tërheqja e masave ajrore me origjinë nga Poli i Veriut duke larguar gradualisht temperaturat shumë të ulëta nga vendi ynë.
Përsa i përket motit në pjesën e parë të ditës mbetemi në dominimin e kthjellimeve dhe kalimeve të pakta të vranësirave në zonat malore.
Por në pjesën e dytë të ditë vranësirat kalimtare do të përfshijnë gjithë vendin tonë.
Temperaturat e ajrit do të vijojnë të rriten në mëngjes dhe mesditë duke luhatur vlerat ditore nga -10°C deri në 12°C.
Era do të fryjë e fortë me shpejtësi 35 km/h nga drejtimi verior – veriperëndimor duke krijuar në brigjet detare dallgëzim 2 – 3 ballë.
Sociale
Temperaturat rriten me 3 gradë/ Largohet i ftohti polar
Masa ajrore me origjinë nga Poli i Veriut do të filloj të largohet gradualisht duke bërë që temperaturat e ajrit të pësojnë rritje në të dy ekstremet ditore.
Moti i qëndrueshme në Shqipëri do të sjelli dominim të kthjellimeve dhe kalime të pakta të vranësirave, ku më të theksuara do të jenë në pjesën e dytë të ditës, por nuk do të krijojnë mundësi për reshje.
Sipas MeteoAlb, temperaturat e ajrit do të rriten në mëngjes dhe në mesditë me të paktën 3 gradë duke u luhatur nga -12°C deri në 10°C.
Era do fryjë mesatare në tokë por e fortë në det me shpejtësi 50 km/h nga drejtimi Verilindor duke krijuar ne det dallgëzim 3 ballë./CNA.al
Sociale
Temperatura deri në minus 20 gradë/ ARRSh, apel drejtuesve të automjeteve
Gjatë natës ka pasur temperatura nën 0°C në të gjithë vendin, ndërsa në zonat malore temperaturat kanë arritur deri në -20°C pa krijuar probleme me qarkullimin e mjeteve.
Autoriteti Rrugor Shqiptar njofton se kontraktorët me mjetet borëpastruese kanë qenë në terren ku kanë bërë shpërndarjen e kripës në të gjitha akset nacionale për të evituar ngricat .
Në akset Qafë-Thore Theth dhe Kukës-Shishtavec qarkullimi bëhet me zinxhirë, po punohet për pastrimin nga dëbora.
“Drejtuesit e mjeteve, duhet të bëjnë kujdes në lëvizje, të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore”, thuhet në njoftimin e ARRSH-së./CNA.al
