Aktualitet
Studimi/ Shqipëria mund të anëtarësohet në BE pas 48 vjetësh
Shqipërisë do t’i duhen të paktën dhe 48 vite për t’u bërë anëtare e Bashkimit Evropian. Këtë thotë një studim i Institutit Epik në Kosovë që ka marrë në shqyrtim progresin që kanë bërë vendet e Ballkanit Perëndimore drejt BE-së.
Sipas studimit të bazuar në raportin e fundit të Komisionit Evropian, instituti vëren se vendet e Ballkanit ndahen në 3 grupe sa i përket përgatitjes për anëtarësim në BE.
Në grupin e parë janë Mali i Zi, Serbia dhe Maqedonia e Veriut. Këto vende konsiderohen “lider” të procesit të zgjerimit. Në grupin e dytë janë Kosova dhe Bosnja të cilat janë në fund të procesit të zgjerimit. Ndërsa, në mesin e këtyre dy grupeve qëndron Shqipëria.
“Nëse analizojmë progresin e vendeve të Ballkanit në zbatimin e reformave në kuadër të tre viteve të fundit, ajo çfarë shfaqet e qartë është një trend tejet i ngadaltë i reformave. Me këtë ritëm të reformave vendeve të Ballkanit do iu duhen nga 38 deri 68 vite për tu bërë gati për anëtarësim në BE”, thuhet në publikimin e fundit të Institutit Epik.
Sipas studimit, vendet e Ballkanit Perëndimor janë më pak të përgatitura për anëtarësim në BE sa i takon kapitujve për financat dhe buxhetin, mjedisin si dhe mbrojtjen e shëndetit dhe konsumatorin./Euronews
Politikë
Balla bën zëdhënësin e Bashës në Kuvend/ Spaho: Jeni si mishi me thoin
Deputeti demokrat, Edmond Spaho ka reaguar pas fjalës së mbajtur nga kreu I grupit parlamentar të PS, Taulant Balla, sot në Kuvend.
Spaho tha se Balla, foli në emër të Lulzim Bashës dhe mbrojti këtë të fundit, duke treguar hapur se janë bashkë.
“Bëni mirë që flisni në emër të Lulit në këtë sallë.
Ai ka nevojë për mbështetje.
Pavarësisht ndonjë finte që bëre ne fund, fjalimi isnhte totalisht në mbështetje të tij.
Ta shohin njerëzit si jeni lidhur si mishi me thoin me njëri-tjetrin”-tha Spaho./CNA.al
Politikë
Berisha, solidaritet me Ukrainën/ Kuvendi nuk mund të heshtë, duhet ndihmuar
Ish-kryeministri Sali Berisha nga foltorja e Kuvendit shprehu solidaritetin e tij për Ukrainën, që rrezikohet nga një pushtim i mundshëm rus.
Berisha tha ndër të tjera se Kuvendi nuk mund të heshtë për këtë çështje.
Berisha theksoi se Shqipëria duhet të dërgojë fishekë dhe municione në Ukrainë, ndërsa hodhi akuza të rënda ndaj Edi Ramës dhe Lulzim Bashës, që siç thotë ai heshtin dhe kjo i shërben Serbisë.
“A po kërcënohet për puthim një vend sovran? Çfarë është kjo marko-qeveri dhe ky narko-parlament që nuk thotë një fjalë të vetme. A rrihet në këtë parlament apo jo më thoni mua? Jo nuk rrihet. Natyrisht, por jam këtu për t’i shprehur solidaritetin tim të plotë në emër të PD, kombit ukrainas, jam këtu për të ngritur zërin, për të ndihmuar Ukrainën që kërcënohet nga një barbari e Kremlinit.
Shqipëria duhet të bëjë gjithçka për të ndihmuar këtë vend. Të paktën fishekë dhe municione mund tu dërgohen atyre, por argati i Beogradit jo më kot hesht dhe pengu i tij, natyrisht i paqenë, por ju zotërinj deputetë duhet të ngrini zërin se përfaqësoni PD jo Lul bravën.
Nuk mundet këtu të dominojë Beogradi. E kam ngritur dhjetëra herë ‘Ballkani i hapur’ është hegjemoni serbe dhe influencë ruse. Le të vijnë ata të dy njëherë këtu të japin llogari për këtë. Edhe kur mungojnë, mungojnë së bashku”, tha Berisha. /CNA.al
Politikë
“Rama-Basha të zhytur në aferë”/ Berisha zbulon ku janë fshehur Zoto dhe Gugallja
Ish kryeministri Sali Berisha, ka hedhur akuza të forta ndaj Lulzim Bashës dhe kryeministrit Edi Rama.
Berisha ka deklaruar se Rama dhe Basha janë të zhytur në aferën e inceneratorëve.
Ndër të tjera Berisha shprehet se Klodian Zoto dhe Stela Gugallaja janë mbajtur fshehur në Lushnje.
“E dëgjuat maskaradën me komisionin hetimor për një nga vjedhjet më të mëdha? Pas 3 muajsh, zero hetim, sepse janë të zhytur. Është i zhytur si Edvin Droga, edhe Lulzim Brava.
Në këtë krah janë bërë 289 denoncime. Të gjitha mbeten në heshtje sepse Lulzim Brava, i implikuar në këtë aferë, lejoi që të publikohen njëherë apo dy here. Nuk ka aferë më flagrante se kjo.
A e dini që e kanë mbajtur në Lushnje të fshehur kaçak Zoton deri para dy ditësh bashkë me Gugallën dhe i kërcënonte? Kjo aferë duhet të hetohet.
Brava është me dy kahë. Çfarë janë udhëtimet e tij me Zoton? Pse nuk lejonte denoncimet nga aktivistët e PD-së? Të gjitha në ujdi me kreun e Meduzës.
Komisioni ishte një tallje, një përqeshje për shqiptarët. Tre muaj, asnjë hetim. Në hetim do dilte se Teri është vetëm hajduti i dobishëm,” tha Berisha./ CNA.al
