Connect with Us

Plas COVID-19 te Gjermania, Birhof: Situatë kaotike, duhet vaksinim masiv

BundesLiga

Plas COVID-19 te Gjermania, Birhof: Situatë kaotike, duhet vaksinim masiv

Publikuar

-

/

Menaxheri i kombëtares gjermane, Oliver Birhof, foli për situatën e krijuar në DFB pas rastit të Niklas Zyles i cili rezultoi pozitiv me COVID vetëm dy ditë para ndeshjes ndaj Lihtenshteinit.

Si është situata?

Është ende e paqartë pasi jemi duke pritur për teste të tjera. Niklas është në karantinë dhe po ndiqet nga mjekët e skuadrës të cilët na kanë garantuar se gjendja e tij është e mirë dhe nuk kemi të bëjmë me simptoma të rënda. Sot (dje) kryem edhe testet e tjera të lojtarëve që po udhëtonin në një avion me lojtarin dhe të gjithë kanë rezultuar negativë. Gjithsesi, për të qenë të sigurt, lojtarët janë urdhëruar të udhëtojnë drejt shtëpive të tyre.

Si është gjendja e skuadrës?

Situata të tilla nuk janë të lehta për t’u përballuar nga lojtarët. Por, nuk pashë ndonjë individ i cili ishte në gjendje të rëndë psikologjike. E kuptoj që të gjithë duam të jemi të shëndetshëm dhe të vazhdojmë punën që kemi nisur. Atmosfera në skuadër është e mirë dhe të gjithë duan të luajnë në ndeshjen e radhës.

Do të hyjë në fuqi rregulli 2G?

Ka pasur diskutime për këtë gjë. Kemi vendosur që edhe pse i pavaksinuar, mund të jesh pjesë e kombëtares dhe mund të luash nëse nuk ke COVID. Megjithatë, kjo duhet parë me kujdes dhe tani të bëjmë hapin tjetër, për të vendosur që vaksinimi të bëhet me detyrim. Në festën e lamtumirës së Lëvit, të gjithë të pranishmit do të kryejnë testet.

Kush do ta zëvendësojë Zylen?

Kemi thirrur Xhonatan Tah, i cili ishte edhe në listën e parë. Kemi shumë lojtarë në dispozicion që duan të jenë në fushë dhe të tregojnë aftësitë e tyre. Sa i shqetësuar është trajneri Flik? Hansi është munduar të ruajë qetësinë dhe të qetësojë lojtarët. Jemi në një situatë kur gjëra të tilla janë normale. Pandemia është ende prezente pasi virusi është ende midis nesh, ndaj duhet të vazhdojmë të tregojmë kujdes dhe të mbrojmë njëritjetrin. Flik i ka komunikuar skuadrës se kush nuk është në gjendje për të luajtur, mund të largohet. Por, ka marrë një përgjigje negative, pasi lojtarët edhe pse të shqetësuar për situatën, duan të jenë pjesë e ekipit në dy ndeshjet e mbetura të kualifikueseve.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

BundesLiga

Spektakël në “Signal Iduna Park”, Bayerni fiton mes polemikash ndaj Dortmundit

Publikuar

-

Nga

Bayerni i Mynihut triumfoi 2-3 ndaj Borussias së Dortmundit në “Signal Iduna Park”, ku u zhvillua një përballje me ritëm të jashtëzakonshëm, por edhe e tensionuar, që në fund pa të festonin kampionët në fuqi të Bundesligës. Një penallti e pretenduar nga verdhezinjtë, kur rezultati ishte 2-2, dhe më pas 11-metërshi i akorduar për bavarezët bëri të shpërthente trajneri Marco Rose, që mori dy kartonë të verdhë duke u detyruar të largohej para kohe nga pankina.

Julian Brandt e zhbllokoi takimin që në minutën e 5-të, pas pasimit që mori nga Bellingham, por në të 9-tën ktheu shumë shpejt baraspeshën Lewandowski. Në fund të pjesës së parë Coman shënoi të dytin për Bayernin, që shkoi në avantazh të një goli (1-2) në pushimin mes pjesëve.



Dortmundi nuk mund të pajtohej me këtë rezultat dhe sapo nisi fraksioni i dytë Erling Haaland e dërgoi topin atje ku nuk mund ta arrinte Manuel Neuer, 2-2.

Në të 53-tën Reus u rrëzua në zonë pas kombinimit me Haaland, por kryesori nuk akordoi 11-metërsh, duke irrituar verdhezinjtë. Në të 76-tën Mats Hummels preku topin me dorë në zonë dhe kryesori pasi u konsultua me sistemin VAR bëri shenjë nga pika e bardhë e penalltisë. Lewnadowski u tregua i saktë përballë portierit vendës, duke shënuar golin e dytë personal dhe të tretin për Bayernin, që mori fitoren e 11-të sezonale, me diferencën mes dy ekipeve që shkon në katër pikë (34/30).

LEXO TE PLOTE

BundesLiga

Reali po pret prapa derës, Bayerni gati të blindojë Levandovskin

Publikuar

-

Nga

Robert Levandovski është nën kontratë me Bajernin deri në qershor të 2023-shit. Polaku ende nuk ka rinovuar me kampionët e Gjermanisë dhe sipas mediave spanjolle kjo ka një arsye. Sipas “AS”, prioriteti i bomberit është Reali i Madridit. Lojtari mësohet t’i ketë kërkuar agjentit të tij, Pini Zahavi, për ta dërguar në sezonin e ardhshëm te “galaktikët”.

Kjo, pasi Leva beson se madrilenët kanë më shumë influencë mediatike dhe se nëse do të kishte qenë një lojtar i Realit, “Topi i Artë” do të ishte në koleksionin e tij më herët. Gjithsesi, “AS” gjithashtu shkruan se prioriteti i Realit në merkato për sezonin e ardhshëm mbeten sulmuesi i Dortmundit, Erling Haland dhe Kilië Mbape që luan për Parisin në Francë.

Duke parë dhe moshën e madhe të polakut, madrilenët preferojnë një destiancion tjetër edhe pse nuk kanë mohuar kurrë faktin që e kanë pasur ëndërr kalimin e Levandovskit në Madrid. Këtë e zbuloi edhe vetë sulmuesi i Bajernit në një intervistë pak muaj më parë ku tha se ishte takuar me presidentin Florentino Perez



Menjëherë pas lajmit të ardhur nga Spanja, mediat gjermane shkruan dje se Bajerni është vënë në lëvizje dhe kërkon të blindojë sulmuesin polak. Drejtuesit do të ulen për të biseduar me Levandovskin në qershor të 2022-shit dhe janë gati t’i propozojnë atij një kontratë të re. Sipas “Bild”, ajo do të jetë kontrata e fundit madhore për 33-vjeçarin, e cila do të thoshte se polaku mund të dalë në pension pikërisht në Mynih.

Bajerni e vlerëson shumë sulmuesin i cili tani më shumë se kurrë ka nevojë për t’u ndjerë i rëndësishëm. Mosfitimi i “Topit të Artë” ka lënë një shije të keqe te lojtari. Largimi i Levës do të sillte një irritim të tifozëve bavarezë që pasi humbën David Alabën, nuk do të ishin të kënaqur me largimin e një tjetër ikone të klubit.

LEXO TE PLOTE

BundesLiga

Pandemia fut në hall Gjermaninë, masa të reja edhe për stadiumet

Publikuar

-

Nga

Gjermania po kalon një moment të vështirë prej pandemisë së COVID-19 dhe ditën e sotme janë caktuar masat e reja për ta luftuar.

Masat prekin edhe klubet e futbollit, pasi u lejohet të përdorin vetëm 50 % e kapacitetit të stadiumeve.

Për momentin lejohen maksimalisht 15 mijë tifozë, çka i prek klubet me stadiume me kapacitet me mbi 30 mijë ulëse.



Momentalisht do të zbatohet rregulli “2G”, që lejon në stadiume vetëm ata që janë vaksinuar dhe ata që janë shëruar plotësisht nga Covid-19.

Gjithashtu mund të aplikohet edhe “2G Plus” dhe tifozët do të duhet të tregojnë edhe testin negativ. Në stadiume tifozët do të jenë të detyruar të mbajnë sërish maska.

Këto masa priteshin në Gjermani dhe Borussia Dortmund i kishte anuluar biletat e shitura për ndeshjen kundër Bayern Munich, edhe pse shpresonin që të lejoheshin 26 mijë tifozë. Në stadiume të ndryshme do të luhet edhe pa tifozë, për shkak të vendimeve të qeverive federale.

LEXO TE PLOTE