Aktualitet
Nga arratia Llalla tenton të sfidojë drejtësinë/ Gjykata e Posaçme i tregon vendin
Gjykata e Apelit rrëzon kërkesën e ish-kryeprokurorit Adriatik Llalla, i cili kishte kërkuar pezullimin e vendimit për dënimin e tij.
Kujtojmë se GJKKO vendosi dënimin me 2 vite burg për ish-Prokurorin e Përgjithshëm, Adriatik Llalla, nën akuzat e fshehjes së pasurisë, shpërdorimit të detyrës dhe pastrimit të parave.
Ish-Kryeprokurori është dënuar gjithashtu me 5 vite përjashtim nga postet publike si dhe i janë konfiskuar disa pasuri.
Ndërkohë nga 8 tetori, Llalla u shpall nga SPAK zyrtarisht në kërkim ndërkombëtar, pasi Policia e Tiranës nuk e gjeti atë brenda vendit, për ekzekutimin e vendimit të Gjykatës.
Më 22 shator ditën kur u dha dënimi, policia shkoi në shtëpinë Adriatik Llallës për ta arrestuar, por ai nuk ndodhej aty dhe se familjarët thanë se “nuk e dinin se ku ndodhej”. Llalla është larguar nga Shqipëria më 7 shtator nga Rinasi drejt Romës. Ndërkohë që vendndodhja e tij nuk bëhet ende e ditur./CNA.al
Bota
Nga Myqerem Tafaj/ Friedrich Merz një lider i fortë në opozitë dhe një kancelar i fortë i ardhshëm i Gjermanisë
Politikë
Basha shkarkon kryetaren e komanduar të PD në Korçë/ Zbulohet ku do vendoset selia e re
Kryetari i shkarkuar i Partisë Demokratike, Lulzim Basha vijon me “çmenduritë” e tij politike.
Pasi u zbulua skandali, se prej muajsh nuk ishte paguar qeraja e godinës ku ndodhet selia e degës së PD në Korçë, CNA.al ka mësuar nga burime zyrtare se Lulzim Basha ka shkarkuar kryetaren e komanduar të kësaj dege, Ledina Aliolli.
Për të shmangur nga përgjegjësia, të besuarin e tij Ervin Salianji, të cilin e ka emëruar edhe si drejtues politik të këtij qarku, Basha ka vendosur të shkarkojë Ledina Aliollin. Mësohet se Lulzim Basha ka reaguar mjaft ashpër dhe me nervozizëm kur mësoi se godina e PD-së në Korçë ishte marrë nën administrim nga Komisioni i Rithemelimit.
Ka qënë vetë ushtari i Lulit, Ervin Salianji ai që i ka komunikuar Ledina Aliollit vendimin e Lulzim Bashës , për shkarkimin dhe justifikimi ishte pikërisht skandali i mos pagimit të qerasë.
Kujtojmë këtu se Aliolli u komandua nga Basha në krye të PD-së së Korçës, pas dorëheqjes së ish-kryetarit Andrea Mano.
Burime jo zyrtare pretendojnë se selia e re e partisë të Lulit, për Korçën, mund të çohet në vendlindjen e Ervinit në ish-komunën Lozhan/CNA.al
Bie Basha në Korçë/ Selinë e PD-së e merr Grupi i Rithemelimit
Politikë
“Thuajini “JO” kandidaturave nga lart”/ Bozdo: Primaret mund t’i bashkojnë demokratët
Anëtari i kryesisë së PD, Eno Bozdo thekson se vetëm primaret mund të shpëtojnë dhe të bashkojnë demokratët.
Në një postim në rrjetet sociale, Bozdo thekson se zgjedhjet e pjesshme vendore në gjashtë bashki, janë një shans për demokratët, për të zgjedhur më të mirët.
“Pavarësisht se çfarë besojmë dhe ku qëndrojmë, Primaret mund të na bashkojnë tek kandidati më i mirë që demokratët duan !
Kemi shanse reale të marrim një rezultat shumë të mirë në këto 6 bashki. Le të propozojmë dhe të zgjedhim më të mirët,
Dhe t’i votojmë të gjithë në Primare!
Thuajini “JO” kandidaturave nga lart!
Vendosni ju vetë kë doni t’ju përfaqësojë!”-shkruan Bozdo./CNA.al
