Connect with Us

“Në PD nuk lejohen burra me zë të hollë”/ Demokratët “masakrojnë” Bardhin: Humbës serial, po mbani peng partinë

Politikë

“Në PD nuk lejohen burra me zë të hollë”/ Demokratët “masakrojnë” Bardhin: Humbës serial, po mbani peng partinë

Publikuar

-

/
cna news, cna lajme, lajme cna, lajme flash cna, cna.al, cna lajme politike,

Sekretari i përgjithshëm i PD Gazmend Bardhi nxitoi të dilte në një komunikim për media, pas dorëzimit të 4200 firmave të anëtarëve për të mbledhur Kuvendin në selinë blu.

I kapur nga frika e braktisjes së bazës, Bardhi nisi të sulmojë ish kryeministrin Sali Berisha se ka shkelur statutin e partisë, ndonëse statuti është shkelur nga ai vetë dhe Lulzim Basha në shumë raste, ku më të fundit ishin uzurpimi i FRPD dhe LDG.

Por si në çdo komunikatë të zyrtarëve të PD, edhe dalja para gazetarëve e Bardhit u trasmetua live në faqen zyrtare të Facebook-ut.

Demokratët të irrituar kanë shpërthyer në akuza dhe sulme jo vetëm ndaj Bardhit, por edhe Lulzim Bashës, Ervin Salianjit e Grida Dumës, duke thënë se ata janë të gjithë njësoj, humbësa serial.

LEXO EDHE:  Zgjedhjet për kryesinë/ PD: Tentativa për uzurpim të Akademisë së Shkencave, KLSH të nisë verifikimet

Një komentues i shkruan: “Nuk mund te lejohet PD te kthehet ne shtepin e burrave dhe grave me ze te holle , ti basha grida salianji dhe ca rroca tjere aty , me zerin tuaj jeni per konkurs me mushkonjat o zoteri . Edi ju mban ne ajer”.

Një tjetër qytetar i kërkon të japë dorëheqjen, me argumentin se për 8 vjet rresht kanë humbur.

“Mendoni vetem per karrigen zoteri..ju besuam keto 8 vite ..pa rezultat..tani sebashku me te tjeter dorehiquni”, shkruan qytetari.

“O pall a e kupton qe ti si ke demokratet pas vetes jeni ju qe po e mbani peng partin por pa bazen e simpatizantet e pd jeni thjesht kufoma qe rrini ne selin e pd”, shkruan një tjetër demokrat./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Aktualitet

“Gati për protestën madhështore?”/ “Mijëra qytetarë i përgjigjen Berishës

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Ditën e nesërme pritet të zhvillohet protesta e thirrur nga ish kryeministri Sali Berisha, në selinë blu.

 

Një ditë para protestës, Berisha ka pyetur demokratët, përmes një postimi në rrjetet sociale, nëse janë gati për protestën madhështore.

 

“A jeni gati për protestën madhështore kombëtare nesër?”, shkruan Berisha.



 

Ndërkohë, ka pasur një “lumë” komentesh nga qytetarët të cilët shprehen të gatshëm për të marrë pjesë në protestë, për të “çliruar selinë e Partisë Demokratike.

 

Ish-kryeministri ka deklaruar se data 8 Janar do të jetë një protestë e fuqishme kombëtare ku 44 mijë anëtarë të PD-së që firmosen të bëjnë historinë do të marrin në dorëzim ndërtesën e Partisë Demokratike./CNA.al

LEXO TE PLOTE

Aktualitet

Protesta/ Mustafaj paralajmëron Berishën, çfarë po “gatuan” Basha

Publikuar

-

Nga

Humbja e opozitës në zgjedhje/ Besnik Mustafaj: PD ka nevojë për një frymë të re

Ish ministri i Jashtëm, Besnik Mustafaj ka reaguar lidhur me protestën e thirrur nesër nga ish kryeministri Sali Berisha në selinë e PD.

 

Përmes një shkrimi të gjatë, ai i ka bërë thirrje Sali Berishës të shmangë dhunën dhe të mos bjerë në kurthin e Lulzim Bashës.

 

Ai thekson se vetëm duke qenë paqësore protesta e merr rëndësinë e saj. Sipas Mustafajt, cdo përplasje e dhunshme do të ishte vetëm e dëmshme për të gjithë demokratët dhe do t’i shërbente qëllimit absurd të fetishit.

 

Shkrimi i plotë

Prej disa ditësh, herë me shqetësim e herë me përçmin flitet për blindimin e dyerve si dhe të dritareve të katit të parë të selisë së Partisë Demokratike. Po ashtu është folur, madje edhe nga njerëz publikë, për ngujimin brenda kësaj selie të një çete njerëzish të armatosur, të paidentifikuar, shkurt fjala, të rrezikshëm.

 

Gjatë orëve të fundit, nëpër rrjetet sociale, mandej edhe nëpër mediat televizive kombëtare, u shpërnda një numër i bollshëm fotografish dhe videosh jozyrtare nga mjediset e brendshme të kësaj selie, ku shihet qartë se të gjitha këto thashetheme ishin krejt të vërteta. Dyert janë blinduar ashtu si dhe çeta e njerëzve me kapuçonë të zinj të paktën deri të enjten në mbrëmje vonë ishin aty brenda. Vetëm armët e tyre nuk i pamë. Ma merr mendja se kanë qenë të shumtë ata, që nuk i kanë besuar këto fjalë përsa kohë nuk kishin parë fotografitë dhe videot. Unë kam qenë njëri prej tyre. Sado që e vrisja mendjen, nuk i gjeja një kuptim politik një veprimi të tillë.

 

Por nuk i gjeja as ndonjë përligjje njerëzore një veprimi të tillë. Fakt është se lajmërimi i dërguar në protokollin e Partisë Demokratike nga Komisioni për Rithemelimin e PD – së për të liruar selinë deri më 5 janar kishte njëfarë toni ultimativ. Por, as në tekstin e asaj shkrese, të cilën e kam lexuar me vëmendje dhe as në deklarimet publike të anëtarëve të këtij Komisioni, përfshirë këtu edhe Berishën, nuk kam vënë re ndonjë shenjë kërcënimi, qoftë edhe të tërthortë, për integritetin fizik të Lulzim Bashës apo të ndërtesës së selisë. Por edhe sikur të kishte kërcënime të kësaj natyre, Basha është me ligj nën mbrojtjen e Gardës së Republikës.

 

Po atëherë nga farë ka frikë ai? Çfarë synon të mbrojë kështu? Profesor Artan Fuga e quajti “çmenduri”. Edhe vetë Berisha, një fortifikim të tillë nga brenda të ndërtesës, e cila shërben si seli e Partisë Demokratike, e quajti “shprehje të një njeriu me çrregullime mendore”. Parë nga ana psikologjike, siç e sheh një profesor apo nga pikëpamja patologjike, seç e sheh një mjek, ndoshta të dy kanë të drejtë. Duke parë rezultatin, unë për veten time do të thosha se Lulëzim Basha po sillet sikur po mbron një fetish.



 

Me dashjen apo pa dashjen e tij, ai po ia del të mbjellë më së pari te demokratët, por edhe në mbarë opinionin publik perceptimin e selisë së partisë si një fetish. Një situatë e tillë çon në vërshimin e emocioneve duke mbytur arsyen. Shumë antropologë europianë, që po zbulonin Afrikën e kolonizuar në gjysmën e dytë të shekullit XIX, përshkruajnë përplasje të përgjakshme midis bashkësive vendore në atë, që ata e quajnë “lufta e fetisheve”.
Basha duket se është përfshirë plotësisht në këtë lloj “lufte”. Gjithçka bën ai me grushtin e mbështetësve të vet ka tharmin e provokimit për ta tërhequr edhe kundërshtarin në këtë fushë të minuar. Mua, të paktën, kështu më duket. Shpresa ime është që Komisioni për Rithemelimin e Partisë, personalisht Berisha dhe moria e demokratëve të zgjuar, të mos bien në këtë kurth. Nuk ka asnjë arsye që ata ta shohin selinë e partisë, domethënë dhe marrjen e saj, si një fetish. Ata janë në valën e ngritur të një procesi mirëfilli politik.

LEXO EDHE:  Dënimi i ish-kryebashkiakut/ Reagon PD: Gjykata të bëjë drejtësi, kishte mungesë transparence

LEXO EDHE:  “Tiran i mplakur”/ Gjekmarkaj për programin e qeverisë: Një broshurë, manifest që përmban dokrra

 

Ata sigurisht që kanë plotësisht të drejtë kur selinë e partisë së tyre e shohin si një simbol. Pra, kanë plotësisht të drejtë kur e kërkojnë. Por rëndësia e simbolit është aq sa është. Kuvendi i 11 dhjetorit me vendimet që mori e realativizon shumë rëndësinë e simbolit duke vendosur në qendër legjitimitetin. Protesta e 8 janarit në oborrin e selisë, shpresoj unë, do të shërbejë vetëm si një rast kuptimplotë, ku mijëra anëtarë të Partisë Demokratike do t’i tregojnë edhe një herë Bashës se ai e ka humbur përfundimisht legjitimitetin dhe se, pa demokratët, zyra ku është fortifikuar nuk ka asnjë vlerë politike. Legjitimitetin nuk ta jep ndërtesa, kjo dihet.

 

Me vendimet e Kuvendit të 11 dhjetorit si dhe me referendumin e 18 dhjetorit, i cili vulosi njërin nga më të rëndësishmit e këtyre vendimeve, legjitimiteti ka kaluar tërësisht në anën e Komisionit për Rithemelimin e Partisë. Ne, demokratët, presim që ky Komision të vazhdojë me dinamikë të lartë zbatimin e këtyre vendimeve, pa humbur kohë dhe energji nëpër beteja simbolike, të cilat në fund të fundit shërbejnë vetëm për të ushqyer kureshtjen e një publiku të caktuar. Po mbushet muaji nga Kuvendi i 11 dhjetorit dhe ky komision ka një bilanc fort të varfër.
Për shembull: ne ende nuk kemi një kalendar të punëve, që presin të kryhen gjate nëntë javëve të ardhshme. Më kryesorja e këtyre punëve është pa dyshim fushata zgjedhore në Parti, e cila duhet të përmbyllet me zgjedhjen e kryetarit të ri.

 

Kështu, legjitimiteti i përkohshëm i Komisionit do të kalojë në instancat e vërteta politike, të cilat do ta çojnë Partinë Demokratike në lartësinë e dëshiruar për rolin e saj përpara shoqërisë shqiptare dhe kombit.
Ky komision duhej të na kishte treguar tashmë se ka një kuptim të ndërtuar dejtë për rithemelimin e partisë, i cili është një koncept thellësisht politik, i provuar herë me sukses e herë jo te shumë nga partitë anëtare të Partisë Popullore Europiane, por krejt i ri për historinë politike shqiptare të pluralizmit demokratik. Pra, ky komision ka përpara një punë fort komplekse dhe shumë të madhe, madje të jashtëzakonshme, e cila nuk duhet lejuar kurrsesi të katandiset në një zëvendësim të thjeshtë njerëzish në krye të strukturave vendore apo qendrore të partisë.

 

Ndryshimet e kryera në statut gjatë Kuvendit të 11 dhjetorit e kanë çelur mirë rrugën për rithemelimin. Tani e deri më 22 mars është një periudhë e shkurtër për ta bërë realitet këtë rithemelim. Fushata e zgjedhjeve është rasti i përshtatshëm për të shpalosur sa më shumë alternativa programore përmes debatit ideologjik, politik e organizativ, që do të udhëhiqet natyrshëm nga kandidatët, sado që ne nuk i njohim ende këta kandidatë.

 

Vetëm përmes aksionit politik, të drejtuar nga ky Komision, Partia Demokratike do ta shmangë kurthin e fetishizimit të selisë. E përsëris: do mbajtur mirë parasysh se ndërtesa nuk mishëron në vetvetë asnjë legjitimitet. Legjitimitetin e mishërojnë njerëzit e mandatuar nga Kuvendi i Partisë, siç ndodhi për bukuri më 11 dhjetor. Në vazhdim, çlirimi i selisë do të vijë natyrshëm pak nga pak. Fetishi, që po përpiqet të ngrejë Lulzim Basha, nuk çon larg.

 

Protesta e 8 janarit ka aq rëndësi sa ç’i takon. Unë besoj se e kam kuptuar drejt Berishën kur thotë se do të jetë një protestë paqësore. Vetëm duke qenë paqësore ajo e merr rëndësinë e saj. Çdo përplasje e dhunshme do të ishte vetëm e dëmshme për të gjithë demokratët dhe do t’i shërbente qëllimit absurd të fetishit.

LEXO TE PLOTE

Politikë

“Lideri nuk fshihet”/ Këlliçi-demokratëve: Selia është shtëpia juaj, hyni pa trokitur

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Deputeti Belind Këlliçi ka deklaruar se lideri nuk fshihet dhe nuk izolohet. Përmes një statusi në rrjetet sociale, Këlliçi shkruan se, izolimi nuk ka të ardhme dhe se shtëpia e lirisë do t’i ketë gjithnjë dyert e hapura për demokratët.

Selia është shtëpia juaj.Hyni pa trokitur”, shkruan ndër të tjera Këlliçi



LEXO EDHE:  Zgjedhjet për kryesinë/ PD: Tentativa për uzurpim të Akademisë së Shkencave, KLSH të nisë verifikimet

LEXO EDHE:  "Reforma Zgjedhore të mbyllet pa vonesë"/ Bylykbashi: Maxhoranca të ulet me ne

‘Një lider nuk fshihet, nuk izolohet. Izolimi nuk ka të ardhme. Shtëpia e Lirisë do t’i ketë gjithnjë dyert hapur për demokratët. Selia është shtëpia juaj. Hyni pa trokitur’, shkruan Këlliçi./ A.E-CNA.al

LEXO TE PLOTE