Kronika
“Kam informacione që është vrarë e groposur”/ Gazetari flet për zhdukjen e ish-këshilltarit të Dritan Priftit
Gazetari i kronikës, Fredinand Dervishi ka folur për zhdukjen e ish-këshilltarit të Dritan Priftit, Eduard Belegu.
I ftuar në emisionin “Në Shënjestër” të Klodiana Lalës, ky i fundit e cilësoi ngjarjen si një krim të pastër, duke deklaruar se nga të dhënat e tij Belegu është vrarë dhe groposur.
“Unë do e fusja këtë lloj ngjarje te krimi perfekt, ose i pastër. Për paralelizëm mund ta krahasojmë me disa zhdukje të viteve të fundit, që kryesisht kanë të bëjnë për konflikte për drogën. Krimi i rrëmbimit të personit është krim pa vendngjarje. Ky krim për vendngjarje ka disavantazh për hetimin sepse nuk kemi një kufomë, nuk kemi të gëzhoja. Pas një krimi perfekt ku nuk ke asnjë provë është e vështirë të shkosh te zbardhja e çështjes. Ky është një krim i tillë. Është krim perfekt i bërë nga persona që kanë vendosur mendjen në punë, që e njihnin krimin etj. Asokohe ministri Dritan Prifti, ishte vendosur në shënjestër për publikimin e asaj videos. Dritani vetë kur e kam takuar unë ruhej.
I ishte bërë psikozë që mund t’i bënin diçka të keqe. Kur bie një piramidë pushteti në Shqipërinë e kontrolluar nga politika, bien hetimet e tjera. Jo vetëm Dritani ishte goditur, por po goditej edhe Belegu. Ruhej edhe ai. Kjo situatë të vendos në pozita të tjera përballë atyre personave që të duan të keqen. Eduard Belegu është vrarë dhe groposur diku për mendimin tim. Aq sa di unë ai ka shkuar të marrë një borxh të vjetër. Ka marrë makinën e vet, ka shkuar pranë stadiumit “Asllan Rusi”, ka takuar një person në “Range Rover”, është vendosur në një magazinë aty për punën e një borxhi mbi 100 mijë euro. Nga ky moment për këtë njeri nuk ka asnjë shenjë. Hetuesi ka ndjekur këtë linjë dhe ka kontrolluar këto magazina me dokumente, e nuk kanë gjetur asnjë shenjë. E vetmja gjë e dyshimtë në këtë histori mbeten sms”, tha Dervishi./CNA.al
Kronika
Skandali me nxjerrjen e pagave/ Gjykata liron të arrestuarit
Gjykata e Tiranes ka vendosur masën e sigurisë “arrest shtëpie”, për personat e arrestuar në lidhje me skandalin e publikimit të pagave të qytetarëve.
Kështu, Gjykata ka liruar nga qelia dy ekspertët e IT te Tatimet, Andi Agaraj dhe Eni Qirjako si dhe 2 përmbaruesit privat Klodian Sota dhe Endri Ikonomi.
Vendimi i Gjykatës:
1. Vleftësimin si të ligjshëm ndalimit të personit nën hetim E. Q.
-Caktimin si masë sigurimi personale shtrënguese ndaj personit nën hetim E. Q., atë të “Detyrimi për tu paraqitur në policinë gjyqësore të henen e parë të çdo muaji ora 10.00” të parashikuar nga neni 234 i K.Pr.Penale.
-Pranimin e kërkesës për caktimin si masë sigurimi ndaluese ndaj personit nën hetim E. Q., atë të “Pezullimi i ushtrimit të detyres” të parashikuar nga neni 240/a/1 i K.Pr.Penale.
2. Vleftësimin si të ligjshëm të ndalimit të personit nën hetim A. A.
-Caktimin si masë sigurimi personale shtrënguese ndaj personit nën hetim A. A., atë të “Arrest në shtëpi”, të parashikuar nga neni 237 i K.Pr.Penale.
3. Vleftësimin si të ligjshëm të ndalimit të personit nën hetim K. S.
-Caktimin si masë sigurimi personale shtrënguese ndaj personit nën hetim K. S., atë të “Arrest në shtëpi”, të parashikuar nga neni 237 i K.Pr.Penale.
4. Vleftësimin si të ligjshëm të ndalimit të personit nën hetim E. I.
-Caktimin si masë sigurimi personale shtrënguese ndaj personit nën hetim E. I., atë të “Arrest në shtëpi”, të parashikuar nga neni 237 i K.Pr.Penale./CNA.al
Kronika
Kanosi me thikë një person/ Pranga 66 vjeçarit në Memaliaj
Një 63-vjeçar ka rënë në prangat e policisë në Memaliaj pasi ka kërcënuar me thikë një peron.
Në pranga ka rënë shtetasi me inicialet A. L., 63 vjeç.
“Kanosi me mjet të mprehtë (thikë), një shtetas, vihet në pranga autori i dyshuar.
Shërbimet e Komisariatit të Policisë Tepelenë arrestuan në flagrancë shtetasin A. L., 63 vjeç, banues në Memaliaj, pasi dyshohet se pasditen e djeshme, në Memaliaj, pas një konflikti të çastit për motive të dobëta, ka kanosur me mjet të mprehtë (thikë), shtetasin H. M., 66 vjeç, banues në Memaliaj.
Në cilësinë e provës materiale u sekuestrua thika.
Materialet në ngarkim të shtetasit A. L. i kaluan Prokurorisë pranë Gjykatës së Shkallës së Parë Gjirokastër, për veprat penale “Kanosja” dhe “Prodhimi, mbajtja, blerja apo shitja pa leje e armëve të ftohta”, thuhet në njoftimin e polotë të policisë./CNA.al
Kronika
Aksident i rëndë në Klos/ Makina bie në humnerë, humb jetën 1 person
Një aksident i rëndë është regjistruar mëngjesin e sotëm në fshatin Cerujë të Klosit.
Mësohet se një automjet ka rënë në greminë e për pasojë drejtuesi i tij ka humbur jetën.
Ngjarja ka ndodhur në një nga rrugët e fshatit të Cerujës teksa mjeti po rimorkjohej nga një tjetër mjet.
Por këputja e litarit tërheqës ka rezultuar fatale për shtetasin me inicialet P.M i cili ka përfunduar në greminë, e për pasojë ka humbur jetën.
