Connect with Us

“Digitalb shantazhon AMA-n”/ TiBO nxjerr faktet nga prishja e njëanshme e kontratës

Lajme

“Digitalb shantazhon AMA-n”/ TiBO nxjerr faktet nga prishja e njëanshme e kontratës

Publikuar

-

/

Kompania TiBO ka reaguar ditën e sotme sa i takon prishjes së kontratës së njëanshme nga ana e Digitalb.

Përmes një njoftimi, teksa ka nxjerrë gjithë kronologjinë e datave të bashkëpunimit dhe prishjes së kontratës, TiBO shprehet se Digitalb përmes Top Channel po shantazhon AMA-n, ndërsa shton se çështja mes dy kompanive është në gjykim.

TiBO thekson se padi ndaj Digitalb është bërë pas dëmit të madh financiar që u shkaktua nga prishja e njëanshme e kontratës.

Postimi i plotë i TiBO:

TIBO shpreh shqetësim për zhvillimet e fundit sa i përket çështjes së bashkëpunimit me Digitalb.

Opinioni publik e di se në muajin maj Digitalb prishi, pa shkak e në mënyrë të njëanshme, kontratën e bashkëpunimit me TIBO-n duke shkelur edhe të gjitha klauzolat për periudhat e parapaguara. Për ndalimin e ndërprerjes së sinjalit për klientët, dëmin e shkaktuar, fitimin e munguar dhe penalitetin prej €2 milionë të parashikuar në kontratë, TIBO ka paditur Digitalb në Gjykatën e Tiranës.

Por teksa çështja është në gjykim, shqetësimi kryesor për kompaninë TIBO është kthyer veprimtaria e Autoritetit të Mediave Audiovizive (AMA), e cila ka qenë e njëanshme. Ajo nuk ka vepruar dhe as shqyrtuar ankesat e TIBO-s për ndërprerje të sinjalit nga Digitalb për abonentët që e kishin parapaguar shërbimin.

AMA ka treguar se vepron nën trysninë e Digitalb duke lejuar që përmes televizionit kombëtar Top-Channel të shantazhojë tregun për të imponuar marrëveshje të pabarabarta.

Kjo vijon prej disa kohësh me kronikat e porositura, mbetje të gjeneratës së shkuar të tregut gjobëvënës mediatik, por TIBO ka maturinë e duhur ta sqarojë opinionin me detaje dhe rend kronologjik rreth çështjes që ka nxjerrë nga binarët Digitalb-in nga frika për të paguar dëmet që ka shkaktuar keq-menaxhimi i tyre.

Përgjigja e TIBO-s në lidhje me qasjen e Digitalb-it, (Top-Channel-it etj.) është detyrim për abonentët dhe partnerët e saj, të cilët kanë të drejtën të dinë të vërtetën.

Kronologjia e çështjes TIBO-Digitalb:

20 janar 2020 – TIBO dhe Digitalb nënshkruajnë kontratë bashkëpunimi (deri në dhjetor 2029). TIBO parapaguan shërbimet që do të marrë nga Digitalb-i deri në qershor 2022.

22 prill 2021 – Në paranojë nga një humbje e mundshme e tenderit të Serie-A, Digitalb ngre pretendime dashakeqe ndaj TIBO-s duke kërcënuar me ndërprerje sinjali.

22 maj 2021 (e shtunë) – Digitalb i ndërpret pa shkak sinjalin TIBO-s. Ndërprerja bëhet pa lidhur komunikim me platformën, e cila pëson “black-out”. Për të rikthyer sinjalin TIBO vë në punë kartat “back-up” të autorizuara nga marrëveshja me Digitalb.

24 maj 2021 – TIBO i drejtohet AMA-s dhe Autoritetit të Konkurrencës (AK) për ndërprerjen e sinjalit nga Digitalb në shkelje të kontratës.

25 maj 2021 – Digitalb i kërkon TIBO-s takim për të negociuar të drejtat e Serie-A. TIBO përgjigjet duke theksuar se nuk i gëzon ato pasi nuk ka marrë pjesë në tender. TIBO kërkon gjithashtu që në takim të flitet për mundësitë për të rregulluar bashkëpunimin pas dëmit të shkaktuar me ndërprerjen e sinjalit më 22 maj.

31 maj 2021 – Digitalb njofton prishjen e njëanshme të kontratës së bashkëpunimit me TIBO-n. Prishja bëhet në anashkalim të klauzolave kontraktuale. Më vonë Digitalb shkëput edhe sinjalin e transmetimit.

1 qershor 2021 – TIBO i thekson Digitalb-it klauzolat kontraktuale, hyrjen në fazën tranzitore të garantimit të shërbimit për klientët që kanë parapaguar, si dhe penalitetin prej €2 milionë të parashikuar për prishje të njëanshme.

8 qershor 2021 – AMA i thotë TIBO-s se nuk ka kompetencë të vendosë për mos-marrëveshje kontraktuale dhe se për këto çështje vendos vetëm gjykata.

16 qershor 2021 – TIBO padit Digitalb-in në Gjykatën e Tiranës duke kërkuar sigurimin e sinjalit për periudhën tranzitore, dëmshpërblimin për prishjen e njëanshme të kontratës dhe fitimin e munguar.

11 gusht 2021 – TIBO i kërkon AMA-s, AK-së, Autoritetit të Mbikëqyrjes Financiare (AMF) dhe Autoritetit të Komunikimeve Elektronike dhe Postare (AKEP) garantimin e sinjalit sipas kushteve të kontratës (deri në një vendim të gjykatës).

12 gusht 2021 – TIBO i përcjell AMA-s, AK-së, AMF-së dhe AKEP-it kontratën me Digitalb-in së bashku me ankesat përkatëse për çështjen. Në të dy rastet TIBO nuk merr përgjigje nga këto autoritete.

16 gusht 2021 – AMA nis hetim ndaj TIBO-s mbi pretendimet e Digitalb-it se “piraton kanalet e saj”. Me këtë hetim AMA shpërfill ligjin që thotë se asnjë institucion nuk ka të drejtë të pranojë për shqyrtim një mos-marrëveshje që është duke u shqyrtuar në gjykatë.

19 gusht 2021 – TIBO i përcjell sërish AMA-s klauzolat kontraktuale dhe një seri dokumentesh që parashikojnë fazën tranzitore të transmetimit/ritransmetimit.

23 gusht 2021 – TIBO i shpreh AMA-s shqetësimin për trajtim të pabarabartë për çështjen.

30 gusht 2021 – TIBO përcjell të tjera dokumente dhe materiale faktike për dëmin e shkaktuar nga Digitalb me ndërprerjen e njëanshme të kontratës.

31 gusht 2021 – AMA i thotë TIBO-s se nuk ka kompetenca të shqyrtojë ankesa apo pretendime mbi çështjet kontraktuale dhe se këto çështje i shqyrtojnë gjykatat. Sidoqoftë ajo i kërkon TIBO-s të ndërpresë transmetimin e kanaleve të Digitalb në platformën e saj, pavarësisht se ato parashikohen në kontratën e janarit 2020 që ka kaluar në shqyrtim nga Gjykata e Tiranës.

13 shtator 2021 – TIBO i tregon sërish AMA-s si qëndron çështja me Digitalb dhe i shpreh gatishmërinë për një zgjidhje tjetër të ndërmjetësuar prej saj nëse AMA e detyron Digitalbin të respektojë detyrimet e kontratës.

20 shtator 2021 – AMA i thotë TIBO-s se po e heton për llogari të Digitalb-it për të verifikuar nëse transmetimet në TIBO në respektim të të drejtave televizive, por ajo nuk citon detyrimet kontraktore që ka Digitalb-i ndaj TIBO-s.

27 shtator 2021 – TIBO i rikujton AMA-s klauzolat kontraktuale me Digitalb-in. Ajo i citon ligjin se nuk ka kompetenca të shqyrtojë apo vendosë mbi çështje që janë në gjykatë dhe se, sipas detyrimeve të kontratës, në platformë i ka njoftuar abonentët që pas datës 1 qershor 2022 nuk do të kenë mundësi t’i aksesojnë kanalet e Digitalb-it.

27 shtator 2021 – AMA gjobit TIBO-n me 1 milionë lekë pa marrë në konsideratë pretendimet kontraktuale, shkresat e mëparshme dhe faktin se është në shkelje të kompetencave.

6 tetor 2021 – TIBO ankimon gjobën e AMA-s dhe kërkon sërish që Digitalb t’i garantojë sinjalin për transmetimin e kanaleve deri në qershor 2022.

30 shtator 2021 – AMA nis hetim për TIBO-n pas ankesës së Tv Klan, e shtyre nga Digitalb, rreth transmetimit të eventeve sportive.

5 tetor 2021 – TIBO përgjigjet duke cituar kontratën me Digitalb dhe klauzolën për periudhë tranzitore në rast të prishjes së saj.

11 tetor 2021 – AMA gjobit TIBO-n me 2 milionë lekë duke anashkaluar faktin se kanalet sportive ishin pjesë e kontratës me Digitalb.

12 tetor 2021 – AMA nis hetim për TIBO-n pas ankesës së Top-Channel, e shtyrë nga Digitalb, rreth transmetimit të kanaleve Top-Channel, Top-News dhe Melody TV.

15 tetor 2021 – TIBO përgjigjet me shqetësim se hetimet dhe gjobat në seri të AMA-s po bëhen në lidhje me të njëjtën çështje mos-marrëveshjeje, kontratën TIBO-Digitalb, prishja e së cilës është në shqyrtim nga Gjykata e Tiranës.

18 tetor 2021 – AMA nis hetim për TIBO-n pas pretendimit të Digitalb se “TIBO piraton kanalet Big Brother”.

25 tetor 2021 – TIBO përgjigjet se është e pamundur të aksesohen nga abonentët e platformës së saj kanalet “Big Brother”.

29 tetor 2021 – AMA thërret për seancë dëgjimore përfaqësuesit e TIBO-s. Gjatë seancës konstatohet se gjatë monitorimit të platformës TIBO, AMA ka përdorur aplikacione të kundërligjshme që thyejnë sistemin. Drejtori i Drejtorisë së Mbikëqyrjes, Ervin Çelaj, refuzon të mbajë procesverbal për takimin.

29 tetor 2021 – TIBO i paraqet AMA-s një regjistrim monitorues certifikuar nga një zyrë noteriale ku tregohet se kanalet “Big Brother” nuk aksesohen në platformën e saj.

1 nëntor 2021 – AMA gjobit TIBO-n me 2 milionë lekë duke anashkaluar të gjitha pretendimet dhe ankesat e kompanisë për mënyrën e kundërligjshme të monitorimit.

Me shpresën se AMA dhe autoritetet e tjera përgjegjëse do të dinë si t’i bëjnë ballë trysnisë së Digitalbit, TIBO ka besim se çështja do të marrë zgjidhjen e duhur në rrugë ligjore.

Të zgjedhësh TIBO-n është zgjedhja e duhur!/CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Lajme

Mashtruesi Fatmir Cici/ Kush është kleriku i zhveshur, mashtrues dhe përdhunues

Publikuar

-

Nga

Foti Cici, një herë e një kohe klerik orthodhoks në Kanada, tashmë është i zhveshur nga priftëria dhe ka nisur një fushatë sulmesh dhe shpifjesh ndaj klerikëve, teologëve dhe besimtarëve orthodhoks.

Por opinioni publik duhet të dijë se kush është me të vërtetë ky pseudoklerik.

Gjithashtu, po publikojmë për herë të parë dokumente zyrtare që demaskojnë katërçipërisht këtë njeri të mbrapshtë e mashtrues, sipas asaj që raporton Radio Ngjallja.

Kush është Fatmitr Cici?

Fatmir Cici, i lindur në Nivicë-Bubar të Sarandës. Ai e ka ndryshuar emrin nga Fatmir në Fotaq, ndërsa paraqitet me emrin Foti ka mbajtur gjithmonë të fshehtë dhe në heshtje krimin e plagosjes me dashje që ka kryer ndaj bashkëfshatarit të tij dhe për të cilin Gjykata e Rrethit Sarandë e ka shpallur fajtor me vendimin nr. 64, datë 9/09/1988, duke e dënuar me 5 muaj heqje lirie. Nëse Kisha Orthodhokse do të ishte njohur në kohë me këtë fakt qëllimisht të fshehur, karriera e tij kishtare do kishte përfunduar që në hapat e parë të saj. Kjo e vërtetë u zbulua vite më vonë, kur personi në fjalë u ekspozua dendur në hapësirat mediatike.

Ishte fillimi i viteve 1990, kur Foti emigroi drejt Greqisë, ku deklaron se është minoritar me origjinë greke dhe lidhet me Mitropolitin e Konicës, Sebastianos. Edhe deklaratën e tij për origjinën greke, Foti është përpjekur ta mbajë po ashtu të mbuluar, por e vërteta nuk fshihet në mjegull. Kështu, doli në dritë dokumenti, që vërtetonte mohimin e origjinës së tij shqiptare, ndërsa deklaronte atë greke.

Ai gjithashtu ndoqi edhe studimet për teologji në Univeristetin e Athinës, duke u hequr si mbështetës i ideve të Sebastianosit.

Por pasi nuk arriti dot të përfundote në kohë studimet, bursa iu ndërpre. Foti Cici, u anëtarësua më pas në Shoqata anti-othodhokse dhe anti-shqiptare. Pasi u pajis me pasaportë greke, ai filloi një propagandë anti-orthodhokse.

Por loja e tij e ndyrë u kuptua. Ai e pa se nuk kishte më vend në Greqi, të cilin e përzunë.



Sipas raportimit në media, në ShBA, Foti kishte vënë objektiv të shtinte në dorë klerikët vëllezër Arthur dhe Nikon Liolinin dhe, përmes metodave dredharake, të fitonte simpatinë dhe përkrahjen e tyre, duke iu shfaqur si patriot e punëtor i Kishës. S’vonoi gjatë dhe natyra e tij intriguese, përfituese dhe mosmirënjohëse doli në pah. I demaskuar, Foti hidhet publikisht kundra vëllezërve Liolini dhe klerikëve të tjerë orthodhoksë të diasporës shqiptare në ShBA, siç ishin edhe vëllezërit Katre.

 

Cici pasi u përzu edhe nga Amerika, u largua në Kanada. Aty, ende si endacak rrugëve të Kishës, sa në Kishën ukrainase, sa në Kishën e Sirisë, ku priste të merrte ndonjë fond duke i mashtruar si klerik.

Më e rëndë, më e rëndësishmja, është aktiviteti kriminal i Foti Cicit.

Foti Cici është akuzuar për dhunë dhe për përdhunim në Shtetet e Bashkuara të Amerikës. Ka qenë viktima që e ka denoncuar në instancat e drejtësisë. Ja pra kush është prifti Cici nga Nivica, një përdhunues ordiner, i veshur si prift.

Ajo që më habit më tepër, por që të paktën më bëri më shumë të kuptoj se kush është Foti Cici, është fakti se është dënuar për plagosje me dashje ku sipas vendimit të Gjykatës u dënua me 5 muaj burg.

Një dhunes, përdhunues dhe vrasës që nuk ka as të drejtën morale për t’i dhënë mësime patriotike asnjëriu në rrjete sociale, sepse ai përfaqëson llumin e shoqërisë shqiptare./CNA.al

LEXO TE PLOTE

Lajme

Pandemia rriti rastet e dhunës tek fëmijët

Publikuar

-

Nga

Pak kohë më parë siluetat e vendosura nga Organizata Botërore e Fëmijëve UNICEF në Qendrën Historike të Gjirokastrës mbartnin sejcila nga një mesazh: atë të viktimavë të dhunës ndaj fëmijëve.

Vetëm për vitin 2021, Bashkia e Gjirokastrës ka menaxhuar 31 fëmijë në nevojë për mbrojtje, tre prej të cilëve raste të dhunës dhe 4 raste me fëmijë të larguar nga familja.

Në Qarkun e Gjirokastrës që përfshin edhe Tepelenën dhe Përmetin nuk kanë munguar këtë vit edhe incidentet e rënda me persona të akuzuar për ngacmime dhe dhunë seksuale ndaj fëmijëve.

Drejtoresha e Shërbimeve Sociale dhe Shëndetësore në Bashkinë e Gjiroakstrës, Albana Allushi thotë se në dy raste të kohëve të fundit policia ka arrestuar bashkëjetuesit dhunues të fëmijëve, ndërsa 10 raste të tjera janë ndjekur në qendrën e posaçme kundër dhunës që funksionon në këtë bashki.

“Ka ardhur në rritje numri i denoncimeve dhe ajo që evidentohet është numri i lartë i denoncimeve që vijnë edhe nga zonat rurale. Duke iu referuar përbërjes së rasteve ajo që shihet është se ato evidentohen në familje me nivel të ulët ekonomik dhe arsimor”, thotë ajo.

Ndërsa Diana Haxhiaj, koordinatore e sektorit kundër dhunës në Policinë e Gjirokastrës thotë se në bashkëpunim me njësitë arsimore policia po i ndërgjegjëson si fëmijët edhe shtresat e tjera të popullsisë për denoncimin e rasteve.

“Këto aktivitete janë shtrirë kryesisht në grupmoshat në shkollat nëntëvjeçare dhe të mesme të të gjithë Qarkut të Gjirokastrës. Për hir të së vërtetës dhuna ka qenë prezente edhe më përpara por për shkak të ndjeshmërisë, për shkak të turpit që mbartin vetë disa vepra penale, për shkak të frikës, rastet nuk janë denoncuar. Për këtë Policia e Shtetit organizon herë pas here aktivitete ndërgjegjësuese bashkëlidhur gjithë aktorëve të tjerë si arsimi, qeverisja vendore dhe vetë prindërit për t`u njohur me ndryshimet dhe për të parë interesin më të lartë të fëmijës, sepse kjo është pasqyruar dhe tek këto ndryshimet e fundit ligjore”, thotë Diana Haxhiaj.

Policia ka tani një qendër të posacme të intervistimit të fëmijëve në rastet e denoncimeve të dhunës ndaj tyre. Herë pas here thotë zonja Haxhiaj kryhen trajnime për specialistët e sektorit nisur edhe nga përmirësimet e fundit ligjore.



“Ka një sektor që fillon në qendër, në Drejtorinë e Përgjithshme të Policisë së Shtetit sic është Sektori Kundër Dhunës dhe Mbrojtjes së të Miturve dhe është e shpërndarë në gjithë drejtoritë vendore. Për shkak të ndryshimeve në legjislacionin shqiptar si Ligjin për Mbrojtjen e Fëmijëve apo procedurat standarte për shumë vepra që lidhen me këtë kategori Policia e Shtetit organizon trajnime me specialistët në këtë sector, të dedikuara vetëm për dhunën tek fëmijët”, thotë Diana Haxhiaj.

Sipas të dhënave zyrtare pandemia e koronavirusit ka rritur varfërinë e fëmijëve dhe ulur cilësinë e arsimit ndërkohë që në Shqipëri statistikat e kësaj periudhe flasin edhe për rritjen e rasteve të dhunën në familje.

Zonja Allushi thotë se shumica e rasteve të fëmijëve të dhunuar evidentohen pikërisht në këto familje.

“Ajo që evidentohet më shumë është numri i fëmijëve që janë ekspozuar ndaj dhunës si rezultat i konfliketve që lindin mes prindërve në familjet e tyre. Për këtë arsye në një qendër të posaçme të hapur nga Bashkia në bashkëpunim me Ministrinë e Shëndetësisë prej vitti 2019 ofrohet shërbim psikologjik, shërbim ligjor dhe zhvillohen me fëmijët, viktima të dhunës, edhe aktivitete të ndryshme”, thotë zonja Allushi.

Sipas Raportit të Prokurorit të Përgjithshëm për Kriminalitetin, në Shqipëri gjatë vitti 2020 u regjistruan 48 procedime për keqtrajtim të të miturve nga 27 që ishin regjistruar në vitin 2019, me një rritje prej rreth 78%.

Edhe këtë vit shifrat paraprake flasin për ritje të dhunës ndaj të miturve.

Prokuroria e Përgjithshme ka kërkuar ndërveprim të institucioneve përgjegjëse për trajtimin e fëmijëve që dhunohen./voa

 

LEXO TE PLOTE

Lajme

AMA me “dorë të hekurt”/ Brenda tre muajve jep 30 masa ndëshkimore për televizionet

Publikuar

-

Nga

Autoriteti i Mediave Audiovizive ka ndërmarrë në total 30 masa për periudhën shtator-nëntor gjatë procesit të monitorimit të përmbajtjeve audiovizive dhe nga ankesat e mbërritura në institucion, për mosrespektim të detyrimeve të ligjit 97/2013 Për mediat audiovizive në Republikën e Shqipërisë”, i ndryshuar

AMA ka dhënë 14 (katërmbëdhjetë) masa për mosrespektimin e kërkesave ligjore dhe Kodit të Transmetimit.

Për 6 (gjashtë) televizione janë dhënë masa për përdorim fjalori të papërshtatshëm për të miturit në orare që kufizon Kodi i Transmetimit si dhe cënim të të drejtave të fëmijëve në bazë të nenit 32 dhe 33, i ligjit “Për mediat audiovizive në Republikën e Shqipërisë”, i ndryshuar si dhe pika 5.34 e Kodit të Transmetimit, sipas të cilit “ OSHMA-të duhet të zgjedhin orarin e transmetimit të programeve që mund të dëmtojnë zhvillimin mendor, fizik apo moral të fëmijëve, ose të marrin ndonjë masë tjetër teknike, që fëmijët të mos i shikojnë ose dëgjojnë të tilla transmetime ( Ora kufi 22:00-06:00)”.

Të tjera masa janë marrë për televizionet të cilat kanë transmetuar reklamë të ndaluar në kundërshtim me rregulloren “Për komunikimet audiovizive me natyrë tregtare, format, kushtet dhe koha ditore e lejuar për transmetimin e reklamave”, konkretisht neni 19, pika 10.



Ëshë proceduar me masë ndaj një televizioni për diskriminim referuar nenit 32 dhe 33 të Ligjit 97/2013, të ndryshuar, dhe Kodit të Transmetimit, të cilët kërkojnë “të mos cënohet dinjiteti dhe të drejtat themelore të njeriut “ dhe “ OSHMA-të nuk transmetojnë programe me përmbajtje që nxisin urrejtjen mbi baza racore, gjinie, fetare, etnike, kombëtare dhe cdo formë tjetër diskriminimi”.

Gjatë trajtimit të rasteve të evidentuara si shkelje, Autoriteti i Mediave Audiovizive ka bashkëpunuar në dy raste me Autoritetin Kombëtar të Ushqimit referuar ankesave për reklamim të produkteve që mund të cilësohen të dëmshme për shëndetin dhe në tre raste me Agjencinë Kombëtare të Barnave dhe Pajisjeve Mjekësore, për reklamat e barnave mjekësore që nuk kanë përmbushur kërkesat e Rregullores “Për publicitetin e barnave”.

Autoriteti i mediave Audiovizive krahas vlerësimit për angazhimin dhe kontributin e televizioneve në funksion të informimit dhe edukimit të publikut, përfiton nga rasti të përsërisë apelin për respektimin e detyrimeve që rrjedhin nga Ligji nr.97/2013./CNA.al

LEXO TE PLOTE
Lajme të Rekomanduara: