Connect with Us

Abuzimet me të mitur, këmbanë alarmi/ Psikologia këshilla prindërve: Si të dalloni sjelljen e fëmijës

Aktualitet

Abuzimet me të mitur, këmbanë alarmi/ Psikologia këshilla prindërve: Si të dalloni sjelljen e fëmijës

Publikuar

-

/
cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Psikologia Arjana Muça ka treguar gjithcka që duhet të dini në lidhje me profilin klinik të një pedofili. Sipas raporteve zyrtare në tremujorin e fundit janë shtuar rastet e denoncimeve në polici për veprën marrëdhënie seksuale me të mitur.

‘Rastet nuk janë shtuar, tani po bëhen publike sepse deri dje kanë qenë më të fshehura. Tani ne po i dëgjojmë pak më shumë sepse opinioni ka filluar të sesnsibilizohet” u shpreh Arjana Muça në një intervistë në emisionin Rreze Dielli në Report Tv.

Sipas psikologëve persona të tillë enden lirshëm në shoqëri, dhe bëjnë sjellje normale dhe shpesh është i vështirë identifikmi i tyre, sidomos për prindërit për të kuptuar se një rrezik i tillë mund ti kanoset fëmijës së tyre. Por si të dallojmë sjelljen e fëmijës nëse është abuzuar seksualisht me të?

Të gjithë prindërit sado kohë mos të kenë, do e kuptojnë sepse ai përqafimi që ata marrin në momentin që kanë kontaktin me fëmijët nuk do të jetë ai përqafimi I zakonshëm. Ajo gjuha e ëmbël plot emocion, ngjyrimet që ne I japim tonalitetit tonë kur takojmë fëmijët nuk do të jetë ai I zakonshmi. Pra që nga këtu prindri kupton që dicka nuk shkon, pastaj kemi ato shqetësimet të cilat janë më të dukshme, mund të jetë ankesa nga fëmija që nuk dëshiron të shkojë të nesërmen në shkollë se ndjnë një dhimbje barku, por kjo gjë bëhet e përsëritur. Kur themi fëmijë I izoluar, kemi një fëmijë i cili është i hapur, i cili është i shoqërueshëm dhe papritur bëhet I mbyllur nuk dëshiron të dal nga dhoma, nuk dëshiron ti prekësh sendet e tij personale” tha ajo./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sociale

Studentët shqiptarë i kushtohen programeve modern të kodimit

Publikuar

-

Nga

Në Shqipëri po shtohen kohët e fundit Akademitë e Kodimit. Grupe të rinjsh mblidhen në qendra trajnimi te specializuara me programe 4 dhe 6 mujore, ku mësojnë të rejat më të fundit nga teknologjia dixhitale.

Një ndër to është dhe Coding Dojo inc, një nga akademitë më të mira amerikane të kodimit, që në Shqipëri vjen në bashkëpunim me shoqërinë MetaPlan.

Është mbrëmje e fundjavës, por të rinjtë e mbledhur në mjediset e BetaPlan janë mjaft të përqendruar në projektet e tyre. Metoda dhe teknikat e punës janë intensive dhe premtojnë që në katër muaj të përgatisin një programues të pavarur të nivelit junior.

Shila Shahinasi drejton një grup studentësh të moshave dhe intereave të ndryshme, por të gjithë i bashkon pasioni për teknologjinë dhe programimin.

“Në thelb ne i mësojmë studentët se sit ë mësojnë. Nuk u mësojmë thjesht teknikat dhe sintaksën e gjuhës së programimit, po u mësojmë mendësinë se si të përballen me një problem të jetës së përditshme në aspektin e kodimit” – thotë programuesja Shahinasi.

Sfidat e teknologjisë janë universale dhe ato janë ndeshur më herët edhe student të mëparshëm.

Ajo që duhet për të ecur përpara në këtë fushë është përkushtimi dhe koha që i kushton.

Të mësosh një gjuhë programimi është njëlloj si të mësosh një gjuhë të huaj.

Deri dje studentët fokusoheshin në pjesëza të vogla detyrash, ndërsa tani mësojnë se si ta zgjidhin në tërësi një problem konkret të jetës së përditshme.

“Arsyeja që erdha këtu në programin e pajton ishte sepse ky është i përditësuar, dhe doja të bëja diçka që ishte koherente. Në universitet kam mësuar bazat e programimit, që lidhen me vitet 2006-2008, por ato baza tashmë nuk janë funksionale në praktikë, sepse është e vjetër dhe nuk do të përshtatej pa një përditësim” – thotë Endi Mimini studenti i teknologjisë së informacionit në Universitetin e Tiranës.



Kurset i udhëheqin studentët drejt një profesioni të rid he drejt një etike profesionale bashkëkohore.

Që nga fillimi i kësaj nisme në BetaPlan janë rreth 70 studentë, që studiojnë gjuhë të ndryshme në teknologjitë xhava, pajton, sharp, data sajens, ndërsa mësime bëhen në klasë dhe online.

“Në shtator nisëm kursin dhe tani emi në javën e fundit. Këtu jam ndjerë shumë mirë me mësuesit e përgatitur dhe kam mësuar mjaft” – thotë Klea Çera, student e bioteknologjisë në Universitetin e Tiranës.

Studentët vlerësojnë se barriera mes asaj që mësojmë në universitet dhe detyrave që kërkohen praktikisht në punë është shumë e madhe, ndaj edhe nevoja e përditësimit është tejet e madhe.

Programi përgjithësues sjell një ndryshim të plotë në mënyrën e të menduarit të zgjiedhjeve dhe është po ashtu një plotësues i sigurtë për një ëeb development, zhvillues në faqe interneti.

“Arsyeja kryesore që zgjodha të vija në BetaPlan ishte se doja në ushtroja dhe të shtoja në praktikë njohuritë e mia minimale në këtë fushë. Arsyeja tjetër është kultura amerikane e studimit këtu në BetaPlan, që e gjejmë të zbatuar këtu në kurikulën e BetaPlan-it” – thotë Angela Shegani, studente e teknologjisë së informacionit në Universitetin e Tiranës.

Në mars 2021 BE nxori agjendën digjitale për dhjetëvjecarin, ku kërkon që Europa duhet të ketë 20 milionë profesionistë deri në 2030.

“Në çdo një mijë banorë duhet të ketë 33 profesionistë të shkencave kompjuterike, gjë që do të thotë se programimin duhet ta mësojnë të gjitha profesionet. Kemi fatin që kemi ndërtuar një partneritet me akademinë amerikane Coding Dojo inc., një ndër 10 më të mirat në Amerikë, e cila ka ardhur këtu në Shqipëri me një partneritet vendas me parimin më të rëndësishëm të SHBA-ve, që bizneset ndihmojnë bizneset dhe njerëzit ndihmojnë njerëzit dhe i integrojnë ato në zinxhirin ekonomik global”, – thotë Admir Malaj, një nga organizatorët e kursit të Beta Plan.

SHBA kanë sot ndër akademitë e kodimit më të mira dhe rinia shqiptare është e interesuar që të krijohen sa më shumë lidhje të tyre partnerë vendorë, të cilat mund të sjellin diferencën në edukimin e programuesve të rinj, duke zhvilluar tregun shqiptar të punës me cilësi të veçanta profesionale./voa

LEXO TE PLOTE

Kronika

Vrasja e 34 vjeçarit në Ekuador/ Artan Hoxha nxjerr videon dhe zbardh dinamikën: Si ndodhi ngjarja

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Ergys Dashi 34 vjeçari nga Durrësi u vra në një lokal në Ekuador mbrëmjen e 22 janarit, pasi ishte i përfshirë në organizatën kriminale te trafikut te kokaines.

Gazetari Artan Hoxha ka nxjerrë edhe videon në momentin kur autori ka hyrë në lokal me një tufë me lule dhe ka qëlluar në drejtim të Dashit, ndërsa ky i fundit ka humbur jetën në vend.

Hoxha shkruan se ngjarja ka ndodhur rreth orës 19:00, ndërsa shton se “gjatë largimit autori ka hapur serish zjarr, por këtë radhë jo në mënyrë selektive, duke plagosur një vajzë vendase, e cila ishte ulur me shoqërinë e saj në një tavolinë përpara tavolinës ku u vra Dashi”.

Video ekskluzive e momentit, kur u ekzekutua me një plumb në ballë, në Guayaquil të Ekuadorit, durrsaku 34-vjeçar Ergys Dashi…

Beteja mes organizatave kriminale të trafikut të kokainës, rregjistron viktimën e radhës në Ekuador.



Durrsaku 34 vjeçar, Ergys Dashi, mbeti i vrarë me një plumb në ballë, mbrëmjen e djeshme në një lokal në Guayaquil, qytetin e dytë më të madh të vendit dhe porti më i madh Ekuadorit.

Viktima ndodhej nën shoqerinë e një personi tjetër në një kënd të lokalit, nga ku kontrollohej edhe hyrja edhe fasada, por ekzekutori nuk u la asnjë mundësi reagimi, pasi hyri në lokal me një tufë me lule në duar.

Në videon e publikuar nga Xhungel.al, tregohet qartë e gjithë skena e krimit. Dinamika e lëvizjeve të autorit dhe përpjekja e personit që ndodhej në tavoline me viktimën për ta sulmuar vrasësin me karrike dhe çfarë t’i kapte dora.

Vrasja ka ndodhur rreth orës 19:00 të mbrëmjes së 22 janarit, kur lokali ka patur edhe klientë të tjerë.

Gjatë largimit autori ka hapur sërish zjarr, por këtë radhë jo në mënyrë selektive, duke plagosur një vajzë vendase, e cila ishte ulur me shoqërinë e saj në një tavolinë përpara tavolinës ku u vra Dashi”, shkruan Hoxha./E.K-CNA.al

LEXO TE PLOTE

Kosova & Rajoni

Kosova dhe Serbia pa vullnet për marrëveshjen finale

Publikuar

-

Nga

Prej disa muajsh, dialogu Kosovë Serbi duket se është në ngërç, pasi palët nuk po vendosin të nisin bisedimet, dhe as datë të përcaktuar për takimin e radhës nuk ka.

Njohës të fushës në Kosovë thonë se për shkak të zgjedhjeve të prillit në Serbi, nuk do të këtë asgjë konkrete.

“Para zgjedhjeve në Serbi nuk do të ketë asnjë progres. Kjo periudhë më shumë duhet të përdorët që institucionet e Kosovës të flasin me aleatët tanë në ShBA dhe BE për t’i bindur për këtë qasje të re dhe frymë të re në kuadër të që qeveria e re insiston. Unë besoj se këto muaj nuk duhet humbur që institucionet e Kosovës të bindin partnerët tanë për nevojën e ndryshimit të dialogut. Deri tani e shohim se ekziston një hendek mes qasjes së institucioneve të reja në Kosovë dhe aleatëve tanë ndërkombëtar, pasi ata po insistojnë që të vazhdohet rrjedhja dhe dinamika e dialogut siç ka qenë deri më tani”, shprehet Demush Shasha – drejtori i Institutit Epik.

“Serbia do të kalojë një proces zgjedhor në muajin prill dhe nuk pritet ndonjë zhvillim i menjëhershëm derisa të përfundojë procesi zgjedhor atje. Megjithatë pjesa e dytë e vitit nga muaji maj e tutje, mund të priten zhvillime të reja dhe dinamika të reja sa i përket procesit të dialogut Kosovë-Serbi…Kemi pa se kur ka procese zgjedhore në Kosovë dhe Serbi, dialogu pezullohet për një kohë. Ndërmjetësi i jep kohë atij shteti që të përfundojë procesin zgjedhor, pastaj edhe të vazhdon me diskutimet në dialog. Kjo bëhet në mënyrë që kjo temë mos të ndikojë në rezultatet e zgjedhje, apo mos të ketë ndonjë ndikim në këto procese”, thotë Violeta Haxholli nga Instituti Demokratik i Kosovës.



Gazmir Raci, njohës i procesit të dialogut thotë se ekziston mundësia për një takim mes Kurtit dhe Vuçiç në Paris, madje ai shton se në Kosovë shumë shpejtë mund të vijnë për vizitë, përfaqësuesi special të BE-së për dialogun, Miroslav Lajçak dhe zëvendësndihmës sekretari amerikan, Gabriel Escobar.

“Mendoj se do të kemi një qasje të re, por kemi një ngërç momentalisht në dialog, për shkak të qëndrimeve të kundërta që i kemi mes të palëve. Po ashtu e kemi problemin se Serbia tashmë ka hyrë në fazën e zgjedhjeve në gjitha niveleve dhe do të jetë problem ndonjë takim i mundshëm. Ani pse po flitet kohëve të fundit se mund të ketë një takim në Paris, por kjo nuk është e konfirmuar dhe pres që dialogu të vazhdojë pas muajit prill”, shprehet Raci.

Referendumi për ndryshimet kushtetuese në Serbi shkaktoi tensione mes dy vendeve. Që nga viti I kaluar mes dy vendeve nuk ka pasur progres në procesin e bisedimeve./euronews

LEXO TE PLOTE