Connect with Us

Mijëra doza të tjera Pfizer mbërrijnë në Rinas/ Ja sa ka arritur numri në total

Shëndeti

Mijëra doza të tjera Pfizer mbërrijnë në Rinas/ Ja sa ka arritur numri në total

Publikuar

-

/

Mbrëmjen e sotme ka ardhur në Shqipëri një tjetër ngarkesë me vaksina kundër COVID-19.

Lajmin e ka dhënë ministrja e Shëndetësisë, Ogerta Manastirliu e cila bën me dije se në Rinas kanë mbërritur 74,880 doza vaksine Pfizer.

 “Kanë mbërritur në Shqipëri edhe 74,880 doza të vaksinës Pfizer, pjesë e kontratës së dytë të qeverisë shqiptare me kompaninë. Deri tani kanë mbërritur në vendin tonë 2,571,840 vaksina antiCOVID-19. Jemi të vendosur të çojmë përpara planin kombëtar të vaksinimit, për mbrojtjen e jetës dhe shëndetit të çdo qytetari.” /CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

Ftohje në mushkri?/ Disa rekomandime si të veprojmë për t’u kuruar natyralisht

Publikuar

-

Nga

Ditën e sotme në rubrikën “Mjekësia Alternative” në “ABC e Mëngjesit” është folur për patologjinë më të shpeshtë në dimër, siç është ftohja në mushkri.

Profesori dhe doktori i shkencave bujqësore, Zef Gjeta ka treguar disa rekomandime të lehta dhe praktike për t’u zbatuar, se si të veprojmë për t’u kuruar natyralisht.

“Një nga të parat është që ne duhet të fusim këmbët në ujë të nxehtë, sepse kur jemi të ftohur nga mushkritë nuk arrijmë të furnizojmë si duhet gjakun me oksigjen dhe për pasojë zemra jonë ka vështirësi. Organet ekstreme, në rastin konkret duart dhe këmbët, pastaj fillojnë hunda, veshët dhe me radhë, fillojnë të mos furnizohen mirë me gjak dhe të ftohen. Ne duhet ta bashkëshoqërojmë me disa gota uthull, pasi është një gjë shumë e mirë.



LEXO EDHE:  Mjekja shqiptare në Gjermani: Skeptike për masat e marra në Shqipëri, kjo nuk është rruga që do të çojë në uljen e infeksioneve

LEXO EDHE:  Covid 19/ Mjekja tregon se kush duhet t’i nënshtrohet testit të shpejtë

Ne si rekomandim të dytë kemi një dietë ushqimore sa më të mirë. Domini I frutave dhe perimeve në dietën tonë ushqimore si dhe mishrave të lehtë siç është peshku apo pula, janë një faktor shumë i rëndësishëm dhe ndihmojnë në rezistencën tonë trupore.

Rekomandimi tjetër janë çajrat, çaji i lules së blinit është shumë i mirë, çajrat e malit, por ne duhet të përdorim vazhdimisht dhe sherebelën se është një antibiotik natyral.

Gjithashtu mentja është një nga më të mirat, gjethet e dafinës, mund të përdorim edhe rozmarinë, edhe ato avujt që lëshojnë vetë, na ndihmojnë të lehtësohet frymëmarrja”, sugjeroi Gjeta.

LEXO TE PLOTE

Shëndeti

Çfarë dihet për versionin “tinëzar” të Omicronit?

Publikuar

-

Nga

Shkencëtarët dhe zyrtarët shëndetësorë në mbarë botën po i mbajnë sytë te një pasardhës i variantit Omicron të koronavirusit, që është gjetur në të paktën 40 vende, përfshirë Shtetet e Bashkuara të Amerikës.

Ky version i koronavirusit, të cilin shkencëtarët e quajnë BA.2, konsiderohet gjerësisht më i fshehtë se versioni origjinal i Omicronit sepse tipare të veçanta gjenetike e bëjnë disi më të vështirë për t’u zbuluar.

Disa shkencëtarë shqetësohen se mund të jetë gjithashtu më ngjitës.

Por, ata thonë se ka shumë gjëra që ende nuk dinë për të, duke përfshirë nëse i shmanget më mirë vaksinave ose shkakton sëmundje më të rënda.

Ku është përhapur?

Që nga mesi i nëntorit, dhjetëra vende kanë ngarkuar rreth 15,000 sekuenca gjenetike të BA.2 në GISAID, një platformë globale për ndarjen e të dhënave të koronavirusit.

Që nga mëngjesi i së martës, 96 nga ato sekuenca erdhën nga SHBA-ja.

“Deri më tani, ne nuk e kemi parë se ka filluar të fitojë terren” në SHBA, tha Dr. Wesley Long, një patolog në Houston Methodist në Teksas, i cili ka identifikuar tri raste të BA.2.

Mutacioni duket shumë më i zakonshëm në Azi dhe Evropë.

Në Danimarkë, ky mutacion përbënte 45 për qind të të gjitha rasteve të COVID-19 në mes të janarit, nga 20 për qind dy javë më parë, sipas Institutit Staten Serum , i cili është në kuadër të Ministrisë daneze të Shëndetësisë.

Çfarë dihet për këtë version të virusit?

BA.2 ka shumë mutacione. Rreth 20 prej tyre në proteinën e majës që mbulon pjesën e jashtme të virusit janë të njëjta me Omicronin origjinal.

Por, ka edhe ndryshime gjenetike shtesë që nuk shihen në versionin fillestar.

Është e paqartë se sa të rëndësishme janë ato mutacione, veçanërisht në një popullatë që ka hasur në Omicronin origjinal, tha Dr. Jeremy Luban, një virolog në Universitetin e Massachusetts.

Tani për tani, versioni origjinal, i njohur si BA.1 dhe BA.2 konsiderohen nënbashkësi të Omicronit. Por, udhëheqësit globalë të shëndetit mund t’i japin emrin e vet të shkronjës greke nëse konsiderohet një “variant shqetësues” i rëndësishëm globalisht.

Përhapja e shpejtë e BA.2 në disa vende ngre shqetësime se mund të shpërndahet shpejt.

“Ne kemi disa indikacione se ai thjesht mund të jetë po aq ngjitës ose ndoshta pak më ngjitës se Omicroni [origjinal] pasi është në gjendje të konkurrojë me të në disa zona”, tha Long.

“Por, ne nuk e dimë domosdoshmërisht pse është kjo”, tha ai.

Një analizë fillestare nga shkencëtarët në Danimarkë nuk tregon ndryshime në shtrimet në spital për BA.2 krahasuar me Omicronin origjinal.

Shkencëtarët atje ende po shqyrtojnë infektivitetin e këtij versioni dhe sa mirë funksionojnë vaksinat aktuale kundër tij.

Është gjithashtu e paqartë se sa mirë do të funksionojnë trajtimet kundër tij.

LEXO EDHE:  Covid-19 “paralizon” sistemin arsimor/ Mbyllet shkolla në Krujë, 3 mësues rezultojnë pozitiv

LEXO EDHE:  Covid-19/ Agjencia e Barnave në BE miraton edhe përdorimin e vaksinës Moderna



Mjekët gjithashtu nuk e dinë ende me siguri nëse dikush që tashmë ka pasur COVID-19 të shkaktuar nga Omicron mund të sëmuret përsëri nga BA.2.

Por, ata janë me shpresë, veçanërisht se një infeksion i mëparshëm Omicron mund të zvogëlojë ashpërsinë e sëmundjes nëse dikush më vonë kontrakton BA.2.

Dy versionet e Omicronit kanë mjaft të përbashkëta, sa që është e mundur që infeksioni me mutacionin origjinal “do t’iu japë mbrojtje të kryqëzuar kundër BA.2”, tha Dr. Daniel Kuritzkes, një ekspert i sëmundjeve infektive në Brigham.

Shkencëtarët do të kryejnë teste për të parë nëse antitrupat nga një infeksion me Omicrnin origjinal “janë në gjendje të neutralizojnë BA.2 në laborator”, tha ai.

Sa të shqetësuara janë agjencitë shëndetësore?

Organizata Botërore e Shëndetësisë e klasifikon Omicronin në përgjithësi si një variant shqetësues, etiketimin që i japin mutacioneve të koronavirusit, por nuk e veçon BA.2 me një etiketim të tillë.

Megjithatë, duke pasur parasysh rritjen e tij në disa vende, agjencia thotë se hetimet e BA.2 “duhet të kenë prioritet”.

Agjencia e Sigurisë Shëndetësore e Mbretërisë së Bashkuar, ndërkohë, e ka caktuar BA.2 një “variant nën hetim”, duke përmendur numrat në rritje të gjetur në Mbretërinë e Bashkuar dhe ndërkombëtarisht.

Megjithatë, versioni origjinal i Omicronit mbetet dominues në Mbretërinë e Bashkuar.

Pse është më e vështirë të zbulohet?

Versioni origjinal i Omicronit kishte veçori specifike gjenetike që lejuan punëtorët shëndetësorë ta diferenconin me shpejtësi nga Delta duke përdorur një test të caktuar PCR.

BA.2 nuk ka të njëjtën veçori gjenetike. Pra, në test, tha Long, BA.2 duket si Delta.

“Nuk është se testi nuk e zbulon atë; vetëm se nuk duket si Omicron”, tha ai.

“Mos keni përshtypjen se ‘Omicron i fshehtë’ do të thotë se ne nuk mund ta zbulojmë atë”.

“Të gjitha testet tona PCR ende mund ta zbulojnë atë”, tha Long.

Çfarë duhet të bëni për t’u mbrojtur?

Mjekët këshillojnë të njëjtat masa paraprake që kanë përmendur gjatë gjithë kohës: Vaksinohuni dhe ndiqni udhëzimet e shëndetit publik për mbajtjen e maskave, shmangien e turmave dhe qëndrimin në shtëpi kur jeni të sëmurë.

“Vaksinat janë ende duke ofruar mbrojtje të mirë kundër sëmundjeve të rënda, shtrimit në spital dhe vdekjes”, tha Long.

“Edhe nëse keni pasur COVID 19 më parë – keni pasur një infeksion natyral – mbrojtja nga vaksina është akoma më e fortë, më e qëndrueshme dhe në fakt … i bën mirë njerëzve që kanë qenë të infektuar më parë”.

Versioni i fundit është një tjetër kujtesë se pandemia nuk ka përfunduar.

“Ne të gjithë dëshirojmë që të kishte mbaruar”, tha Long, “por, derisa të vaksinojmë botën, do të jemi në rrezik që të shfaqen variante të reja”./ Associated Press- REL

LEXO TE PLOTE

Shëndeti

Çfarë mund të ndodhë me trupin tuaj nëse hani vetëm një herë në ditë?

Publikuar

-

Nga

cna shendet

Të hash një herë në 24 orë tingëllon si mision i pamundur, por shumë njerëz e praktikojnë atë. Kjo është një formë e agjërimit që besohet se ju ndihmon të humbni peshë. Sigurisht, jo të gjithë ndjekin qëllimet e humbjes së peshës; disa thjesht duan të jenë më të shëndetshëm ose të shpenzojnë më pak para për ushqim. Bright Side  shpjegon reagimin e trupit tuaj ndaj kësaj mungese të papritur ushqimore.

Mund të shtoni peshë.

Në rastet e mungesës së ushqimit, trupi juaj aktivizon “modalitetin e urisë” dhe rezervon të gjithë ushqimin që konsumoni. Në thelb ngadalëson metabolizmin tuaj. Si përfundim, prodhimi i kortizolit (hormoni i stresit) rritet, dhe kjo ju bën të ruani yndyrë.

Niveli i sheqerit në gjak mund të bëhet i paqëndrueshëm.

Periudhat e gjata pa ngrënë zakonisht çojnë në nivele të  paqëndrueshme të sheqerit në gjak. Hipoglicemia (sheqeri jashtëzakonisht i ulët në gjak) shkaktohet shpesh nga agjërimi, veçanërisht nëse keni diabet të tipit 2. Më vonë, mund të vuani nga tensioni i muskujve që prodhon dhimbje koke.

Mund t’ju mungojnë lëndët ushqyese.

Një vakt në ditë mund të mos jetë në gjendje t’ju sigurojë një sasi të mjaftueshme të vitaminave. Si rezultat, ju jeni në një rrezik më të lartë për të zhvilluar pasojat e mungesës së vitaminës. Për shembull, humbja e flokëve shpesh lidhet me  mungesën e lëndëve ushqyese. Ndërkohë, njollat ​​e bardha në thonjtë (leukonikia) zakonisht shkaktohen nga mungesa e zinkut dhe kalciumit .

LEXO EDHE:  Mjekja shqiptare në Gjermani: Skeptike për masat e marra në Shqipëri, kjo nuk është rruga që do të çojë në uljen e infeksioneve

LEXO EDHE:  Çfarë dimë për variantin e mbiquajtur "mutant i dyfishtë" në Indi?



Jeta juaj shoqërore mund të përkeqësohet.

Dreka në punë, mbledhje familjare dhe ditëlindje, të gjitha këto ngjarje sociale do t’ju kalojnë, sepse jeni të kufizuar në vetëm një vakt. Si pasojë, familja dhe miqtë tuaj do t’ju predikojnë për dietën e duhur dhe në mënyrë të pashmangshme do të vënë në dyshim sensin tuaj të shëndoshë. Përveç kësaj, do të ndiheni tw irrituar për shkak të urisë.

Mund të vuani nga dhimbje koke.

“Dhimbjet e kokës dietike” janë mjaft të zakonshme tek ata që duan të humbin sa më shpejt kilogramët e tepërt. Ato ndodhin për shumë arsye, qoftë për shkak të një periudhe  rregullimi , një rënie të niveleve të sheqerit në gjak, mungesë të magnezit dhe shumë të tjera.

Mund të jeni gjithmonë të ftohtë.

Ngrënia e një vakti në ditë devijon rrjedhën e gjakut në drejtim të depozitimit të yndyrës . Në këtë mënyrë, ajo grumbullon energji dhe, në rast urgjence, ju siguron forcë dhe shkathtësi. Sasia e ulët e kalorive ju bën të ndiheni vazhdimisht të ftohtë dhe të uritur./A.E-CNA.al

LEXO TE PLOTE