Shkencëtarët janë drejt realizimit të një plani që në të ardhmen do të ndihmojë në pastrimin e ajrit. Ata po rishikojnë mundësinë për të ndërtuar pyje me pemë mekanike, të dizajnuara me shtresa disqesh për të ‘thithur dioksid karboni’.

Zhvilluar nga Klaus Lackner, profesor i Inxhinierisë në Universitetin Shtetëror të Arizonës , ‘pemët’ janë mijëra herë më efikase se varieteti natyror.

Ato janë si kolona të larta vertikale disqesh, secila rreth 5 metra në diametër dhe të vendosura dy inç larg njëra-tjetrës, të mbuluara me një rrëshirë kimike dhe të vendosura si një pirg pllakash vinili.  Kjo rrëshirë kap CO2 nga ajri dhe pasi mbushen, ato bien në një fuçi ku CO2 avullohet dhe futet në një mjedis të mbyllur.

Aktualisht CO2 thjesht ruhet ndryshe nga pemët e vërteta, të cilat e kthejnë gazin përsëri në oksigjen.

Ai mbahet jashtë mjedisit, por nuk përdoret për përdorim tjetër, megjithëse projekte të tjera kanë eksploruar ri-përdorimin e dioksidit të karbonit të ruajtur.

Kjo mund të përfshijë përdorimin e tij për të prodhuar karburant sintetik, i cili më pas mund të përdoret në avionë, duke reduktuar kërkesën për naftë dhe gaz. Lackner planifikon tre ferma të mëdha mekanike pemësh, me të parën që do të hapet në Arizona këtë vit, me mbështetjen e një granti prej 2.5 milionë dollarësh të Departamentit të Energjisë.

Ato janë duke u projektuar dhe ndërtuar nga Qendra ASU për Emetimet Negative të Karbonit dhe janë komercializuar nga Carbon Collect me bazë në Dublin.

Pasi të treja të bëhen funksionale, ato do të jenë në gjendje të thithin 1000 ton CO2 në ditë, i përshkruar si një hap i rëndësishëm në balancimin e buxhetit të karbonit në botë.

Gjatë 200 viteve të fundit, që nga Revolucioni Industrial, njerëzit kanë djegur lëndë djegëse fosile në sasi gjithnjë e më të mëdha, duke pompuar dioksid karboni në atmosferë. Ky është një gaz i fuqishëm serrë, dhe ka hyrë në atmosferë me një ritëm më të shpejtë dhe nivel më të madh, sesa burimet natyrore, të tilla si pemët, që mund ta largojnë atë.

Ekspertët thonë se ne duhet të punojmë për të hequr CO2 nga ajri, duke i ofruar një ndihmë botës natyrore .

Ky nuk është një problem i lehtë për t’u zgjidhur, që kërkon që CO2 të ruhet, në vend që të ripërdoret ose ndryshohet.

Departamenti Amerikan i Energjisë vendosi një synim për të rritur kapjen e drejtpërdrejtë të ajrit, duke përdorur reaksionet kimike për të kapur dhe hequr CO2 nga ajri.

Nuk është një qasje universale, pasi disa aktivistë mjedisorë e shohin atë si një justifikim për të lejuar vazhdimin e përdorimit të karburanteve fosile, por raportet e IPCC tregojnë se është e nevojshme të respektohen objektivat e ngrohjes globale prej rritjes maksimale të temperaturës 3.6F./ A.E-CNA.al

Makina fluturuese e së ardhmes është vetëm nja hap larg daljes në shitije.

Kjo për shkak se anija ‘AirCar’ me modalitet të dyfishtë, e cila mund të shndërrohet nga një mjet rrugor në një aeroplan në më pak se tre minuta, tani është zyrtarisht e certifikuar për të fluturuar pasi ka kaluar testet e sigurisë në Sllovaki.

Asaj iu dha statusi i ri pas përfundimit të më shumë se 200 uljeve dhe ngritjeve dhe 70 orësh testime rigoroze të fluturimit sipas standardeve të Agjencisë Evropiane të Sigurisë së Aviacionit (EASA).

Krijuesit e AirCar thanë se testet përfshinin gamën e plotë të manovrave të fluturimit dhe performancës, përpara se të shtonin se anija “demostronte një stabilitet të mahnitshëm statik dhe dinamik në modalitetin e avionit”.

Ata thanë se procedurat e ngritjes dhe uljes së AirCar u arritën edhe pa nevojën e pilotit për të prekur kontrollet e fluturimit.

Tani që anijes i është dhënë Certifikata e Vlefshmërisë për fluturim nga Autoriteti Sllovak i Transportit, krijuesit thonë se një model i ri prodhimi pritet të certifikohet në 12 muaj.

Nuk janë zbuluar ende detaje të çmimit për automjetin, por mos u habitni nëse e shihni të fluturojë vitin e ardhshëm./ CNA.al

Kemi dëgjuar shpesh njerëz që thonë se bukuria dhe inteligjenca nuk kanë lidhje me njëra-tjetrën, pasi ekzistojnë paragjykimet se njerëzit e bukur nuk e përdorin shumë intelgijencën. Por disa njerëz pa e ditur mund të ndikohen nga ” efekti halo “. Më poshtë do të lexoni se si forma e fytyrës tuaj tregon shumë gjëra për personalitetin.

Fytyrë e gjerë

Testosteroni dhe estrogjeni kanë një rol si në sjellje ashtu edhe në atë se si duken fytyrat tona. Testosteroni i lartë  lidhet me kockat më të forta të nofullës dhe estrogjeni i lartë me ballin më të  butë , buzët më të harlisura dhe konturet më të buta dhe më të rrumbullakëta . Tek gratë, këto tipare përgjithësisht lidhen me vlerësime më të larta të feminitetit, atraktivitetit dhe shëndetit, dhe ato zbulojnë fertilitet më të lartë. Mollëzat më të gjera janë gjithashtu të lidhura me testosteronin shtesë. Ky konsiderohet një  tregues i  agresionit më të lartë dhe gjithashtu i bujarisë . Meshkujt me këtë tipar të fytyrës shihen si më të sigurt dhe ata e ndjejnë veten kështu.

Fytyrë e rrumbullakët

Femrat me fytyrë të rrumbullakët janë më bujare . Një fytyrë në formë të rrumbullakët është shpesh një shenjë e një personi të sjellshëm, vetëmohues dhe të kujdesshëm. Njerëzit me këtë tipar mund të jenë  miq të vërtetë . Megjithatë, ata gjithashtu mund të japin shumë nga vetja dhe t’i vënë nevojat e njerëzve të tjerë para të tyret, duke lënë pas dore mirëqenien e tyre. Këto lloje fytyrash perceptohen si më të pafajshme dhe, për shkak të kësaj, më të besueshme. Forma e rrumbullakët e kokës së një personi mund të jetë gjithashtu një  tregues i problemeve të mundshme me apnea e gjumit. Në fakt, njerëzit me këtë karakteristikë mund të priren të gërhijnë më shumë.

Forma ovale e fytyrës

Nëse fytyra duket e gjatë dhe mollëzat më të gjera se nofulla, forma e fytyrës është ovale. Njerëzit me këtë formë fytyre ndoshta perceptohen nga të tjerët si më ekstrovertë dhe miqësorë . Kjo nuk do të thotë që njerëzit me fytyra ovale janë natyrshëm flutura sociale. Por ata priren të jenë më miqësorë dhe të gjejnë lehtësi me fjalët, duke ditur se si t’i përdorin ato për t’i  bërë të tjerët të ndihen të mirëpritur dhe rehat .

Fytyrë në formë zemre

Një fytyrë në formë zemre  karakterizohet nga një ballë i madh dhe një mjekër më e vogël, si një trekëndësh i përmbysur. Thuhet se ata janë  vetë-analizues dhe me mendje të fortë . Njerëzit me këtë formë fytyre priren të kenë forcë të jashtëzakonshme të brendshme dhe janë mjaft kokëfortë . Ata kanë shumë energji, fuqi të brendshme dhe intuitë të fortë, duke ditur se kur duhet të veprojnë për të arritur objektivat e tyre.

Ata janë gjithashtu shumë krijues dhe të dashur , por gjithashtu mund të jenë emocionalisht të paqëndrueshëm dhe të pavendosur. Njerëzit me këtë formë fytyre mund të jenë shumë të ngrohtë dhe lehtësisht i bëjnë njerëzit e tjerë të ndihen të veçantë, pasi u pëlqen të shprehen. Ata e duan pasionin që vjen me rënien në dashuri, por mund të mos qëndrojnë kur gjërat zgjidhen ose bëhen më të zakonshme.

Forma e fytyrës në formë “diamanti”

Njerëzit me këtë formë fytyre thuhet se  kënaqen duke qenë nën kontroll. Duke dashur dhe synuar perfeksionin, ata janë të orientuar drejt detajeve dhe prodhojnë punë cilësore . Të mprehta si diamante dhe shumë të sakta me fjalë, mund të priten nëse kalohen në mënyrë të gabuar.

Në shumë vende, kjo formë fytyre  konsiderohet mesatare në pamje. Kjo mund të jetë një gjë e mirë , pasi njerëzit, në përgjithësi, priren t’i konsiderojnë fytyrat me pamje mesatare më të besueshme se ato me karakteristika të veçanta ose unike.

Forma drejtkëndore e fytyrës

Njerëzit me një  lloj fytyre më të gjerë kanë shumë energji natyrore dhe qëndrueshmëri të lartë. Ata gjithashtu priren të marrin përsipër projekte të mëdha dhe kanë një mendje të fortë dhe mendje analitike. Të aftë për të qëndruar të qetë dhe të përqendruar, edhe në mjedise me stres të lartë, ata mund të jenë liderë të lindur nga natyra.

Mendimtarë dhe planifikues të mirë , ata janë të prirur t’i  përmbahen logjikës dhe të mos flasin për ndjenjat e tyre. Meshkujt me këtë formë fytyre priren të ndihen “më të fuqishëm”, por në fakt perceptohen si “më pak të besueshëm”.

Fytyrë bebe

Tiparet e “fytyrës së foshnjës” mund të ngatërrohen me fytyrën e rrumbullakët, por këtu përfshin detaje specifike, si sytë e mëdhenj dhe një hundë dhe mjekër e vogël. Njerëzit me këto tipare mund të perceptohen si  më naivë , më pak dominues, apo edhe të nënshtruar. Por ata janë, në  fakt , të ndershëm, të ngrohtë dhe të sjellshëm. Gratë me këto tipare, në kultura të ndryshme anembanë globit, konsiderohen si lloji më tërheqës nga të gjithë./ A.E-CNA.al