Janë zbardhur detaje të reja nga ekzekutimi i Bledar Muçës. 39-vjeçari me origjinë nga Peshkopia, lindur e rritur në Elbasan u ekzekutua mbrëmjen e djeshme në Anëerp të Belgjikës

Muça nuk është një emër i panjohur për drejtësinë. Muça rezulton të jetë përfshirë në shumë ngjarje kriminale, një prej tyre edhe ndaj uniformave të Policisë së Shtetit, ndërsa konsiderohej si krahu i djathtë i Ardian e Florenc Çapja.

Për herë të fundit që Bledar Muça u vu në pranga ishte në maj të vitit 2020 pasi aksidentoi një efektiv policie.

Në 6 qershor të vitit 2016 Bledar Muça e Florenc Çapja ishin shënjestër e një atentati me armë në Elbasan. Në mes të ditës, në qendër të qytetit, mbi makinën me të cilën ata udhëtonin u zbrazën plumba kallashnikovi, duke u rrezikuar jeta e dhjetra personave që ndodheshin në qendër të qytetit.

Në të njëtin vit, por në muajin shkurt Bledar Muça e Florenc Çapja, i shpëtuan atentatit një tjetër atentati. Në masakrën e 3 shkurtit mbetën të vrarë tre persona: Agron Çapja, Eno Bedalli dhe Ardit Sinakolli. Dy miqtë morën plagë të lehta nga breshëritë e kallashnikovit, që u qëlluan nga të paktën tre persona, në një lokal në dalje të qyteti të Elbasanit, ndërsa gjashtë të tjerë u plagosën.

Por, Muça nuk ka qenë vetëm shënjestër atentatesh. Ai është dyshuar edhe për vrasje të ndodhur gjatë viteve të fundit në Elbasan. Emri i tij është i përfshirë në vrasjen e vëllezërve Roland dhe Ilir Rexhepi, vrasje të ndodhura në kohë të ndryshme në qytetin e Elbasanit, por që asnjëherë nuk iu provuan nga policia dhe nga prokuroria.

Mëngjesin e 22 korrikut të vitit 2009, Elbasani u trondit nga një ekzekutim. Dy persona me motor qëlluan me breshëri kallashnikovi mbi mjetin me të cilin udhëtonte Roland Rexhepi, ish-efektiv policie, që kishte punuar edhe në seksionin e anti-drogës. Ekzekutimi i tij u bë në mes të dhjetëra kalimtarëve, ndërsa polici-viktimë u tha se për shumë kohë ishte identifikuar si krahu i djathtë i ish-drejtuesit të “hekurt” të policisë Edmond Koseni. Atentatorët u zhdukën në mes të turmës duke e lënë të vdekur në makinë Roland Rexhepin, ndërsa policia arriti të shoqëronte me dhjetëra e dhjetëra persona. Më në fund, katër ditë pas atentatit, policia aso kohe njoftoi se ka arrestuar si të dyshuar për këtë krim Armando Llakajn, 31 vjeç, me precedentë të mëparshëm penal dhe Marjus Tafa. Mësohet se Llakaj ishte njeri i afërt i fisit Çapja, ndërsa viktima, më vonë do të konsiderohej edhe si kushëriri i Fadil Memës, i ekzekutuar në Torino.

Në fund të vitit 2011 u ekzekutua dy plumba biznesmeni Ilir Rexhepi. Viktima kishte një polici private dhe sipas policisë e prokurorisë së asaj kohe, 41-vjeçari, baba i dy fëmijëve nuk kishte asnjë precedent penal. Ekzekutimi ndodhi pikërisht në kohën kur prokuroria kërkoi 48 vjet burg për dy të dyshuarit për vrasjen e vëllait të tij në korrikun e 2009-ës. Policia kreu sërish një mori shoqërimesh dhe si përfundim për krimin u konsiderua fajtor pikërisht Bledar Muça, i cili kishte mundur të kalonte kufirin pa u prekur nga askush. Policia e shpalli në kërkim Muçën ndërsa vuri në pranga vetëm një punonjës të policisë kufitare. Ai përgënjeshtroi gjithçka përmes një letre, por edhe ku u dorëzua, autoritetet mbyllën dosjen.

Ministria e Shëndetësisë njoftoi më 23 janar se në Kosovë është regjistruar një viktimë dhe 2,957 raste të reja me koronavirus.

Rastet e reja dalin pas testimit të 11,913 mostrave. Nga kjo shifër del se 24.82 për qind e të testuarve kanë rezultuar pozitivë me sëmundjen COVID-19.

Numri i infektimeve ditore është më i ulët krahasuar me një ditë më parë, kur në Kosovë u shënuan 3,206 raste.

Në raportin e Ministrisë së Shëndetësisë, që i referohet të dhënave të 24 orëve paraprake, bëhet e ditur se janë shëruar edhe 458 persona. Ndërkaq, raste aktive me koronavirus aktualisht janë 17,743.

Sa i përket vaksinimit, punëtorët shëndetësorë kanë administruar edhe 6,806 doza të vaksinës kundër koronavirusit.

Deri më tani në Kosovë me dy doza të vaksinës janë imunizuar 801,281 persona, me dozën përforcuese 44,143 dhe me atë të tretë janë imunizuar 10,781 persona.

Në Kosovë, të gjithë personat mbi 12 vjeç mund të vaksinohen kundër koronavirusit. Ndërkaq, personat mbi 18 vjeç, që janë imunizuar me dy doza para tre muajsh, mund të marrin edhe dozën përforcuese apo atë të tretë.

Ish deputeti Myslim Murrizi ka reaguar ashpër ndaj demokratëve, të  cilët sot kanë dalë kundër kreut të KQZ Ilirjan Celibashi.

Në një postim në rrjetin social Facebook, Murrizi teksa kujton “Dushkun, ku u vodhën me dhunë mandatet e disa deputetëve, shprehet se Celibashi ka qenë ministër i Brendshëm dhe zbatonte urdhrat e PS.

Por ai shton se ndërsa sot anëtarë të komisionit të rithemelimit të PD dalin kundër kryetarit të KQZ, disa vite më parë e kanë votuar emrin e Celibashit përball Rusmajlit, në emër të marrëveshjes së reformës zgjedhore të 5 qershorit.

Postimi i plotë i Murrizit:

Për ata që zgjodhën Celibashin duke skualifikuar Rusmalin

Çfarëdo që të bësh në këtë jetë, e bën për veten pavarësisht se mund të kesh patur qëllim tua fusësh të tjerëve

Sot pashë që ankohet komisioni i rithemelimit të PD për kryetarin e KQZ Çelibashin dhe mu kujtua një thënie e lashtë e Burrave të mençur

ANKOHEJ PYLLI SE PO E PRISTE SËPATA, DHE PERGJIGJEN E MER NGA OSHËTIMA E MALEVE

“BISHTIN VETË JA KE VËNË”

Se sëpata bisht nga druri i pyllit kishte që priste pyllin, se pa patur bisht, sëpata të rruan opingat

Unë isha në komisionin parlamentare ku seleksionoheshin kanidatët për kryetar dhe anëtarë të KQZ

Deputeti i sotëm dhe përfaqesuesi i PD atëherë, sot në komisionin e rithemelimit Z Bylykbashi në zbatim të marrëveshjes së dhjerë të 5 qershorit mes Tij, Garz Bardhit, Tit Vasilit dhe Damian Gjiknur-Tërmetit zgjodhën mes Z Ilir Rusmaili dhe Çelibashit të Dushkut 2001, këtë të fundit

Kur mendon që për inatë sime vjerre, shkoj e fle me mullixhinë, atëherë do ngelesh me barrë dhe mullixhinj do “ pjellësh”

Z Ilir Rusmaili ishte ish ministër drejtësie dhe ish zv KM i qevërisë se PD dhe ndoshta i vetmi politikan me integritet që dha dorëheqien për një lajm shterpë të sajuar nga lufta e bërrylave brenda pushtetit të PD

Celibashi ishte ish zv ministër i Brendshëm i qeverisë socialiste në vitet e revolucionit të bandave 1997-2001, pastaj kryetar i KQZ së bandave të pushtetit në zgjedhjet e vitit 2001 që realizoi Dushkun me 10 deputët, që vodhi me dhunë mandatin e Halit Shamatës në Peqin, të Ful Kalidhopullit në Gjirokastër, të Ridvan Bodes në Devoll, të Llesh Kolës në Lezhë e sa mundi sipas porosisë së Partisë Socialiste

Dhe mender PD e Lul-Bardhit të sotëm por e Lul-Bardh-Bylykbash-Palokë-Spaho-Noka-Vokshi-Berishë  etj në atë kohë, besuan më shumë Celibashin se sa  Z Ilir Rusmaili

Ehhhhh sa mirë ndjehem që kam votuar për Ilir Rusmailin

Në politikë dhe në jetë, koha është gjykatës më i mirë, bile i shkëlqyer, për qëndrimet, vendimet, veprimet, sjelljen dhe gjithçka që karakterizon jetën e shoqërisë njerëzore

Tani lëreni klithmat për atë që keni gatuar vetë të gjithë së bashku por kandidoni njerëz jo hajdut administrate, jo spiun sigurimi, jo mender demokrat pushteti e spurdhjak që lëpihen sa andej këtej, por DEMOKRAT DINJITOZ që të korigjoni sado pak të gjithë llumin që keni gatuar së bashku nga 19 shkurti 2019

Kërkoni me çdo formë të zbatohet të paktën ajo pjesë e marrëveshjes paçavure e 5 qershorit që e trumbetonit sikur të ishte BIBËL apo KURAN, që komisionerët të jenë jashtë duarve të pista të një grushti fundërrinash militantë që prej 31 vitesh kanë tjetërsuar votën e QYTETARËVE

Më datë 6 mars do ta ndjeni dhe do ta provoni e vuani në kurriz, atë që unë dhe shumë kolegë të mi ndjemë në 25 prill 2021 ku na vodhët dhe masakruat vota falë pazarit të ndyrë që kishit ju Lul-Bardhësat me Ram-Damjansat

ZOTI  TA KTHEN KUSURIN SHPEJT PER ÇDO GJE TE PADREJTE QE KE GATUAR./E.K-CNA.al