LEXO PA REKLAMA!

SHKARKO APP

Policia Rrugore me “dorë të hekurt”/ Ndëshkon 3560 drejtues mjetesh, pezullohen 126 patenta

8 Nëntor 2021, 16:01, Aktualitet CNA
Policia Rrugore me “dorë të hekurt”/ Ndëshkon 3560

Policia Rrugore vijon kontrollet intensive në të gjitha rrugët e vendit, për evidentimin dhe ndëshkimin e atyre drejtuesve të automjeteve dhe motomjeteve që abuzojnë me rregullat e qarkullimit rrugor.

Gjatë fundjavës janë evidentuar në shkelje, nga makina inteligjente, 3560 drejtues mjetesh, janë hequr 126 leje drejtimi si dhe janë vënë në pranga 42 shoferë.

Njoftimi policisë

Siguria Rrugore/Gjatë fundjavës, 42 drejtues mjetesh të arrestuar, 126 leje drejtimi të pezulluara dhe 3560 masa administrative në të gjithë vendin, për shkelje që janë rrezik potencial për sigurinë rrugore, si dhe 1456 masa të tjera për tejkalim shpejtësie të evidentuar nga makina inteligjente.

Shërbimet e Policisë Rrugore, në bashkëpunim me Patrullat e Përgjithshme, vijojnë kontrollet intensive në të gjithë vendin, duke përdorur makinën inteligjente, radarë, dronë, mjete të pauniformuara, kamera, aparate fotografike dhe alkooltestues, për parandalimin e aksidenteve rrugore.

Gjatë fundjavës janë evidentuar në shkelje, nga makina inteligjente, 1456 drejtues mjetesh, të cilëve do t?u shkojë masa administrative në banesë.

Gjithashtu, në të gjithë vendin, gjatë kontrolleve permanente janë evidentuar dhe ndëshkuar 3560 drejtues mjetesh, për shkelje të ndryshme që janë rrezik potencial për përfshirje në ngjarje rrugore.

Janë pezulluar 129 leje drejtimi, nga të cilat 79 për shpejtësi mbi normat e lejuara, shumica e rasteve të konstatuara nga makina inteligjente, 38 për drejtim mjeti nën efektin e alkoolit dhe 12 për qarkullim në sens të kundërt.

Gjatë fundjavës janë arrestuar 42 shtetas, nga të cilët 20 për drejtim mjeti në gjendje të dehur dhe 22 për drejtim mjeti pa leje drejtimi.

Policia e Shtetit apelon për të gjithë përdoruesit e rrugës që të tregojnë kujdes dhe të zbatojnë me rigorozitet rregullat e qarkullimit rrugor dhe fton qytetarët që të denoncojnë në Komisariatin Dixhital dhe në numrin e emergjencave 112, çdo paligjshmëri.

Lajmet e fundit nga