Deputetja e PD Jorida Tabaku është “përplasur” sot në Kuvend me ministren Elisa Spiropali.

“Përplasja” ka ardhur pas deklaratave të Spiropalit për situatën e brendshme në PD.

Tabaku është kundërpërgjigjur duke thënë se në PD ka debat dhe zgjedhje, ndërsa në kampin tjetër kanë 15 vite që nuk votojnë kryetarin e partisë.

“Nuk dua ti diskutoj problemet e brendshme të Partisë Demokratike, por të dëgjosh këtu Elisën që të jep mend, nuk mund të rrija pa folur. Ka një debat në PD, ka mendime ndryshe, por me kokë ulur të gjithë si ju nuk janë . Të gjithë rresht me një kryetar që keni 15 vite që nuk e votoni. Dhe flet këtu për ligje imagjinare”, është kundërpërgjigjur Tabaku.

Ajo ka vijuar më tej me akuzat, duke thënë se është kthyer Shqipëria në lavatriçen e pastrimit të parave.

“Sot po ndërtojnë ndërtesa miliarda me zero kapital. E futën Shqipërinë në listën e trafikimit të drogërave.

Ligji i dalë dje, raporti i dalë dje i TI tregoi situatën reale që ne e kemi thënë çdo vit. Vijnë këtu dhe krekosen.

Sot banorët e 5 majit po protestojnë se do të prishen shtëpitë e tyre dhe do ndërtohen për rindërtimin e tij. Ato janë banesa shtetërore dhe jo qytetarësh. Kjo është qeveria e Edi Ramës. Jam lodhur duke i përsëritur këto raportet ndërkombëtare. Po të mburresh këtu me rezultatet e 25 prillit se ke blere vota, ke përdorur patronazhistët, se ke nxjerrë të dhënat personale, unë nuk e di si mund të krenohesh”, është shprehur Tabaku./CNA.al

Lideri historik i PD, Sali Berisha është rikthyer në parlament pas 4 muajsh mungesë.

Në një deklaratë për mediat Berisha është shprehur se po rikthehet për popullin , se për ata që janë brenda sallës nuk vlen të qëndrojë as 4 minuta.

“Rikthehem në respket të popullit, por për ata që janë aty nuk ia vlen të rrish as 4 minuta në atë séance”, tha ndër të tjera Berisha./ CNA.al

Lulzim Basha nga foltorja e Kuvendit është ndalur tek afera e inceneratorëve të cilën e ka quajtur aferën e shekullit.

Sipas tij edhe pse dje janë shpallur në kërkim dy pronarë të inceneratorëve, Qeveria sërish vijon të paguajë skenat e krimit.

“Shikoni vetëm ngjarjet e javëve të fundit. Shikoni faktet që ka depozituar PD për check-up e famshëm, që vazhdon si një hemorragji dhe nuk ndalet as në kohë pandemie. Shikoni raportimin e përditshëm të tenderave në ARRSH. Për të ardhur tek afera e shekullit, inceneratori, që kanë shkrumbuar e shkrumbojnë paratë e shqiptarëve. Ndërkohë që dje janë shpallur në kërkim ndërkombëtar dy pjesëtarë të kësaj afere. Një ditë përpara e kam paralajmëruar disa herë që do të zhduken, do të shkojnë në arrati, se dinë shumë, dhe dinë ato që s’duan t’i dinë, tani janë në kërkim ndërkombëtar. Ndërkohë që ata janë në kërkim ndërkombëtar, kjo Qeveri vazhdon të paguajë skenat e krimit, që janë me shirit të verdhë”, është shprehur Basha./CNA.al