Connect with Us

“Është i imi, më mirë vdis”/ Kur vajzat rrihen për një djalë

Kronika

“Është i imi, më mirë vdis”/ Kur vajzat rrihen për një djalë

Publikuar

-

/
cna news, cna lajme, lajme cna, lajme flash cna, cna.al, cna lajme politike,

Një studente pretendon se është rrahur nga një inxhiniere dhe shkaku i sherrit midis të dyjave është një mashkull. Por teksa të dyja vajzat kanë përfunduar në polici, i riu ka refuzuar të paraqitet pranë drejtorisë vendore përmendi një burim i sigurt duke thënë vetëm kaq në telefon: “Nuk vij në polici për punë grash”. Mbasi kanë marrë dëshmitë, policia ka ngritur ndaj të dyja vajzave nga kryeqyteti akuzën e kanosjes së rivales. E akuzuara e parë, me profesion inxhiniere është ish e fejuara e H. , një 33 vjeçari i cili e braktisi atë mbas një lidhjeje disa vjeçare. Ndarja ndodhi për shkak të një tjetre, që është e akuzuara e dytë dhe që ndjek arsimin e lartë për infermieri. Sipas materialeve hetimore dhe denoncimeve respektive të vajzave që janë rrahur sapo kanë zbuluar njëra tjetrën, historia u bë e komplikuar mbas justifikimeve të të riut i cili asnjërës nuk i kishte treguar për ekzistencën e tjetrës “Bëj kallëzim për K.P – thotë në polici studentja – mbasi ajo më kanosi seriozisht për jetën duke më thënë në mes të shkollës ‘kurvë do të shqyej, ti më ndave në prag të dasmës” .

E reja insiston në polici se një skenë e tillë ka ndodhur edhe pranë shtëpisë dhe lagjes ku ajo banon.

“Erdhi me makinë të bardhë, gjendesha në lokal, ishte me një mjet audi, dhe mu afrua duke duke thënë do të vras k…prostitutë”.

“I erdhi lagjes vërdallë duke bërë xhiro me makinë dhe me të njëjtin fjalor u sigurua që ta mësonin të gjithë historinë time”-thotë në polici studentja.

Por rezulton se edhe inxhinierja ka bërë disa herë kallzime ndaj studentes. Edhe së fundmi ajo nuk ka hezituar të tregojë në polici se është kanosur nga e dashura e re e ish të fejuarit “Kam bashkëjetuar me të për 10 vite, po bëheshim gati për martesë. Historinë paralele dhe vajzën që hyri midis nesh e kam zbuluar përmes rrjeteve sociale. Ajo kishte dijeni për marrëdhënien e H. dhe bashkëjetesën e tij sepse e takova dhe ja vura në dijeni faktin e fejesës. Nuk u tërhoq, përkundrazi hapi rrjete sociale dhe nisi sulmet direkte duke më konsideruar si një grua që nuk e linte të lirë një burrë që të zgjedhë. Këtu nisëm dhe fërkoheshim të dyja dhe nuk vonoi ajo më kanosi duke më shkruar ‘është i imi, më mirë vdis’ më shkroi”.

Inxhinierja tregon se realisht mbas grindjeve në çift, dhe përpjekjeve të të fejuarit që e kategorizonte studenten “ si njëra që i ishte qepur se ishte e fiksuar” , ajo e la atë, por nervat nuk i zbritën. “Studentja u fiksua megjithëse e mori çfarë deshi, e mori H. I jepte kënaqësi t’më kërcënonte duke ekspozuar vendet që frekuentonim ne si çift dhe kjo është një tjetër lloj kanosjeje, së bashku me ofendimet se midis një të reje dhe një të ‘moshuare’ si unë, ai do zgjidhte patjetër atë. Por unë jam 33 vjeçe, dhe e kam takuar këtë vajzë që në nerva e sipër mund ti kem thënë çdo gjë. Por ajo vazhdon të më kanosë”. Por studentja nga ana e saj insiston se nuk mund të jetë ajo fajtore për të histori që kishte marrë fund. Megjithatë pyetjes nëse kishte apo jo informacion për bashkëjetesën e të dashurit ajo i përgjigjet: Kjo është një pyetje që duhet t’ia adresoni të dashurit tim. Policia thotë se me gjithë kallëzimet e herëpashershme të të dyja vajzave që pretendojnë se tjetra është një rrezik real, konflikti nuk është mbyllur. Disa herë të dyja vajzat rezultojnë të kenë depozituar kallzime për palën tjetër për kanosje, jo vetëm përballë por edhe përmes e-maileve dhe në telefona.

Në përfundim policia ka administruar çdo gjurmë të kërcënimeve të palës tjetër dhe vec veprës së kanosjes do ti hetojë të dyja edhe për akuzën e ndërhyrjes pa të drejtë në jetën private, të parashikuar nga neni 84 dhe 121 i Kodit penal. Të dyja do të hetohen në gjendje të lirë, por përpara se kjo të ndodhe, do të merret edhe një deklaratë nga i riu, që megjithëse është molla e sherrit, duket se nuk ka lëvizur gishtin ta administrojë situatën./SI

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kronika

Foto-Atentatori i Armando Dukës/ 34 vjeçari arrestohet me të njëjtën veshje që vuri tritolin

Publikuar

-

Nga

Arlen Hasanaj, 34 vjeç, është personi që ka vënë tritolin në portën e shtëpisë së kreut të FSHF-së, Armando Duka.

Ngjarja ndodhur mbrëmjen e të hënës, ndërsa Hasanaj është arrestuar një natë më parë.

34 vjeçari është arrestuar po me të njëjtën veshje që është filmuar nga kamerat e sigurisë duke vënë tritolin në derën e shtëpisë së Dukës.



Hasanaj është banor në të njëjtën lagje me Dukën dhe rezulton pronar i një biznesi market.

Ende nuk ka informacione në lidhje me deklaratën e Hasanajt në Polici, se cili ishte motivi që vuri eksplozvin në banesën e Dukës.

Nga shpërthimi i lëndës plasëse, fatmirësisht nuk pati dëmtime të mëdha, ndërsa kreu i FSHF Armand Duka dyshon se këto ngjarje kanë të bëjnë me zhvillimet e fundit për sa u përket zgjedhjeve në Federatën Shqiptare të Futbollit./CNA.al

LEXO TE PLOTE

Kronika

Vendosi tritol në shtëpinë e Armand Dukës/ Arrestohet autori, ja kush është

Publikuar

-

Nga

Policia ka arrestuar autorin e dyshuar që ka vendosur lëndë shpërthyese mbrëmjen e djeshme në shtëpinë e kreut të FSHF Armand Duka në Durrës.

Nga informacionet paraprake, mësohet se autori është Arlen Hasanaj, pronar i një biznesi në qytetin bregdetar, si dhe banor i lagjes numër 4.
Deri tani nuk dihet arsyeja pse vendosi lëndë plasëse, dhe nëse mes tyre ka pasur ndonjë konflikt të hershëm apo ngjarja lidhet me garën në FSHF.
Nga shpërthimi që ndodhi mbrëmjen e djeshme, u dëmtua vetëm pjesa e jashtme e portës, ndërsa në shtëpi ndodhej bashkëshortja dhe djali i Dukës.
Ky i fundit, mbrëmjen e djeshme tregoi edhe një mesazh kërcënues që kishte marrë, ku i kërkohej të jepte dorëheqjen ose mbi kokën e tij do derdheshin 60 plumba./E.K-CNA.al

 



 

 

 

LEXO TE PLOTE

Kronika

“Mafia shqiptare në të njëjtin nivel me Ndranghetën, Camorra e Cosa Nostra”/ Eksperti Italian tregon si është ‘perfeksionuar’ ndër vite

Publikuar

-

Nga

Eksperti italian i kriminalistikës Vincenzo Musacchio në një lidhje me Skype për A Shoë me Adi Krastën ka folur për grupet kriminale shqiptare dhe trafikun e drogës nga Shqipëria drejt Italisë.

Musacchio u shpreh se e gjithë droga që mbërrin në brigjet italiane si Pulja e Kalabri, ka si origjinë Shqipërinë.

Sipas tij, mafia shqiptare, është perfeksionuar dhe është në të njëjtin nivel me mafien e famshme italiane si Ndrangheta, Camorra apo Cosa Nostra.



Kërkesat për lëndë narkotike në Europë janë në rritje. Tregu kërkon edhe më shumë drogë. Dhe këto mafie do të jenë edhe më të fuqishme. Ne mendojmë se janë njerëz budallenj, por në fakt janë të zgjuar, kanë aftësi dhe vizion të qartë të gjendjes, dinë si të veprojnë, sepse kanë mësuar nga mafia italiane dhe janë përmirësuar.

Sot, mafia shqiptare, për mua mafia dhe kriminaliteti i organizuar janë e njëjta gjë, në Shqipëri mund të ketë kuptim të ndryshëm, por nënkuptoj një gjë të vetme, dje janë arrestuar në Molise, nga një operacion i madh policor dhe krerët e mafies u arrestuan.

Eksponentët kryesorë ishin shqiptarë. E gjithë droga që vjen te ne, në Molise, Pulja, Kalabri, është e gjitha drogë që vjen nga Shqipëria. Ja pse, me këtë forcë, me këtë pushtet ekonomik, mafiet shqiptare sot janë në të njëjtin nivel me Ndranghetën, Camorra, Cosa Nostra. Edhe me mafien Puljeze kemi bashkëpunim të ri. E gjithë droga që vjen nga këto anë, është drogë nga Shqipëria“, u shpreh Musacchio.

LEXO TE PLOTE